Yɔni 15:16 - ALLALA KUMƐ

¹⁶ Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 15:16 Iomraidhean Croise

Ko-Dabirɛnu 18:18

kamasɔrɔn Iburayima bɔnsɔn si sɛnbɛ sɔrɔn. Duninya-mɔgɛ bɛɛ si duwɛ sɔrɔn ale fɛ.

Yaburi 145:4

Denbɛnu si ila ko-makawanɛ rakaran anuna dannu ye. Anu si ila wɔli-nyimɛ faranfasi anuna dannu ye.

Yaburi 71:18

Kaka, n bara kinaya, n kunyɛ ara gbɛ. E, Alla, i kana i ban n na. N tenbi i sɛnbɛ wara-koe rakaranna n mamanɛnu ye, i ni taran n fɛ.

Hɛnkilimaya-Kumɛnu 11:30

Mɔgɔ-telennɛnu si gbɔ nimayɛ la iko kɔlɔmanu si gbɔ nya min. Hɛnkilimɛnu si mɔgɛnu sagan telenbagayɛ wara.

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Matiyu 21:22

Ni dɛnkɛninyɛ ye wo bolo, wo wa fenfen tara madiyalɛ rɔ, wo si wo sɔrɔn.”

Matiyu 7:7

“To tarali kɛla, wo si a sɔrɔn. To nyininɛ kɛla, wo si a yen. To dɛ matugula, a la si ka wo ye.

Luka 6:13

Bandɛ kara tumɛ min, a ya ala karan-dannu nadɛn anu nyɔgɔn fɛ ka mɔgɔ tan-ni-fila yatɔnbɔn anu tɔ ka anu ma ala kilayɛnu na tɔ-a-la.

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’

Yɔni 15:19

Ni duninyatɛ le wole la nun, dɛnkɛninyabɛlɛnu si wo keni nun iko anu nyɛrɛtɛ. Kɔnɔ n bara wo yatɔnbɔn ka wo bɔ dɛnkɛninyabɛlɛnu tɛma. Anuta ma wole la. Wo le ya a to, wo gboyanɛ dɛnkɛninyabɛlɛnu ye.

Yɔni 15:5

“Kɔlɔma-kuri le nde la, a bolɔnnu le wole la. Minnu ba to nde rɔ, nde ye wonu denu tɔ. Wo si gbɔ wɛ kɛ bawo wo ti ke ko-wo-ko kɛla nde kɔma.

Yɔni 6:70

Yisa ya anu yabi ko, “Nde le ya wo mɔgɔ tan-ni-filɛ bɛɛ yabɔ. Hali wo, kelen bi wo tɛma, wo ye Setanɛla wɔli kɛla kaka!”

Kɛwɔlɛnu 1:24

Wo kɔma, anu ya Alla madiya ko, “Mari, ile le ya mɔgɛ bɛɛ miriya lɔn. Mɔgɔ filɛ kɛnu tɔ, i wa min yabɔ ko

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 10:41

Bɛɛ ma a yen nun fɔ Alla ara ban male minnu yabɔla nun, ko ma ni ma a sereyɛnu na. Alla ya a lawuli tumɛ min ka bɔ furinu tɛma, male le ya fen-dɔn-kɛ a fɛ.

Kɛwɔlɛnu 22:14

Ananayasi ko, ‘Ma benbanuta Alla ara ile yabɔ ko i ni a lɔn i ye min mala a ye. A ara ile yabɔ alako i ni ala Wɔli-Kɛla-Telennɛ yen ka a kuman-kan fanan namɔɛn.

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 1:5

Alla ara fɛrɛ di nde, Pɔli ma Yisa baraka rɔ ko n ni ma ata kilayɛ la. A ya wo ma alako sibole bɛɛ ni la ale Yisa la ka ala kumɛ bira.

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

Romu 9:21

Ado nfan, sɛnbɛ ye daga-sɔlɛ bolo ka bɔnku-gbu-kelen bi daga-su fila ladan tinɛ. Kelen si kinya, kelen ti kinya. Wo bɛɛ tonɛ ale le ma.

1 Kɔrɛnti 10:11

Koe kɛ bɛɛ mara anu na alako a ni ma misalɛ la mɔgɛ doinu ye. Koe kɛnu sɛbɛra ma ye alako ka ma lalɔn bawo male ye wati-laban tɔ.

Kalesiya 1:15

Kɔnɔ yanni n ni sɔrɔn, Alla le ya n yabɔ ata hinɛ fɛ. A ya n kele ko n ni wɔlɛ a ye.

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

1 Timoti 2:7

Wo le ya a to, Alla ya n ma kilayɛ anubɛ karan-mɔgɔ la. A ko n ni sibolo-gbɛrɛnu karan dɛnkɛninyɛ anubɛ tonya-koe ma. N sa foninya fɔla wo ye. N bi tonyɛ le fɔla serr!

2 Timoti 1:11

Alla ara n yabɔ ka n ma kilayɛ anubɛ karan-mɔgɔ la kibara-nyimɛ lake-koe la.

2 Timoti 2:2

I ya nta makawandili-kumɛnu namɔɛn sereya-siyaman yala nun. I ni wonu bi ka anu kerifa lanaya-mɔgɛnu na minnu si ke donu karanna fanan.

Taita 1:5

N ya i to Kariti alako koe minnu tora anu kɛbɛlɛ la, i ni to wonu kɛla. Wo kɔma, i ni chɔchi-mɔgɔ-banu sigi soe bɛɛ rɔ. N bara min fɔ i ye nun, i hɛnkili to wo ko.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Yemesi 3:18

Nyimayɛ ye tɔnɛ min nabɔla, kɛlɛ-makimalɛnu denu ya wo ki. Tɔ-a-la, yisi-kimɛ si tɛgɛ nyɔ.

1 Pita 3:15

Min fisa, wo ni Kirasiti gbiliya wo yisi rɔ ka a ma wo Mari la. Yigi min bi wo rɔ, mɔgɔ-wo-mɔgɔ wa wo manyinika wo ma, wo rabɛnnɛ ni taran tuma-wo-tuma ka wo faranfasi mɔgɛ wo ye.

1 Pita 3:2

bawo a si ala musi kɛ-nya-sɛnimɛ anubɛ a gbiliya-nya yen.

1 Yɔni 4:10

Keninteya-bɛrɛ le kɛ la—ka a fɔ ko ma ya Alla keni, wo ma, fɔ ko ale ya male keni. A ya ala den Yisa lana alako a ni ma sarakɛ la min ya mala hakɛ makoto.

1 Yɔni 4:19

Ma si ma nyɔgɔn keni bawo Alla fɔlɔn ya male keni.