Yɔni 11:54 - ALLALA KUMƐ

⁵⁴ Woletɔ Yisa ma tagama gbɛ rɔ Yudiya nyamanɛ rɔ tun kɔnɔ a wulita ka ta kan tinɛ do rɔ, soe do rɔ min tɔgɛ Ifɛrɛm wula-da-rakolɔn dafɛ. Anubɛ ala karan-dannu tora nyɔ.

Yɔni 11:54 Iomraidhean Croise

2 Samuwɛli 13:23

San fila kɛ kɔma, Abasalɔm wuli ala saga-siyi matɛgɛla Beyali-Hesɔ soe burɔ min bi Ifɛrɛm nyamanɛ dafɛ. A ya mansɛla dan bɛɛsi kele ladiyɛ kɛ kuma.

2 Ko-Kɔrɔta-Karan 13:19

Mansa Abaya anubɛ ala kɛlɛ-dannu ya Isirɛla kɛlɛ-den-toenu sagaran. A ya anuna soe donu bi anu bolo. Soe wonu tɔgɛ le kɛnu na, Bɛtɛli wo, Yɛsena wo, Ɛfirɔn wo, anubɛ anuna so-mɛsɛ minnu bi anuna foolɛnu tɔ.

Yɔni 10:40

Wo kɔma, Yisa tenbira Yorodan bɛ kɔma tun, Yɔni ya batasili kɛ kan min nun. A tora nyɔ.

Yɔni 18:20

Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Yɔni 7:10

Yisa na-kelen-nyɔgɛnu tara ladiyɛ rɔ. Wo kɔma, ale fanan tara. Kɔnɔ a ma ta gbɛ rɔ, a tara dogɔn rɔ.

Yɔni 7:13

Kɔnɔ mɔgɔ-wo-mɔgɔ ma sisi ka kuma gbɛ rɔ Yahudiyanuna kun-tiginu yala.

Yɔni 7:4

Ni min bi a fɛ, mɔgɛnu ni a malɔn, a ti ala wɔlɛ kɛ dogɔn rɔ. Woletɔ i ye koe kɛ min bɛɛ kɛla, i ni a ma, duninya bɛɛ ni i wara-koe lɔn!” (