Yɔni 18:11 - ALLALA KUMƐ

¹¹ Yisa ya a fɔ Pita ye ko, “Ila faan lasɛgi a gbɛ rɔ! N Fa Alla ara yi-lafɛ min di n ma, i sa a fɛ, n ni n min wo la, wa?”

Yɔni 18:11 Iomraidhean Croise

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

Yaburi 75:8

Marita yi-lafɛ lafanɛ ata fondo-bɔɛ la iko gbɛɛ-kunɛ min bi kanfala. A si a kɛ karagbɛlɛnu ye alako anu ni anu min kɔlikɔli! Anu si a min ha a ni ban fegba!

Isikiyɛli 23:31

I wara i kɔrɔ-musi kin-gbɛ bi yɛlɛnyɛ rɔ, woletɔ n si i tɔrɔ iko n ya i kɔrɔ tɔrɔ nya min.

Matiyu 20:22

Yisa ya a fɔ anubɛ ala dannu ye ko, “I ye n tarala min ma, i ma wo lɔn. N bi nala tɔrɔyɛ minnu sɔrɔnna, wo si kɛ wo munna wonu kɔrɔ?” Anu ya a yabi ko, “Ɔn, ma si ke le.”

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Matiyu 26:42

Yisa tara tun a kinyama fila nyɔgɛ ka Alla madiya. A ko, “N Fa Alla, ni tɔrɔyɛ kɛ ti ke bɔla n dafɛ fɔ n ba n min a la, ile sako ni kɛ.”

Luka 12:30

Hali Alla-lɔnbɛlɛnu bi nyinina fan kɛnu ma tuma-wo-tuma kɔnɔ wo Fa Alla ya a lɔn ko wo makoe ye fan kɛ bɛɛ la.

Luka 22:42

A ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 18:36

Yisa ko, “Nta mansayɛ sa duninya kɛ rɔ. Ni a ye duninya kɛ rɔ nun, nna mɔgɛnu si kɛlɛ kɛ n ye. Anu ti sɔn n don-koe la Yahudiya mɔgɔ-banu bolo. Nna mansayɛ sa yan tɔ mumɛ!”

Yɔni 20:17

Yisa ya a fɔ a ye ko, “I kana i bole tugu n na bawo n ma yɛlɛ wɛ n Fa Alla warɛ. Kɔnɔ ta a fɔ n na-kelen-nyɔgɛnu ye ko n bi nala yɛlɛla san-kole rɔ n Fa anubɛ wo Fa warɛ, nta Alla anubɛ wota Alla, kɔni.”

2 Kɔrɛnti 10:4

Ma ye kɛlɛ-kɛ-fan minnu bila kɛlɛ-kɛ-tinɛ, duninyata kɛlɛ-kɛ-fen ma wonu na. Ma ye Allata kɛlɛ-kɛ-fen-sɛnbɛmɛnu bila ka Setanɛta kan-tina-latankanɛnu tinya wonu na. Anu bi hɛnkili minnu nabɔla,

2 Kɔrɛnti 6:7

Ma ya tonya-kumɛ fɔ ka Allala sɛnbɛ yira alako ka a yira ko Allata wɔli-kɛlɛ le male la. Telenbagayɛ le mala kɛlɛ-kɛ-miran la. Ma si bui mɔgɛnu ma wo la ka ma nyɛrɛ matanka a la fanan.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.