Yɔni 17:6 - ALLALA KUMƐ

⁶ “I ya mɔgɛ minnu di n ma duninya kɛ rɔ, n bara a ma, wonu bara i lɔn. Itɛ le anu na kebi fɔlɔ kɔnɔ i ya anu di nde ma. Anu bara ila kumɛ bira.

Yɔni 17:6 Iomraidhean Croise

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 22:22

Nna mɔgɛnu ba anu nadɛn i bato tinɛ tumɛ min, n si n dantɛgɛ anu ye ka i tanto anu bɛɛ yala.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Hɛnkilimaya-Kumɛnu 2:10

I hɛnkili ma si to kofula. Ila karan si a ma, i ni sewa.

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Yɔni 12:28

E, n Fa, ila gbiliyɛ yira mɔgɛnu na!” Wo kɔma, kuman-kan bɔra Arinyɛni tɔ, a ko, “N bara ban nna gbiliyɛ mayirala mɔgɛnu ye nun, ado n si a mayira tun.”

Yɔni 15:19

Ni duninyatɛ le wole la nun, dɛnkɛninyabɛlɛnu si wo keni nun iko anu nyɛrɛtɛ. Kɔnɔ n bara wo yatɔnbɔn ka wo bɔ dɛnkɛninyabɛlɛnu tɛma. Anuta ma wole la. Wo le ya a to, wo gboyanɛ dɛnkɛninyabɛlɛnu ye.

Yɔni 15:3

“N ya karan min fɔ wo ye, wo la ara telen wo fɛ kaka.

Yɔni 15:7

Ni wo tora nde rɔ, ado ni nna kumɛ sigira wo yisi rɔ, wo wa n tara ko-wo-ko la, wo si wo diyana-koe wo sɔrɔn.

Yɔni 17:12

N bi anu fɛ tumɛ min, i ya tɔgɛ min di n ma, n ya anu matanka tɔgɔ-sɛnbɛmɛ wo fɛ. Hali kelen ma to-a-rɔ anu tɔ fɔ ale mɔgɔ kelen min bi nala halakila. A fɛrɛ sa fɔ wo ni ma alako min sɛbɛnɛ Allata kitabu rɔ, wo ni na bɔ-a-la.

Yɔni 17:14

N bara ila sarakanɛ fɔ anu ye. Nta karan-dannu gboyanɛ duninya-mɔgɛnu ye bawo duninyata ma anu na, ado duninyata ma nde fanan na.

Yɔni 17:16

Iko duninyata ma nde la nya min, duninyata ma anu fanan na wo nya na le.

Yɔni 17:2

I wara sɛnbɛ di n ma mɔgɛ bɛɛ kuma alako n si habadan-nimayɛ di wonu ma nya min, i ya minnu don n bolo, kɔni.

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 17:26

N bara a ma, anu bara i lɔn. Nba, n si to wo mala dɛɛ! N bi wo mala le alako i wara n keni nya min, keninteyɛ wo ni to anu tɔ. N bi wo mala le alako n si taran anu tɔ.”

Yɔni 17:7

Nba kaka, anu bara a lɔn de gbɛ, ko i ya fan min bɛɛ di n ma, wonu bɔnɛ ile le bolo.

Yɔni 18:9

A ya kɛ fɔ alako min fɔra nun, wo ni bɔ-a-la ko, “N Fa Alla ya min bɛɛ di n ma, hali wo kelen ma to-a-rɔ.”)

Yɔni 6:37

N fa ara mɔgɛ min bɛɛ di n ma, wonu si ma n gba-fɛ-bilalɛnu na. Min ba ma n gba-fɛ-bilalɛ la, n ti wo gben mumɛ!

Yɔni 6:39

N Fa Alla min ya n sɔ, a ara mɔgɛ min bɛɛ don n bolo, a sa a fɛ, wo fenfen ni bɔ n bolo. Tele-laban-lun, n si anu bɛɛ lawuli ka niyi di anu ma.

Yɔni 8:51

N bi tonyɛ fɔla wo ye, min ba nna kumɛ bira, wo ti faga habadan!”

Yɔni 8:52

Yahudiyanuna kun-tiginu ya a fɔ a ye ko, “Ma ara la a la serr, ko nyinatoe le ile la. Iburayima ara faga, nɛbinu bara faga, hali wo, ile ko min ba ila kumɛ bira, wo ti faga habadan!

Kɛwɔlɛnu 13:48

Sibolo-gbɛrɛnu ya wo lamɔɛn tumɛ min, anu sewara. Anu ya Marita kumɛ gbiliya kati! Minnu yabɔnɛ habadan-niyi-sɔrɔn-koe la, wonu dɛnkɛninyara Yisa ma.

Romu 11:2

Alla ya ala mɔgɛ minnu yabɔ kebi fɔlɔ, a ma a ban wonu na. A sɛbɛnɛ Allala kitabu dinkirɛ do rɔ ko Nɛbi Ilaya ya a yasere-masa Alla ye ka a tɛgɛ Isirɛla mɔgɛnuna ko ma. A ko,

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

2 Timoti 1:13

N ya i karan kuma-kɛndɛ minnu na, wonu bira gben! Wonu ni ma misalɛ la ile ye ko i ni wo nyɔgɔn kɛ. Dɛnkɛninyɛ anubɛ keninteyɛ minnu bi ma bolo Yisa Kirasiti baraka rɔ, i ni to wonu tɔ.

Hiburunu 2:12

A ya a fɔ Alla ye ko, “E, Alla, nna mɔgɛnu ba anu nadɛn i bato tinɛ tumɛ min, n si ila koe fɔ anu ye ka i tanto-bɛtinu bɔ.”

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

1 Pita 1:1

Nde, Pita le ye kɛdi kɛ sɛbɛla, Yisa Kirasiti ya nde min sɔ, ala kilayɛ, kɔni. N bi a lakela wole Allala mɔgɔ yabɔnɛnu ma minnu manɛ iko kɛlɛ-kɔrɔ-maburilɛnu. Wo nyɛnsɛnnɛ Ponta anubɛ Kalesiya anubɛ Kapadosiya anubɛ Esiya anubɛ Baitiniya nyamanɛnu tɔ.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 3:8

N ya wola wɔli-nyimɛ lɔn. N ya a lɔn ko sɛnbɛ ye wo bolo doni. Wo ara bila nna karan fɛ ka lanayɛ kɛ n ye. N bara dɛ laka wo yarɔ, mɔgɔ-wo-mɔgɔ ti ke min natogonna.