Yɔni 10:1 - ALLALA KUMƐ

¹ Yisa ko, “N bi tonyɛ fɔla wo ye, mɔgɔ min ti don saga-kulɛ la a dɛ la, fɔ ka yɛlɛ a ma kila-dogbɛrɛ fɛ, kankan anubɛ bui-ma-kɛlɛ le ale la.

Yɔni 10:1 Iomraidhean Croise

Yɛrɛmaya 14:15

Nɛbi minnu bi wɔlɔyiya-kumɛnu fɔla ale Mari tɔgɛ rɔ, Mari ye kɛnu fɔla wonu denu kan ma. A ko ale ma anu sɔ feu! Anu denu bi a fɔla mɔgɛnu ye ko ita mɔgɛnu ti tɔrɔya-wo-tɔrɔya sɔrɔn anu yogenu bolo. Anu ko kɔnkɔ ti sa ila mɔgɛnu ma. Mari ko anu tɔgɔ ye tola anu yogenuna faan le la, ado kɔnkɛ le ye nɛbi wonu fagala.

Yɛrɛmaya 23:21

Mari ko ale ma nɛbi kɛnu sɔ kɔnɔ hali wo, anu burumatoe ye tala anu halala-kumɛnu fɔla. A ko ale ma a sara anu na mumɛ, kɔnɔ hali wo, anu bi kumala a tɔgɛ rɔ.

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Yowɛli 2:9

Anu bi tugula soenu kan ma ka yɛlɛ tarɛnu ma. Anu bi yɛlɛla san-bɔnnu na ka don wundannu na iko kankannu.

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

Yɔni 10:7

Wo le ya a ma, Yisa ya a fɔ anu ye tun ko, “N bi tonyɛ fɔla wo ye, saga-kulɛla don-dɛ le nde la.

Yɔni 3:3

Yisa ya a yabi ko, “N bi tonyɛ fɔla i ye, ni mɔgɔ ma sɔrɔn a kurɛ la, a ti ke Allala mansayɛ yenna.”

Romu 10:15

Ado nfan, mɔgɛ si sarakanɛ wo lake kama, ni mɔgɔ ma anu sɔ? Iko a sɛbɛnɛ Allala kitabu rɔ nya min, a ko, “Mɔgɔ wa kilayɛ yen nala kibara-nyimɛ la a bolo, wo di mɔgɛnu ye.”

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

Hiburunu 5:4

Mɔgɛ wa ma saraka-masɔla-kun-tigi-wɛ la, gbiliyɛ le wo la. Kɔnɔ mɔgɔ-wo-mɔgɔ ti sɔ tinɛ wo bi a nyɛrɛ ma bawo a ye nyinina a ma fɔ Alla wa a kele iko ma benba Aruna keleta nya min.

1 Pita 1:10

Alla si na kisi-koe min di wo ma, nɛbinu ya wo lakɔrɔsi ka a fɛsɛfɛsɛ a kilɛ fɛ. Alla ara duwɛ min tabɛn wo ye, nɛbi wonu denu ya wɔlɔyiyɛ kɛ wola ko la.

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.