Yɔni 13:12 - ALLALA KUMƐ

¹² Yisa banta anu kian makula tumɛ min, a ya ala duruku-ba don a kan na tun ka ta sigi a gbɛ rɔ tebulu dafɛ. A ya anu manyinika ko, “N bara min ma kɛ la, wo ara wo hɛnkili sɔrɔn wo ma, wa?

Yɔni 13:12 Iomraidhean Croise

Isikiyɛli 24:19

Mɔgɛnu bi n nyinikala ko, “Nfenna i sa dila? Kɛ kɔrɛ ye nfen na i bolo?”

Isikiyɛli 24:24

A ko wo si a ma iko nde fanan bara a ma nya min kɛ la. Kɛ si ma tamasere la wo ye. A ko kɛ dama wa ma wati min, wo si a lɔn worɔ ko wo Tigi Mari le ale la.”

Matiyu 13:51

Yisa ya ala karan-dannu manyinika ko, “Wo ara koe kɛnu nya-yen, ba?” Anu ya a yabi ko, “Ɔnde.”

Maraka 4:13

Wo kɔma, Yisa ya anu manyinika, a ko, “Ni wo ma tili kɛ nya-yen, wo si ke tili doinu nya-yenna kama?

Luka 22:27

Min siginɛ a ye fen-dɔn la anubɛ min bi wɔli-kɛla-fen dɔnnɛ wo ye, anu filɛ tɛma, mɔgɔ-ba ye yon na? Min siginɛ, mɔgɔ-ba ye wo le la. Kɔnɔ nde ye wo tɛma iko wɔli-kɛlɛ.

Yɔni 13:7

Yisa ya a yabi ko, “N bi min kɛla, i ma wo lɔn kaka kɔnɔ tɔ-a-la, i si na a lɔn.”