Yɔni 18:8 - ALLALA KUMƐ

⁸ Yisa ko, “N bara a fɔ wo ye nun ko wo le nde la. Ni wo ye nde le nyini tinɛ, nba, wo ni doi kɛnu to nyɔ, anu ni ta.” (

Yɔni 18:8 Iomraidhean Croise

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Matiyu 26:56

Kɔnɔ kɛ bɛɛ mara alako nɛbinu ya min sɛbɛ Allata kitabu rɔ, wo ni bɔ-a-la.” Nba, karan-dannu bɛɛ bɔra a fɛ ka anu buri.

Yɔni 10:28

N si habadan-nimayɛ di anu ma. Anu ti halaki mumɛ! Mɔgɔ-wo-mɔgɔ ti ke anu fɔrɔnna n bolo.

Yɔni 13:1

Nba, a ara to nun tele kelen yanni Kanan-Ko-Ladiyɛ ni ke. Yisa ya a lɔn ko ala wati ara ke ka bɔ duninya rɔ ka sɛgi a Fa Alla warɛ. Atɛ ye minnu na duninya rɔ, wonu di a ye, ado wonu di a ye ka a dan natenbi.

Yɔni 13:36

Saimon Pita ya Yisa manyinika ko, “I ye tala mi?” Yisa ya a yabi ko, “N bi tala kan min, i ti ke bilala n fɛ nyɔ kaka kɔnɔ wati do, i si bila n fɛ.”

Yɔni 16:32

Wati ye nala, ado a ara ke, wo dama si nyɛnsɛn. Bɛɛ si ta a warɛ. N kelen pe si to. Kɔnɔ n kelen ma de bawo n Fa Alla ye n fɛ.

Yɔni 18:7

Yisa ya anu manyinika tun ko, “Wo ko wo ye yon nyini tinɛ?” Anu ko, “Yisa, Nasarɛti kɛ.”

Yɔni 18:9

A ya kɛ fɔ alako min fɔra nun, wo ni bɔ-a-la ko, “N Fa Alla ya min bɛɛ di n ma, hali wo kelen ma to-a-rɔ.”)

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

Ɛfɛsa 5:25

Wole keinu, wo ni wola musinu keni iko Kirasiti ya ala mɔgɛnu keni nya min ka a nyɛrɛ niyi ni anuna ko la.

1 Pita 5:7

Wo ni wo hɔn-koe-bɛɛ to ale ma bawo a fonde ye wo ko.