Yɔni 15:4 - ALLALA KUMƐ

⁴ Wo ni to nde rɔ, nde fanan si to wole rɔ. Ni wo ma to nde rɔ, wo ti ke gbɔla. Wo si ma iko bolɔn min tugunni ma kɔlɔma-kuri la, wo sa gbɔla nya min.

Yɔni 15:4 Iomraidhean Croise

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Matiyu 12:33

“Ka kɔn-gbɔ-nyimɛ sɔrɔn fɔ kɔlɔma-sabatinɛ ni taran i bolo. Kɔlɔma min sabatini ma, ni wo ye i bolo, wo gbɔɛ ti mɔgɔ munanfaga. Kɔlɔma si lɔn a gbɔɛ le fɛ.

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Yɔni 14:20

Wo tele wa ke tumɛ min, wo si a lɔn ko n bi n Fa Alla rɔ, wole fanan bi nde rɔ iko n bi wole rɔ nya min.

Yɔni 17:23

Nde ye anu tɔ, ile fanan bi nde rɔ. Alamɛ anu mara kelen na alako duninya-mɔgɛnu ni a lɔn ko ile le ya n sɔ. Anu ni a lɔn fanan ko i wara anu keni iko i wara nde keni nya min.

Yɔni 6:56

Min ba n bagbuyi dɔn ka n yele min, wo tonɛ nde rɔ, nde tonɛ ale rɔ.

Yɔni 8:31

Wo kɔma, Yahudiya minnu dɛnkɛninyara a ma, Yisa kumara wonu ye. A ko, “Ni wo ya nna karan bira, nna karan-den-bɛrɛ le wole la.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

2 Kɔrɛnti 13:5

Wo ni wo nyɛrɛ fɛsɛfɛsɛ ka a lɔn ni wo ye tagamana dɛnkɛninya-mɔgɛnuna kilɛ fɛ. Wo si a lɔn worɔ, ni Kirasiti Yisa siginɛ wo yisi rɔ. Kɔnɔ ni a sigini ma wo yisi rɔ, wo ara foo dɛnkɛninyɛ wo la.

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Kɔlɔsi 2:6

Nba, wo ara sɔn Yisa Kirasiti la min kɛ, ko a ni ma wo Mari la, wo ni to ala kumɛ birala wo nya.

1 Tɛsalonaika 3:5

Wo le ya a to, n ma ke a birala n tɔ tun. N ya Timoti lata wo ma alako a ni wola dɛnkɛninyɛ ragbɛ. N kilannɛ nun ko Setanɛ ara wo yakɔrɔ-mamɔ ka mala wɔlɛ bɛɛ ma fuyi la!

Hiburunu 10:39

Kɔnɔ wo mɔgɔ ma male la min si sɛgi a kɔma ka halaki. Mala dɛnkɛninyɛ le ye a yirala ko ma kisinɛ.

2 Yɔni 1:9

Min ti to Kirasitila karan rɔ fɔ ka do sa a kuma, Alla sa wo bolo. Kɔnɔ min tonɛ karan wo rɔ, ma Fa Alla anubɛ ala den Yisa, anu fila bɛɛ ye wo le bolo.