Yɔni 19:5 - ALLALA KUMƐ

⁵ Yisa bɔra luyi ma. Anu ya mansaya-fulɛ min nadan wɔnɛ la, wo donnɛ a salɛ la anubɛ duruki-yalawulan ye a kan na. Pailɛti ya a fɔ anu ye ko, “Wo ma a yen?”

Yɔni 19:5 Iomraidhean Croise

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Nimisa Koe 1:12

Yerusalɛm soe ya a fɔ ko, “Wole minnu bi tenbi-tenbila, wola ko sa nna ko rɔ. Ha bi, wo ara mɔgɛ yen tɔrɔla mintɛ tenbira ndetɛ la, wa? Mari diminyara n ma lunyɛ min, a ya tɔrɔyɛ sigi n ma wulɔn le.

Matiyu 27:29

Anu ya wɔnɛ ma mansaya-fulɛ la ka wo sigi a kunyɛ la ka kɔlɔma don a bolo-nyimɛ rɔ. Wo kɔma, anu ya anu nyɛnkin a kɔrɔ a mayɛlɛn-koe la. Anu ko, “Yahudiyanuna mansɛ, alamɛ i mɛra!”

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Yɔni 19:2

Kɛlɛ-dannu ya mansaya-fulɛ ladan wɔnɛ la ka a don a salɛ la. Anu ya duruki-yalawulan bila a kan na.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.