Yɔni 10:2 - ALLALA KUMƐ

² Kɔnɔ mɔgɛ min bi donna a dɛ la, saga-fɛ-biralɛ le wo la.

Yɔni 10:2 Iomraidhean Croise

Yaburi 23:1

Mari si n kandan iko saga-kandannɛ si ala sagɛnu kandan nya min. A ye a mala, fenfen sa dasala n na.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Makawandili Kumɛnu 12:11

Saga-kandannɛla saga-lagbengben-kɔlɔma mani de iko hɛnkilimaya-kumɛ minnu si mɔgɛnu to kilɛ la. Mɔgɛ ye lɔntuma min gbangbanna gben, wo mani de iko hɛnkilimaya-kumɛ minnu si mɔgɛnu sɔ yiri! Alla le ya kumɛ kɛnu don ma bolo, Alla, bɛɛta saga-kandannɛ, kɔni.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Isikiyɛli 34:23

N si mansɛ di anu ma iko nta wɔli-kɛla Dawuda ye saga-fɛ-birayɛ la nya min nun. Wo kelan si anu fɛ-bira a kin na!

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Sakaraya 11:3

Wo ni wo tole masɔ saga-fɛ-biralɛnu di-kɛ-kan la bawo kolo-fen de-nyini-tinɛnu na ara gbana. Wo ni wo tole masɔ yarɛnu worondo-kan la bawo anu bi anu sala fɔgbɛ minnu kɔrɔ Yorodan bɛ dala, wo bɛɛ ara ban.

Sakaraya 11:5

Minnu bi anu sanna, wonu si anu faga, anu ti nanparan-wo-nanparan sɔrɔn. Minnu bi anu soge mayirala, anu si a fɔ ko, “Mari tanto, n bi mala fen-tigi la.” Minnu bi saga-fɛ-birala nun, wonu bɛrɛn ma kinikini sagɛnu ma.

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Matiyu 15:11

Min bi donna mɔgɔ dɛ rɔ, wo ti a latinya fɔ min bi bɔla a da rɔ, wo le si a latinya.”

Yɔni 10:14

“Saga-fɛ-birala-nyimɛ le nde la. N Fa Alla ya nde lɔn nya min, nde fanan ya a lɔn wo nya le, ado n ya nna sagɛnu lɔn wo nya na le. Anu fanan ya nde lɔn. N si sɔn ka faga anuna ko la.

Yɔni 10:7

Wo le ya a ma, Yisa ya a fɔ anu ye tun ko, “N bi tonyɛ fɔla wo ye, saga-kulɛla don-dɛ le nde la.

Yɔni 10:9

Nde le anu don-dɛ la. Min ba don nde fɛ, wo si kisi. A si ta-ni-sɛgi kɛ a de-nyini tinɛ.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

Taita 1:5

N ya i to Kariti alako koe minnu tora anu kɛbɛlɛ la, i ni to wonu kɛla. Wo kɔma, i ni chɔchi-mɔgɔ-banu sigi soe bɛɛ rɔ. N bara min fɔ i ye nun, i hɛnkili to wo ko.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.