Yɔni 15:7 - ALLALA KUMƐ

⁷ Ni wo tora nde rɔ, ado ni nna kumɛ sigira wo yisi rɔ, wo wa n tara ko-wo-ko la, wo si wo diyana-koe wo sɔrɔn.

Yɔni 15:7 Iomraidhean Croise

1 Mansɛnu 3:5

Mari bɔra gbɛ rɔ Mansa Silamɛni ye kiyo rɔ Kibiyon soe burɔ ka a fɔ a ye ko, “A sɔgɛ ye i la, n ni nfen di i ma?”

Yobu 22:26

Wo si a ma, i ni to lala Alla Sɛnbɛ-Bɛɛ-Tigi la. I si a lɔn worɔ ko ale le kelen pe si i lasewa.

Yobu 23:12

Alla wa ko-wo-ko fɔ n ye, n bi wo le mala. Nde sako ma de!

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 37:4

I ni Mari diyana-koe kɛ. Wo kɔma, a si i kɔntɔ-koenu kɛ i ye.

Hɛnkilimaya-Kumɛnu 10:24

Mɔgɔ-telennɛ nyinita fenfen ma, fɔ a wa wo sɔrɔn kɔnɔ mɔgɔ-karagbɛlɛ kilanta fenfen na, wo le ye a birala.

Hɛnkilimaya-Kumɛnu 4:4

N fa wa wuli n makawandila nun, a si a fɔ n ye le ko, “I hɛnkili to nna kumɛnu ko ka anu bira. Ni i ya a bira iko n bara a fɔ i ye nya min, i si simayɛ sɔrɔn.

Aiseya 58:8

Mari ko ni wo ya ko-sufa kɛnu ma, ale Mari si ata waan raka wo ma ka to wo tanban-gbɛnu nakɛndɛyala. A ko a si sɔ wo yarɔ ka wo lakanan. A ko ata gbiliyɛ si bila wo fɛ alako yanba kana yalan wo ma.

Yɛrɛmaya 15:16

I kumara n ye tumɛ min, n ya n tole masɔ a kin na! Ila kumɛ ara a diya don n tɔ. N sewanɛ bawo mɔgɛnu bi n kelela ko ile Mari Sɛnbɛ-Bɛɛ-Tigita mɔgɛ.

Matiyu 7:7

“To tarali kɛla, wo si a sɔrɔn. To nyininɛ kɛla, wo si a yen. To dɛ matugula, a la si ka wo ye.

Yɔni 14:13

Wo wa nde tara fenfen ma n tɔgɛ rɔ, n si wo ma wo ye. Woletɔ n Fa Allala gbiliyɛ ma si yira nde, ala dan baraka rɔ.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 16:23

Wo tele wa ke tumɛ min, wo ti n manyinika ko-wo-ko la. N bi tonyɛ fɔla wo ye, wo wa n Fa Alla tara ko-wo-ko la n tɔgɔ rɔ, a si wo kɛ wo ye.

Yɔni 8:31

Wo kɔma, Yahudiya minnu dɛnkɛninyara a ma, Yisa kumara wonu ye. A ko, “Ni wo ya nna karan bira, nna karan-den-bɛrɛ le wole la.

Yɔni 8:37

N ya a lɔn ko Iburayima bɔnsɔn le wole la. Hali wo, wo ye wo rayala n faga-koe ma bawo nna karan ma sigi tinɛ sɔrɔn wo yisi rɔ bɛ.

Kalesiya 4:2

A dennɛ tumɛ min, a makololɛnu si to a fɛ-birala ha a fala wati-latɛgɛnɛ ni ke ala ko la.

Kalesiya 5:16

N bi min ma, wo le kɛ la. Ni wo bilara Allata Ni-Sɛnimɛ fɛ, wo ti wo fɛrɛ-bɔnkɛ diyana-koenu kɛ worɔ.

Tɔn-Fɔɛ-Fila-Nyɔgɛ 6:6

Woletɔ n bara tɔn min takaran wo ye nun, wo kana nyina wonu ko.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

1 Yɔni 2:14

Nna dannu, n bi do sɛbɛla wo ma bawo wo ya ma Fa Alla lɔn. N fanu, n bi do sɛbɛla wo ma bawo wo ya ale lɔn min bi nyɔ kebi fɔlɔfɔlɔ. Fonikenu, n bi do sɛbɛla wo ma bawo sɛnbɛ ye wole bolo. Allala kumɛ siginɛ wo yisi rɔ, ado wo ara Setanɛ nɔ.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.

1 Yɔni 3:22

Ma wa Alla manyinika min na, ma si wo sɔrɔn bawo ma ye ala tɔnnu birala ka a diyana-koenu ma.

1 Yɔni 5:14

Wo le ya a to, yisi-latɛgɛ ye ma bolo Alla yala ko ni ma ya a matara fenfenna ko la, ale sako ye min na, a si ma kan lamɔɛn,