Yɔni 15:6 - ALLALA KUMƐ

⁶ Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

Yɔni 15:6 Iomraidhean Croise

2 Samuwɛli 23:7

Fɔ nɛgɛ, ni wo ma, tanbɛ, anu si anu madɛn wonu denu na ka anu mintan gburr!”

Yobu 15:30

A ti ke a putukulula sayɛ bolo. A si ma iko tɛ wa kɔlɔma lamintan. Alla si karagbɛlɛ wo fɛ iko fɔnyɔ ye tala kɔlɔma-fere min na.

Yaburi 80:15

Na ita nɔnbɔ-kinɛ kɛ fɛ-bira. I wara a ma, a ara sabati.

Aiseya 14:19

kɔnɔ ile Babilɔn mansɛ ma sa kaburu tɔ fɔ anu ya i furi lakɛ-a-rɔ le alako a ni tuli. Anu ya a lakɛ-a-rɔ fole burɔ ka ila kɛlɛ-dannu furi lakɛ i kuma. Mɔgɛnu ya i furi ratɛntɛn anu kian kɔrɔ.

Aiseya 27:10

Anuna so-gbɛlɛmɛ si to tonbonyɛ la. A ra si kolonya filili iko wula-da-rakolɔn. A si ma tubali-kɛ-tinɛ la ninkinu ye iko anu bi yanba-kun-kurannu dɔnna kan min.

Isikiyɛli 17:9

“Woletɔ nde, wo Tigi Mari ye nyinikalɛ sala ni ki-fan kɛ si to sabatila. Ade, kokɛ fɔlɔtɛ wo si a wurun ka a gbɔɛ wonu keri a la. Ni a ya a bolɔn do ka a ma, a bɛɛ la si fɔsɔ. A sa sɛnbɛ labɔla a wurun tinɛ. A sa a makofu nyinina.

Matiyu 13:41

Mɔgɛ minnu bi donu sɔla hakɛ-kɛ-tinɛ anubɛ min bɛɛ ye ko-yogomɛ kɛla, nde, Hadama-dan si nta melikanu sɔ wonu nadɛn tinɛ ka anu nabɔ nta mansayɛ rɔ.

Matiyu 27:5

Yudasi ya wodi wo fili Alla-Bato-Bɔn burɔ. A tara. Wo kɔma, a tara a nyɛrɛ dun yili la.

Matiyu 3:10

Yende kɔrɔ ara bi ka kɔlɔma-kurinu tɛgɛ anu sulinu tɔ. Kɔlɔma min gbɔɛ ma di, a bɛnta, a ni tɛgɛ ka a lakɛ tɛ rɔ.

Matiyu 7:19

Kɔlɔma minna gbɔɛ ti mɔgɛ munanfaga, wo kuri si tɛgɛ ka a lakɛ tɛ rɔ.

Yɔni 15:2

Bolɔn min bɛɛ ye nde ma, minnu ti gbɔ, a si wonu gbendan a ma. Bolɔn min bɛɛ ye gbɔla, a si wonu matɛgɛ, woletɔ anu si gbɔ bɛrɛkɛ!

Hiburunu 10:27

Min bara to Alla yogenu ye gbɛ, fɔ ka kilan ale la min si na kiti anubɛ ta-belebele la anu halaki tinɛ!

2 Pita 2:20

Minnu bara ma Mari anubɛ ma Kisilɛ Yisa Kirasiti lɔn ka bɔ duninya ko-tinyanɛnu ma, ni anu sɛgira ko-tinyanɛ wonu ma tun, ha wonu ni anu nɔ, mɔgɛ wonuna ban si yogoya ka tenbi a fɔlɔtɛ la.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”