Yɔni 18:1 - ALLALA KUMƐ

¹ Yisa banta madiyalɛ kɛ kɛla tumɛ min, anubɛ ala karan-dannu tara ka Kidirɔn yi tɛgɛ. Ki-fannu bi kan tinɛ wo rɔ. Yisa anubɛ ala karan-dannu donta ki-fan wonu kɔrɔ.

Yɔni 18:1 Iomraidhean Croise

Ko-Dabirɛnu 2:15

Mari Alla ya kei wo sigi Idɛn nakɔɛ wo rɔ alako a ni nakɔɛ wo fɛ-bira.

Ko-Dabirɛnu 3:23

Woletɔ Mari Alla ya a gben ka a labɔ Idɛn nakɔɛ rɔ alako a ni wɔli dugi rɔ a bɔra kan min.

2 Samuwɛli 15:23

Mansa Dawuda anubɛ ala mɔgɛnu bi tala, so-burɔ-mɔgɛnu bi dila anuna ko la anu sɛbɛ-kuna-wɛ la. Mansɛ anubɛ ala mɔgɛnu ya yi do tɛgɛ min tɔgɛ Kidirɔn. Anu kunyɛ telennɛ wulɛ wara le la.

1 Mansɛnu 15:13

A ya a mama Meyaka wo bɔ mansa-musuyɛ la bawo a ara bɛsi-musumɛ Asura muninyɛ ladan min mamilita. A ya bɛsɛ wo bi ka a rakerikeri ka a mintan Kidirɔn lɛɛ rɔ.

1 Mansɛnu 2:37

Ni i ya Kidirɔn yi tɛgɛ tuma-wo-tuma, i ni a lɔn worɔ serr, ko fɔ i wa faga, ado ni i fagara, i nyɛrɛ gbɛ le wo la.”

2 Mansɛnu 23:12

Yuda mansɛnu ya bɛsi-kɔ-tinɛ minnu nadan Mansa Ehasi ki-tina-kɔrɛ kuma, ale Mansa Yosaya ya wo rakeri. Mansa Manasa ya bɛsi-kɔ-tinɛ minnu nadan Mari Bato-Bɔn kata gbaranda filɛ burɔ nun, a ya wonu fanan takeri. A ya kan-tina filɛ wo bɛsɛnu takerikeri ka wonu nakɛ a rɔ Kidirɔn lɛɛ rɔ.

2 Mansɛnu 23:4

Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

2 Mansɛnu 23:6

Bɛsɛ min tɔgɛ Asura, a ya kɔlɔma wo labɔ luyi ma ka ta a la Kidirɔn lɛɛ rɔ. A ya wo mintan nyɔ ka a bunden gburr! A ya wo gbangban bi ka a furufuru nyɔ-kaburu-soe rɔ.

2 Ko-Kɔrɔta-Karan 15:16

Mansa Esa ya a mama Meyaka bɔ musu-mansayɛ la bawo a ya kɔlɔma lɛsɛ musila muninyɛ la min tɔgɛ Asura, ado wo mamilita. Mansa Esa ya bɛsɛ wo ratɛgɛtɛgɛ ka a mintan Kidirɔn yi-dɛ la.

2 Ko-Kɔrɔta-Karan 29:16

Saraka-masɔlɛ wonu donta Bato-Bɔn sɛninya-koe rɔ. Fan minnu bi Bato-Bɔn wo latinyana, anu ya wonu nabɔ kata kɔma. Lifayi doinu ya anu bi nyɔ ka ta anu na fɔɔ Kidirɔn lɛɛ rɔ Yerusalɛm soe kɔma.

2 Ko-Kɔrɔta-Karan 30:14

Mɔgɛnu bi sarakɛ anubɛ isɛnti mintanna bɛsɛnu ye saraka-mintan-tinɛ min kuma nun Yerusalɛm soe burɔ, anu ya saraka-mintan-tinɛ wo damasi lafili Kidirɔn lɛɛ rɔ.

Nihɛmaya 2:15

N ma ke kila sɔrɔnna nyɔ min kɛ, n yigira fole la ka ta tarɛ lakɔrɔsila. N ya soe lafoo wo nya na le pit! N donta don-dɛ la tun min tɔgɛ Lɛɛ n gbɛ rɔ.

Yɛrɛmaya 31:40

Anu bi furinu togonna lɛɛ min tɔ, ado a manɛ anu bolo sundu-kunyɛ la, ale soe si ta tele-bɔɛ wara la ha nyɔ. Anuna soe wo le ye bɔla sɔla nyɔ ma ka ta furr, ha Kidirɔn yi kɔgɔma. Soe wo le si ta fanan ka ta a labɔ Yerusalɛm don-dɛ la min tɔgɛ, “Soee.” Tɛngbɛnya wo dama si ma Marita so-sɛnimɛ la. A ko nyɔ ti kasara tun!

Saraka-Masɔlɛnuta Tɔnnu 2:6

A wa ban a yilanna tumɛ min, a si a rakerikeri. A si tuli bi ka a furufuru biredi kuma. Wo kɔma, a si biredi wo bi ka a di saraka-masɔlɛ ma.

Matiyu 26:30

Wo kɔma, anu ya bɛti bɔ ka ta Ɔlifi kɔnkɛ kuma.

Matiyu 26:36

Wo kɔma, Yisa anubɛ ala karan-dannu tara kan tinɛ do rɔ min tɔgɔ Kɛtisɛmani. A ya a fɔ anu ye ko, “Wo sigi yan, nde ye tala Alla matarala pan.”

Maraka 14:26

Wo kɔma, anu ya bɛti bɔ ka ta Ɔlifi kɔnkɛ kuma.

Maraka 14:32

Anu tara kan tinɛ do rɔ min tɔgɛ Kɛtisimani. Yisa ya a fɔ ala karan-dannu ye ko, “Wo sigi yan, nde ye tala Alla matarala.”

Maraka 14:42

Wo ni wo lasɔ. Ma ni ta. Min bi nala n madonna n yogenu bolo tɔ, wo ara na. Wo ma a yen?”

Yɔni 14:31

Dɛnkɛninyabɛlɛnu ni a lɔn ko n bara n Fa Alla keni. Woletɔ a ya min bɛɛ fɔ n ye, n bara wo bɛɛsi ma. “Ma ta wona ka bɔ yan.”

Yɔni 18:26

Pita ya saraka-masɔla-kun-tigi-wɛla yɔɔn min tole tɛgɛ a la, wola mɔgɛ do ya Pita manyinika ko, “N ma ile le yen a fɛ ki-fannu kɔrɔ nun?”

Kɛwɔlɛnu 21:11

A ya Pɔlila butɛ-kiri-fan bi ka a nyɛrɛ kiannu anubɛ a bolenu kiri wo la. A ko, “Allata Ni-Sɛnimɛ le ya a fɔ n ye ko Yahudiyanuna kun-tigi donu si butɛ-kiri-fan kɛ tigi kiri ka le. Anu si wo ma Yerusalɛm soe burɔ ka a don sibolo-gbɛrɛnu bolo.”