Yɔni 13:18 - ALLALA KUMƐ

¹⁸ “N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’

Yɔni 13:18 Iomraidhean Croise

Yaburi 41:9

Hali n lara n kenite-bɛrɛbɛrɛ min na, ma ye ma bole layigila miran kelen tɔ, wo fanan bara a kan-kɔ sɔ n na.

Yɛrɛmaya 41:2

Sumanyila anubɛ ala mɔgɔ tan wonu ya anuna faannu sagan a lɛɛ rɔ ka ale Kɛdalaya faga nyɔ. Babilɔn mansɛ ya ale Kɛdalaya wo ma kun-tigi la Yuda nyamanɛ kun na nyɔ nun.

Matiyu 10:36

I yogo-bɛrɛbɛrɛ si taran ila denbayɛ tɛma.

Matiyu 26:21

Anu bi fen dɔnla tumɛ min, Yisa ko, “Wo ni wo hɛnkili to kɛ ko! Mɔgɔ kelen bi wo tɛma min si n don n yogenu bolo tɔ.”

Matiyu 26:23

Yisa ya anu yabi ko, “Min ba a bole layigi miran rɔ n fɛ, wo le si n don n yogenu bolo tɔ,

Maraka 14:17

Wura dɛ la, Yisa anubɛ ala karan-den tan-ni-filɛ nara.

Maraka 14:18

Anu bi fen dɔnna tebulu la tumɛ min, Yisa ko, “Wo ni wo hɛnkili to kɛ ko! Mɔgɔ kelen bi wo tɛma min si n don n yogenu bolo tɔ, ado mabɛ wo ye fen-dɔn-kɛla miran kelan rɔ kaka.”

Maraka 14:20

Yisa ya anu yabi ko, “Mɔgɔ kelen de wo tan-ni-filɛ tɛma min bi a bole layigila miran rɔ n fɛ, wo le si n don n yogenu bolo tɔ,

Luka 22:21

“Kɔnɔ mɔgɔ kelen bi wo tɛma min si n don n yogenu bolo tɔ. Wo siginɛ n fɛ tebulu la yan,

Yɔni 13:21

Yisa banta kɛ fɔla tumɛ min, a yisi ya a tɔrɔ bɛrɛkɛ! A kumara ka a gbɛ ko, “N bi tonyɛ le fɔla wo ye, mɔgɔ kelen bi wo tɛma min si n don n yogenu bolo tɔ serr!”

Yɔni 13:22

Karan-dannu kɔndɔfilita ka anu nyɔgɔn mafɛlɛn, ni a ye wo fɔla minna ko la.

Yɔni 13:26

Yisa ya a yabi ko, “N ba min dɔgɔma, ale le wo la.” Woletɔ a ya dɔgɔma di Saimonla dan Yudasi Yisikariyɔti ma.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 15:19

Ni duninyatɛ le wole la nun, dɛnkɛninyabɛlɛnu si wo keni nun iko anu nyɛrɛtɛ. Kɔnɔ n bara wo yatɔnbɔn ka wo bɔ dɛnkɛninyabɛlɛnu tɛma. Anuta ma wole la. Wo le ya a to, wo gboyanɛ dɛnkɛninyabɛlɛnu ye.

Yɔni 15:25

ado fɔ a ni ma wo nya na le alako min sɛbɛnɛ anuta tɔn rɔ, wo ni bɔ-a-la. A sɛbɛnɛ ko, ‘N gboyara anu ye, a kɔrɔ-wo-kɔrɔ sa a la.’

Yɔni 17:12

N bi anu fɛ tumɛ min, i ya tɔgɛ min di n ma, n ya anu matanka tɔgɔ-sɛnbɛmɛ wo fɛ. Hali kelen ma to-a-rɔ anu tɔ fɔ ale mɔgɔ kelen min bi nala halakila. A fɛrɛ sa fɔ wo ni ma alako min sɛbɛnɛ Allata kitabu rɔ, wo ni na bɔ-a-la.

Yɔni 18:32

Kɛ bɛɛ mara alako Yisa ya kumɛ min fɔ ala sayɛla ko la nun, wo ni bɔ-a-la.)

Yɔni 19:24

Kɛlɛ-dannu ya a fɔ anu nyɔgɔn ye ko, “Ma kana a rafara wona. Ma ni korɔn lakɛ ala ko la. A si to min ye, ma ni wo lɔn.” Wo mara le alako min sɛbɛnɛ Allata kitabu rɔ, wo ni bɔ-a-la bawo a sɛbɛnɛ ko, “Anu ya nna kurɛnu fara anu nyɔgɔn tɛma ka korɔn lakɛ nna duruku-kɔrɔ-donla ko la.” Kɛlɛ-dannu denu ya wo le ma.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

Yɔni 6:70

Yisa ya anu yabi ko, “Nde le ya wo mɔgɔ tan-ni-filɛ bɛɛ yabɔ. Hali wo, kelen bi wo tɛma, wo ye Setanɛla wɔli kɛla kaka!”

Kɛwɔlɛnu 1:16

“N diyana-mɔgɛnu, Mansa Dawuda ya Yudasi wara-koe min sɛbɛ Allata kitabu rɔ Allala Ni-Sɛnimɛ baraka rɔ, fɔ wo ni bɔ-a-la. Yudasi min bi ma fɛ nun, Yisa ara wo yabɔ alako mabɛ wo ni wɔli ma nyɔgɔn fɛ. Kɔnɔ ale Yudasi sɔra Yisa biralɛnu yarɔ.” (

2 Kɔrɛnti 4:5

Ma sa ma nyɛrɛta koenu kawandili bɔla. Ma ye kawandili bɔla ko Yisa Kirasiti, Mari le. Ma ko male nyɛrɛ le wota wɔli-kɛlɛnu na Yisala ko la.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.