Yɔni 10:14 - ALLALA KUMƐ

^14-15 “Saga-fɛ-birala-nyimɛ le nde la. N Fa Alla ya nde lɔn nya min, nde fanan ya a lɔn wo nya le, ado n ya nna sagɛnu lɔn wo nya na le. Anu fanan ya nde lɔn. N si sɔn ka faga anuna ko la.

Yɔni 10:14 Iomraidhean Croise

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Nehami 1:7

Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Yɔni 10:11

“Saga-fɛ-birala-nyimɛ le nde la. Saga-fɛ-birala-nyimɛ si sɔn ka faga ala sagɛnuna ko la.

Yɔni 10:13

Min bi a sarɛ birala dɔrɔn, wo si a buri bawo a ye a sarɛ nyinina dɔrɔn! Ala ko sa sagɛnuna ko rɔ.

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Yɔni 17:8

I ya sarakanɛ min don n bolo, n bara wo lake anu ma. Anu bara sarakanɛ wo bira. Anu ya a lɔn yati, ko n bɔra ile le warɛ. Anu bara la a la gbɛ, ko ile le ya n sɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Ɛfɛsa 1:17

N bi ma Mari Yisa Kirasiti, wo Fa Alla gbiliya-tigi matarala ko a ni ata Ni-Sɛnimɛ di wo ma. A si hɛnkili di wo ma ka ata tonyɛ labɔ gbɛ rɔ wo ye alako wo ni a lɔn a nya-bɛrɛbɛrɛ ma.

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

Filipai 3:8

Wo koenu dɔrɔn ma. N bara ko-koron-bɛɛ lɔn bɔnɛ la feu! Koe min tenbinɛ kɛ dama la, wo le ka Kirasiti Yisa lɔn n Mari la, kɔni. N bara koe wo bɛɛ boloka ale Yisala ko la ka wo bɛɛ lɔn yefe-gbalɛ la alako n ni Kirasiti sɔrɔn.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 2:19

Wola kɛwɔlɛnu bi nya min nun, n ya wonu lɔn. Wola keninteyɛ wo, wola lanayɛ wo, wola wɔlɛ wo, anubɛ wola munyɛ wo, n ya wo bɛɛ lɔn, ado wo ye wɔlɛ min kɛla kaka, wo tenbira wola wɔli-fɔlɛnu na.

Lankɛnimayɛ 2:2

Wole Ɛfɛsa-chɔchi-mɔgɛnu, wo ara min kɛ, n ya wo lɔn. Wo ara wɔlɔ-wɛ min kɛ anubɛ wo ara wo munyu nya min, n ya wo lɔn. N ya a lɔn ko wo ti sɔn mɔgɔ-yogenuna ko ma minnu bi a fɔla ko kilayɛ le anu na kɔnɔ kilaya ma anu na. Wo ara wonu kɔrɔbɔ ka a lɔn ko foninya-fɔlɛ le anu na.

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.

Lankɛnimayɛ 3:1

“I ni kɛdi sɛbɛ ka a lata Sadisi-chɔchi-melika ma. “ ‘Allata Ni wɔrɔnfilɛ ye n bolo anubɛ lolo wɔrɔnfilɛ, ado nde le ye kumɛ kɛ fɔla. Wole Sadisi-chɔchi-mɔgɛnu, wo ye wɔlɛ min kɛla, n ya wo lɔn. N ya a lɔn ko wo ye wo nyɛrɛ mala iko dɛnkɛninya-mɔgɛnu kɔnɔ wo sɔndɔmɛ rɔ, wo bilani ma nde fɛ.

Lankɛnimayɛ 3:15

Wole Leyodisiya-chɔchi-mɔgɛnu, n ya wola wɔlɛ lɔn. Wo manɛ iko dɔn-fan min kimani ma, ado a kaliyani ma. Ni a kimanɛ le nun, ni a kaliyanɛ nun, wo si a diya don n tɔ nun!

Lankɛnimayɛ 3:8

N ya wola wɔli-nyimɛ lɔn. N ya a lɔn ko sɛnbɛ ye wo bolo doni. Wo ara bila nna karan fɛ ka lanayɛ kɛ n ye. N bara dɛ laka wo yarɔ, mɔgɔ-wo-mɔgɔ ti ke min natogonna.