Yɔni 2:10 - ALLALA KUMƐ

¹⁰ A ya a fɔ a ye ko, “Mɔgɛnu duruta nɔnbɔ-gbɔ-yi-diyamɛ le dila mɔgɛnu ma fɔlɔn. Ni anu bara mɛ anu minna, wo kɔma, a si do labɔ min ma ke doi rɔ. Kɔnɔ ile ara nɔnbɔ-gbɔ-yi-diyamɛ wo mara ha a laban!”

Yɔni 2:10 Iomraidhean Croise

Ko-Dabirɛnu 43:34

Wɔli-kɛlɛnu ya dɔn-fan min tafara anu tɛma Yusufula tebulu kuma ka a don anu bolo, anu ya Bɛnyamɛtɛ lakoloya kinyama loli ka tenbi a kɔrɔ wonutɛ la iko Yusufu ya a fɔ ala wɔli-kɛlɛ wonu ye nya min. Anu ya fen-dɔn-kɛ ka anu min kolikoli, ha anu fara pen!

Yaburi 104:15

Ado nfan, anu si ke gbɛɛ sɔrɔnna min si a ma, anu ni sewa. I si ɔlifi-tuli fanan di anu ma alako anu ni anu yakɔrɛ mamun. I ye dɔn-fan dila anu ma alako anu ni to sɛnbɛ sɔrɔnna.

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Matiyu 24:49

wo kɔma, a ni wuli a wɔli-kɛ-nyɔgɛnu gbesila ka fen-dɔn-kɛ ka a min gbɛɛtoenu fɛ,

Luka 12:45

Kɔnɔ ni wɔli-kɛlɛ ya a fɔ a nyɛrɛ ma ko, ‘N tigi sa nala fɔlɔn,’ wo kɔma, a ni wuli wɔli-kɛla-keimɛ anubɛ a musumɛnu gbesila ka fen dɔn ka a min koikoi ha a hɛnkili ni tinya.

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Kɛwɔlɛnu 2:15

Gbɛɛ ma kɛnu bira iko a ye wo kɔntɔ nya min bawo sun-tele-wati le kɛ la (9 am).

1 Kɔrɛnti 11:21

Wo tenbi fen dɔnla, mɔgɔ kelen-kelennamɛ-bɛɛ ye fen dɔnna iko a di a ye nya min. Anu ti doinu makɔni, woletɔ do kɔnkɔtoe tenbi, do kun tafinnɛ gbɛɛ-minyɛ bolo.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

1 Tɛsalonaika 5:7

Kinɔgɔlɛnu si kinɔgɔ suyi le tɔ. Gbɛɛtoenu fanan si gbɛɛ min suyi le tɔ.

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!