Yɔni 1:29 - ALLALA KUMƐ

²⁹ Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Yɔni 1:29 Iomraidhean Croise

Bɔ-Koe-Iyipiti 28:38

Wo ni to kirinɛ fulɛ wo ma Aruna telɛ ma woletɔ hali Isirɛla mɔgɛnu ma nta kɔ-fan di n ma a kilɛ fɛ, nde, Alla nyɛrɛ si sɔn kɔ-fan wonu na Arunala ko la.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Aiseya 53:7

A ma kuma-wo-kuma fɔ a latifi-tafilɛnu ma. A madenɛ iko anu bi nala saga-dan min mala sarakɛ la. A radenɛ don, iko anu bi nala sagɛ min siyi matɛgɛla. Hali da-nya-fa kelan, a ma tɛgɛ.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Saraka-Masɔlɛnuta Tɔnnu 10:17

Musa ya anu manyinika ko, “Nfen ya a to, wo ma saraka-soge kɛ dɔn? A bɛnta, wo ni a dɔn kan-tina-sɛnimɛ kɛ rɔ nun. Fen-sɛninyanɛ le kɛ la. Mari ya kɛ di wo ma mɔgɛnuna hakɛ-yamatogon-koe la.

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Yilan-Yilan Koe 18:1

Mari ya a fɔ Aruna ye ko, “Ni tɔn-wo-tɔn tinyanta nta bɔn kɛla ko la, n bara dunɛ wo bɛɛ sigi wobɛ ila dannu anubɛ i na-kelen-nyɔgɛnu kuma. Kɔnɔ ni tɔn-wo-tɔn tinyanta saraka-masɔ-wɔlɛla ko la, n bara wo dunɛ sigi wobɛ ila dannu dɔrɔn kuma.

Yilan-Yilan Koe 18:23

Ka a dabira bi ma, Lifayi bɔnsɔn, wonu dɔrɔn si anu gbɛrɛn nta Fani-Bɔn ma. Tɔn le kɛ la min bi wole kuma ha duninya si ban. Lifayi mɔgɛnu ti nyamanɛ wo fenfen sɔrɔn anu nyɛrɛ ye iko n ya lanyiri min kiri anu benbanu ye

Yilan-Yilan Koe 21:9

Musa fanan ya silɛɛ ladan iko duguma-fan. A ya a layɛlɛ san ma kɔlɔma la. Ni sagan-fan ya mɔgɛ min kin, wo tigi wa a yɛ layɛlɛ san ma ka duguma-fanla muninyɛ wo mafɛlɛn, wo tigi si beli.

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Yɔni 1:35

Wo banda kɛ tun, Yɔni anubɛ ala karan-den filɛ sɔnɛ nyɔ.

Yɔni 1:36

Yɔni ya Yisa yen tenbila. A ko, “Allala Saga-Dan le kɛ la!”

Yɔni 1:43

Wo banda kɛ, Yisa ya a latɛgɛ ko a ni ta Kalili sigisɔn rɔ. A ya Filipi yen. A ya a fɔ a ye ko, “Bila n fɛ!” (

Yɔni 2:1

Tele fila a sawa nyɔgɛ, furu-kiri do kɛra Kena soe burɔ Kalili sigisɔn rɔ. Yisa na ye nyɔ nun.

Yɔni 3:16

Alla le ya duninya keni ha a ya ala den-kei kelen pe ni. Mɔgɔ-wo-mɔgɔ wa dɛnkɛninya a ma, wo ti halaki fɔ ka habadan-nimayɛ sɔrɔn.

Yɔni 4:42

Minnu dɛnkɛninyara, wonu ya a fɔ musi wo ye ko, “Ma ara dɛnkɛninya kaka kɔnɔ ma ma dɛnkɛninya ila kumɛla ko la de! Ma lara a la bawo male nyɛrɛ ara a kan lamɔɛn. Male ya a lɔn serr, ko duninya-kisilɛ le ale la.”

Yɔni 6:51

Niyi ye biredi min tɔ, wo le nde la min yigira ka bɔ Arinyɛni tɔ. Ni mɔgɔ-wo-mɔgɔ ya biredi wo dɔn, a si habadan-nimayɛ sɔrɔn. Nba, n si biredi min di wo ma, wo le n bagbuyi la. N bi wo nila duninya-mɔgɛnu beli-koe la.”

Kɛwɔlɛnu 8:32

A ye min karanna nun Allata kitabu rɔ, wo le kɛ la. A sɛbɛnɛ ko, “A madenɛ iko anu bi nala saga-dan min mala sarakɛ la. A radenɛ don iko anu bi nala sagɛ min siyi matɛgɛla. Hali da fa kelan, a ma tɛgɛ.

1 Kɔrɛnti 15:3

N bara sarakanɛ min sɔrɔn, n bara wo latenbi wo ma, ado ko-belebele-wa le kɛ la ko Kirasiti fagara ma hakɛnuna ko la iko a sɛbɛnɛ Allala kitabu rɔ nya min.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

1 Timoti 2:6

Ale le ya a nyɛrɛ niyi ni ko mɔgɛ bɛɛ ni hɔrɔya. Ata sayɛ le ya a mayira a wati-latɛgɛnɛ rɔ ko Alla ye a fɛ, bɛɛ ni kisi.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,

1 Yɔni 2:2

ado Kirasiti nyɛrɛ mara sarakɛ la min ya ma hakɛnu makoto. Male dɔrɔnta hakɛ ma, fɔ mɔgɛ bɛɛtɛ.

1 Yɔni 3:5

Iko wo ya a lɔn nya min, Kirasiti bɔra gbɛ rɔ alako a ni ma hakɛ bɔ ma ma, ado ale nyɛrɛ ma hakɛ kɛ mumɛ!

1 Yɔni 4:10

Keninteya-bɛrɛ le kɛ la—ka a fɔ ko ma ya Alla keni, wo ma, fɔ ko ale ya male keni. A ya ala den Yisa lana alako a ni ma sarakɛ la min ya mala hakɛ makoto.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 14:1

Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 14:4

Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 19:7

Ma ni sewa ka nyagalen. Ma ni ata gbiliyɛ tanto bawo saga-danta kɔnyɔ-masɔ-wati ara ke. Ala kɔɛn-kurɛ ara a nyɛrɛ rabɛn ala ko la.

Lankɛnimayɛ 19:9

Wo kɔma, melika ya a fɔ n ye ko, “Kɛ sɛbɛ. Mɔgɔ-sewanɛ le wonu na minnu kelenɛ saga-danta kɔnyɔ-masɔ-ladiyɛ wo rɔ.” Nba, melika ya a fɔ tun ko, “Allala-tonya-kumɛ le kɛnu na.”

Lankɛnimayɛ 21:14

Soe wo tarɛ kurukɛra kuru tan-ni-filɛ wo le kuma. Saga-danta kilaya tan-ni-filɛ tɔgɛ sɛbɛra kuru kelen-kelan wo bɛɛ ma.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 21:9

Pani-kunba wɔrɔnfilɛ minnu nafanɛ fitina labannu na, wonu bi melika wɔrɔnfilɛ minnu bolo nun, wo kelen nara n bara. A ko, “Na, n ni kɔnyɔ-kurɛ yira i la, saga-danla musi, kɔni.”

Lankɛnimayɛ 5:6

Wo kɔma, n ya saga-den-sɔnɛ yen mansaya-sigi-fan wo tɔgɔfɛ, a lafoonɛ dali-fen nani anubɛ kɛmɔgɛ wonu na. Saga-dan wo manɛ iko anu bara min faga nun. Kere-wɔrɔnfila anubɛ ya-wɔrɔnfila ye a kuma. Allata Ni wɔrɔnfilɛ le wonu na minnu natanɛ duninya kan tinɛ bɛɛ rɔ.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.

Lankɛnimayɛ 6:1

Wo kɔma, n ya a yen, saga-dan ya li-kɛɛn bɔ a fɔlɔtɛ ma ka a rafulen. N ya dali-fen nanɛ wo kelen kan lamɔɛn. Wo kan manɛ iko san-sɛrɛn-kan. A ko, “Bɔ gbɛ ma!”

Lankɛnimayɛ 6:16

Anu ya anu kuli mayɛlɛ kɔnkɛnu anubɛ farɛnu ye ko, “Wo ni bui ma kuma ka ma dogon alako min siginɛ mansaya-sigi-fan rɔ, wo kana na ma yen. Wo ni ma bɔ ale saga-danta diminyɛ kɔrɔ,

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”