Yɔni 15:10 - ALLALA KUMƐ

¹⁰ Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Yɔni 15:10 Iomraidhean Croise

2 Samuwɛli 22:22

N ya Marita tɔn bɛɛ bira, ado n ma n kan-kɔ sɔ nta Alla la.

2 Mansɛnu 18:6

A ya a latelen Mari ye. Hali tele-kelen-bɛrɛni, a ma Marita kumɛ bɔ a gbɛ rɔ. Mari ya tɔn minnu di Nɛbi Musa ma, a ya a ma a fɛrɛma wonu natɔnbagaya tinɛ.

Bɔ-Koe-Iyipiti 7:6

Musa anubɛ Aruna ya Marita kuman-kan latɔnbagaya iko a ya a fɔ anu ye nya min.

Aiseya 50:5

Ma Tigi Mari ara ko-kɔrɔ-lɔn di n ma. N ma murutiya a ma. N ma n kan-kɔ sɔ a la.

Yɔni 10:18

Mɔgɔ-wo-mɔgɔ ti n niyi bi n bolo. N si n niyi ni n sako la. Sɛnbɛ ye n bolo ka n niyi ni. Sɛnbɛ ye n bolo ka a bi tun. N Fa Alla ara n sɔ kɛnu ma tinɛ.”

Yɔni 12:49

Tonyɛ le kɛ la bawo n ma kuma n nyɛrɛta sɛnbɛ la kɔnɔ n Fa min ya n sɔ, wo ara wo bɛɛ fɔ n ye nun.

Yɔni 14:15

“Ni nde di wo ye, wo si nna kumɛnu bira.

Yɔni 14:21

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Yɔni 14:31

Dɛnkɛninyabɛlɛnu ni a lɔn ko n bara n Fa Alla keni. Woletɔ a ya min bɛɛ fɔ n ye, n bara wo bɛɛsi ma. “Ma ta wona ka bɔ yan.”

Yɔni 17:4

N bara ila gbiliyɛ lagbɛ duninya-mɔgɛnu ye, ado i ya wɔli min di n ma, n bara wo ban.

Yɔni 4:34

Yisa ya a fɔ anu ye ko, “Min ya n sɔ ka ata wɔlɛ lakanbali ka wo sako kɛ, wo le si n buyi lafa.

Yɔni 8:29

N Fa min ya n sɔ, wo le ye n fɛ yan. A ma n kelen pe to bawo n bi a diyana-koe kɛla tuma-wo-tuma.”

Yɔni 8:55

Wo ma ale lɔn mumɛ! Kɔnɔ nde le ya a lɔn. Ni n ya a fɔ ko nde ma a lɔn, n si ma foninya-fɔlɛ la iko wole. Kɔnɔ n ya a lɔn feu, ado n bi ala kumɛ birala.

1 Kɔrɛnti 7:19

N bi wo fɔla bawo kemininyɛ wo, kemininyabɛliyɛ wo, dan-nafara wo dan-nafara sa wo la Alla yala bawo Allata tɔn-birɛ, wo le kolo.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

2 Pita 2:21

Yanni anu ni bɔ kila-bɛrɛ fɛ, anu ya min lɔn kɔrɔma la, a fisa nun, hali wonu ma telenbagaya-kilɛ wo lɔn nun ka anu kan-kɔ sɔ Allata tɔn-sɛnimɛnu na min bara di anu ma fɔlɔn.

1 Yɔni 2:3

Ma ya Allala tɔnnu bira min kɛ, ma ara la a la worɔ ko ma ya ale lɔn!

1 Yɔni 2:5

Ni min bi Allala kumɛ birala, mɔgɛ le wo la minna keninteyɛ ara kanbali Alla wara la. Ni min ko a tonɛ Alla rɔ tuma-wo-tuma, fɔ a ni ko ladan iko Yisa Kirasiti ya a ma nya min. Ma si a lɔn wo le fɛ ko ma ye Alla rɔ.

1 Yɔni 5:3

Ka Alla keni, wo le ko ma ni ala tɔnnu bira, ado ala tɔn-bira-koe ma gbɛlɛ ma kuma

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.