Yɔni 19:4 - ALLALA KUMƐ

⁴ Pailɛti bɔra luyi ma tun ka a fɔ nyama ye ko, “Wo ni wo tole masɔ, n si a ma, anu ni Yisa labɔ wo ma alako wole fanan ni a yen ko n ma a yiliki-nya yen hali!”

Yɔni 19:4 Iomraidhean Croise

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Matiyu 27:24

Pailɛti ya a yen tumɛ min ko a ti nɔ-ko sɔrɔn anu ma, ado sɔnkɔ-sɔnkɛ ye nala bɔla-a-rɔ le, a ya yi bi ka a bole laku nyama yala. A ko, “Ndeta sa kei kɛ faga-koe rɔ! Wota kɛwɔli le wo la!”

Matiyu 27:4

A ko, “N bara hakɛ kɛ ka mɔgɔ-magbalanɛ ladon wo bolo tɔ, ado a ye nala fagala!” Anu ya a fɔ a ye ko, “Malela ko sa wo rɔ. Ila koe le wo la!”

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Luka 23:4

Wo kɔma, Pailɛti ya a fɔ saraka-masɔla-wɛnu anubɛ nyama ye ko, “N ma kei kɛ yiliki-nya yen hali!”

Luka 23:41

Anu bi male tɔrɔla mala ko-yogomɛla ko la kɔnɔ ale ma fenfen ma!”

Luka 23:47

Kɛlɛ-dannuna kun-tigi ya wo yen nkɛkuna, wo ya Alla tanto, a ko, “Mɔgɔ-latelennɛ le kei kɛ la serr!”

Yɔni 18:33

Pailɛti donta ala bɔn la. A ya Yisa kele ka a manyinika ko, “Yahudiyanuna mansɛ le ile la, wa?”

Yɔni 18:38

Pailɛti ya a manyinika tun ko, “Tonyɛ ye nfen na?” Nba, Pailɛti bɔra Yahudiyanu barɛ luyi ma tun ka a fɔ anu ye ko, “Ndeta miriya, kei kɛ ma ko-yogoma fenfen kɛ!

Yɔni 19:6

Saraka-masɔla-wɛnu anubɛ Alla-Bato-Bon kandannɛnu ya a yen tumɛ min, anu ya a lasɔnkɔ ko, “A gbangban kɔlɔma ma! A gbangban kɔlɔma ma!” Pailɛti ya a fɔ anu ye ko, “Wole nyɛrɛ ni a bi ka ta a gbangban kɔlɔma ma. Nde ma a yiliki-nya yen hali!”

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Pita 2:22

A ma hakɛ-wo-hakɛ kɛ! A ma foninya-wo-foninya fɔ mumɛ!

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,

1 Yɔni 3:5

Iko wo ya a lɔn nya min, Kirasiti bɔra gbɛ rɔ alako a ni ma hakɛ bɔ ma ma, ado ale nyɛrɛ ma hakɛ kɛ mumɛ!