Yɔni 10:10 - ALLALA KUMƐ

¹⁰ Kankan sa nala fenfenna ko la fɔ kankanyɛ anubɛ fagalɛ anubɛ tinyalɛ. Nde nara alako anu ni ni-kurɛ sɔrɔn, ado anu si a sɔrɔn bui!

Yɔni 10:10 Iomraidhean Croise

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Matiyu 18:10

“Wo ni a ma wo fɛrɛma, wo kana dennɛ kɛ kelen bɛrɛn nafɛya. N bi a fɔla wo ye ko anuna kandan-melikanu bi Arinyɛni tɔ. Anu bi n Fa Alla da kɔrɔ Arinyɛni tɔ wati bɛɛ. [

Matiyu 18:11

Minnu bara anu bɔ Allata kilɛ fɛ, nde, Hadama-dan nara wonu denuna ko la.]

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Matiyu 21:13

A ya a fɔ anu ye ko, “A sɛbɛnɛ Allata kitabu rɔ ko, ‘Anu si nna Bato Bɔn kele madiyali-kɛ-bɔn kɔnɔ wole ye a mala kankannu dogon tinɛ la!’ ”

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Maraka 11:17

A ya mɔgɛnu karan ko, “A sɛbɛnɛ Allata kitabu rɔ ko, ‘Anu si nna Bato-Bɔn kele ko madiyali-kɛ-bɔn sibole bɛɛ ye’ kɔnɔ wole ye a mala kankannu dogon tinɛ la!”

Luka 19:10

Nde, Hadama-dan ara na ka mɔgɔ-samanɛnu nyini anubɛ ka wonu kisi.”

Yɔni 10:1

Yisa ko, “N bi tonyɛ fɔla wo ye, mɔgɔ min ti don saga-kulɛ la a dɛ la, fɔ ka yɛlɛ a ma kila-dogbɛrɛ fɛ, kankan anubɛ bui-ma-kɛlɛ le ale la.

Yɔni 10:11

“Saga-fɛ-birala-nyimɛ le nde la. Saga-fɛ-birala-nyimɛ si sɔn ka faga ala sagɛnuna ko la.

Yɔni 12:47

Min ba nna kumɛ lamɔɛn kɔnɔ a ma a bira, n ti wola kiti tɛgɛ bawo n ma na duninya kɛ rɔ mɔgɛnu yiliki tinɛ, fɔ ka anu kisi.

Yɔni 12:6

Yudasi ma kɛ fɔ bawo a ye hɔnna bolo-kolɔnnu na kɔnɔ bawo kankan le ale la nun, ado ale le ye wodi-bɔrɛ dununa Yisala karan-dannu ye. Nba, a ye do bila wodi wo rɔ nun a nyɛrɛ makoe la.

Yɔni 3:17

Alla ma ala dan sɔ duninya rɔ alako a ni ma duninya-kiti-tɛgɛlɛ la, fɔ ka a ma duninya-kisilɛ la.

Yɔni 5:40

Hali wo, wo sa sɔnna nala n bara alako wo si habadan-nimayɛ sɔrɔn nya min.

Yɔni 6:33

ado Alla ye biredi-bɛrɛ min dila wo ma, wo le nde la min yigira ka bɔ Arinyɛni tɔ. N si to n niyi dila duninya-mɔgɛnu ma.”

Yɔni 6:51

Niyi ye biredi min tɔ, wo le nde la min yigira ka bɔ Arinyɛni tɔ. Ni mɔgɔ-wo-mɔgɔ ya biredi wo dɔn, a si habadan-nimayɛ sɔrɔn. Nba, n si biredi min di wo ma, wo le n bagbuyi la. N bi wo nila duninya-mɔgɛnu beli-koe la.”

Romu 2:21

Wo ye donu karanna, nfenna wo ti wo nyɛrɛ karan? Wo ye kawandili bɔla ko, “Mɔgɔ kana kankanyɛ kɛ,” kɔnɔ wole don? Wo sa kankanyɛ kun na?

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

Hiburunu 6:17

Ni Alla ye a fɛ ka a gbɛ minnu ye ko ala lanyiri-latɛgɛnɛ wo ti tinya, a si kelili sa lanyiri wo kuma,

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

2 Pita 1:11

Ni wo ya wo ma, wo wa don habadan-mansayɛ rɔ, ma Mari anubɛ ma kisilɛ Yisa Kirasiti ye kan min, anu si wo labɛn sewɛ la.