Yɔni 1:41 - ALLALA KUMƐ

⁴¹ Anduru ya min fɔlɔn ma, a tara a na-kelen-nyɔgɔn Saimon yen tinɛ. A ya a fɔ a ye ko, “Alla ya mɔgɛ min yabɔ ma kisi-koe la, anu bi min kelela ko Masiya, ma ara wo yen.” (Masiya kɔrɛ le ko, “Kirasiti.”)

Yɔni 1:41 Iomraidhean Croise

2 Mansɛnu 7:9

Anu ya a fɔ anu nyɔgɔn ye ko, “Ma ye koe min kun na kɛ la, ko-nyima ma. Ni ma ara ko-nyimɛ su kɛ rayen, ma kana ma da burun kɛ ma. Ni ma ya a to ha sɔgɔma, anu si ma tɔrɔ. Ma ta ma burila ka a fɔ mala Isirɛla mansɛla mɔgɔ-banu ye.”

Yaburi 2:2

Nfenna anuna mansɛnu kɛnɛna sɔla Mari la? Nfenna anuna mɔgɔ-banu bi kɛwuyɛ sigila Marita mansa-yabɔnɛ la?

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Yaburi 89:20

I ko i wara ila wɔli-kɛla Dawuda ma mansɛ la, ado i wara dantɛgɛ-tuli kɛ wo salɛ rɔ.

Aiseya 11:2

Marita Sɛnbɛ si hɛnkili di mansɛ wo ma. A si hɛnkilimayɛ anubɛ mɔgɛnu-namara-hɛnkili di a ma. A si Mari sako lɔn ka a gbiliya.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Luka 2:17

Melika ya min bɛɛ fɔ saga-fɛ-biralɛnu ye ka a bɛn dennɛ wo ma, wo yen anu bolo, anu ya wo rakaran a sɔrɔnnɛnu ye.

Luka 2:38

Wo wati, a nara ka baraka bira Alla ye. Min bɛɛ ye Alla makɔnɔna ko a ni na Yerusalɛm kunka tinɛ, a ya dennɛla ko fɔ wonu denu ye.

Yɔni 1:45

Filipi ya Nataniyɛli yen. A ya a fɔ a ye ko, “Musa ya mɔgɛ minna koe sɛbɛ tɔn-kitabu rɔ, ma ara wo yen, ado nɛbinu fanan ya wola koe sɛbɛ. A tɔgɛ le Yisa, Yusufula dan ka bɔ Nasarɛti soe burɔ.”

Yɔni 4:25

Musi wo ya a fɔ a ye ko, “Anu bi Allata-Mɔgɔ-Yabɔnɛ min kelela ko Kirasiti, n ya a lɔn ko wo ye nala. A wa na tumɛ min, a si koe bɛɛ faranfasi ma ye.”

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!