Yɔni 15:12 - ALLALA KUMƐ

¹² Nna sereya le kɛ la ko wo ni wo nyɔgɔn keni iko n bara wo keni nya min.

Yɔni 15:12 Iomraidhean Croise

Malakayi 1:2

Mari ya a fɔ ala mɔgɛnu ye ko ka a bi fɔlɔ ma ha kaka, anu di a ye. Kɔnɔ anu bi a fɔla ko anu si a lɔn kama ko anu di Mari ye? Mari ya anu yabi ko na-kelenmɛ le Yakoba anubɛ Isɔ la. A ko Yakoba anubɛ a kegeyɛ di a ye

Yɔni 13:34

“N bara tɔn-kurɛ di wo ma ko wo ni wo nyɔgɔn keni. Wo ni wo nyɔgɔn keni iko n bara wo keni nya min.

Yɔni 15:17

Woletɔ n bi a fɔla wo ye ko wo ni wo nyɔgɔn keni.”

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

1 Tɛsalonaika 3:12

Alamɛ Mari ya wola keninteyɛ lakoloya wo nyɔgɔn ye anubɛ mɔgɛ bɛɛ ye dɛɛ! A ni to a lakoloyala iko matɛ koloyanɛ wole wara la nya min.

1 Tɛsalonaika 4:9

Wo ni wo nyɔgɔn keni nya min, wo nyɛrɛ ara wo karan Alla bolo. Hali ma ma kɛdi sɛbɛ ka wo ta-nyɔgɛ dɛnkɛninya-mɔgɛnu keni-koe fɔ wo ye.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

1 Yɔni 3:23

Alla ya tɔn minnu di ma ma, wo le kɛnu na—ma ni dɛnkɛninya ala den Yisa Kirasiti tɔgɛ ma ka ma nyɔgɔn keni iko Kirasiti ya a fɔ ma ye nya min.

1 Yɔni 4:21

Kirasiti ya tɔn kɛ di ma ma—a ko min bi Alla kenina fɔ wo ni a na-kelen-nyɔgɛ keni fanan.

2 Yɔni 1:5

Woletɔ, n diyana-mɔgɛ, n bi i madiyala ko ma ni to ma nyɔgɔn kenina. N bi min sɛbɛla kɛ la, tɔn-kura ma. Tɔn-kɔrɔ-kɔrɔmɛ le min bi ma bolo kebi fɔlɔfɔlɔ.