Yɔni 14:9 - ALLALA KUMƐ

⁹ Yisa ya a yabi ko, “Filipi, ma ara mɛ ma nyɔgɔn fɛ wona kati! I ko ha bi, i ma n lɔn, ba? Min bara nde yen, wo ara n Fa Alla yen. Ile ye a fɔla kama worɔ ko n ni n Fa Alla yira wo la?

Yɔni 14:9 Iomraidhean Croise

Ko-Dabirɛnu 26:9

Mansɛ wo ya Isiyaka kele, a ko, “Yaga, ila musi le. Nfenna i ya a fɔ n ye ko i tirisan-musi le?” Isiyaka ya a fɔ a ye ko, “Kamasɔrɔn n ya a lɔn nun ko anu bi n fagala le ala ko la, woletɔ n ya a fɔ ko n tirisan-musi le.”

Yaburi 11:1

N bara n yigi bɛɛ sa Mari rɔ n kisi-koe la. Kun-takolonya-kumɛ le wo sufa la n ta-nyɔgɛnu bi a fɔla n ma min kɛ ko n ni n gban iko kona ka n buri tala kɔnkɛnu tɔ.

Yɛrɛmaya 2:23

A ko wo le si ke a fɔla kama gbɛ ko wo kɔsɔni ma Beyali kɔ-koe bolo? Ado nfan, wo ni wo miri wo ya koe minnu ma Bɛn-Hinɔm lɛɛ rɔ. Wo ni wo miri wola bɛsi-kɔ-koe ma. Wo mani de dɔrɔn iko kei-sɔgɛ ye nyomo-musi min na. A ye a burila kan-tinɛ bɛɛ rɔ.

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”

Luka 12:56

Wole kolandinu! Wo wa dugu-kole anubɛ san-kole mafɛlɛn, wo si ke a lɔnna tele wo si ma nya min kɔnɔ nfenna wo ti ke wati kɛ kɔrɛ faranfasila?

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 10:30

Mabɛ n Fa, kelen de ma la.”

Yɔni 12:45

Ni wo ara nde yen, wo ara wo fanan yen min ya n sɔ.

Yɔni 14:20

Wo tele wa ke tumɛ min, wo si a lɔn ko n bi n Fa Alla rɔ, wole fanan bi nde rɔ iko n bi wole rɔ nya min.

Yɔni 14:7

Wo ara nde lɔn min kɛ, wo si na n Fa Alla fanan lɔn, ado ka a bi bi ma, wo ara ale lɔn ka a yen.”

Yɔni 8:19

Anu ya a manyinika ko, “I fa ye mi?” Yisa ya anu yabi ko, “Wo ma nde lɔn. Woletɔ wo ma n Fa lɔn. Ni wo ya nde lɔn nun, wo si n Fa fanan lɔn.”

1 Kɔrɛnti 15:12

Nba, ma ye kawandilɛ kɛ bɔla min kɛ ko Kirasiti la ara wuli ka bɔ furinu tɛma, nfenna wo donu bi a fɔla ko furinu na ti wuli?

Filipai 2:6

Alla kɛ-nya-nyɛrɛ ye a bolo kebi fɔlɔ kɔnɔ a ma a miri ko anubɛ Alla rakɛnyanɛ ni to wo nya fɔrɔsɛ la.

Kɔlɔsi 1:15

Alla min ti yen, ata muninyɛ le Kirasiti la. Yanni fenfen ni dan, a ye nyɔ nun, ado dali-fan-bɛɛta kun-tigi le ale la.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.