Yɔni 1:11 - ALLALA KUMƐ

¹¹ Ale Kumɛ nara ala mɔgɛnu bara kɔnɔ ala mɔgɛnu ma a rabira.

Yɔni 1:11 Iomraidhean Croise

Matiyu 15:24

Nba, Yisa ya a fɔ ale musi wo ye ko, “Alla ma n sɔ mɔgɔ-gbɛrɛnu ma fɔ Isirɛla mɔgɛnu ma, saga minnu tonɛ a rɔ, kɔni.”

Luka 19:14

Kɔnɔ a ma di ala nyamanita-mɔgɛnu ye min kɛ, anu ya kilayɛnu nata a gbere la ka a fɔ ko, ‘Ma sa a fɛ, kei kɛ ni ma mala mɔgɔ-ba la tun.’

Yɔni 1:10

Ale Kumɛ wo ye duninya rɔ nun, ado Alla ya duninya dan ale le baraka rɔ kɔnɔ hali wo, duninya-mɔgɛnu ma a lɔn anutɛ la ka a gbiliya.

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Yɔni 19:27

Wo kɔma, a ya a fɔ ala karan-dan wo ye ko, “I na le kɛ la.” Ka a dabira wo tumɛ ma, ala karan-dan wo ya Yisa na bi ka ta a la ala bɔn la. A ni ta to a fɛ nyɔ.

Yɔni 3:32

A ara min tayen ka a lamɔɛn, a ye wo le fɔla kɔnɔ mɔgɔ ma ala kumɛ bira.

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Kɛwɔlɛnu 21:6

Ma ban ma masarala ma nyɔgɔn na, ma donta kulɔn rɔ tun. Anu denu sɛgira anu barɛ.

Romu 15:8

ado n bi a fɔla wo ye ko Kirasiti mara Yahudiyanuna wɔli-kɛlɛ la ka a mayira ko Alla si ala lanyiri latɔnbagaya min kirinɛ ma benbanu ye.

Romu 9:1

Kirasititɛ le nde la. N sa foninyɛ fɔla fɔ tonyɛ. Allata Ni-Sɛnimɛ anubɛ n sɔndɔmɛ le n sere la ko n ba a fɔ ko n yisi tɔrɔnɛ, n sa foninyɛ fɔla bawo ata Ni-Sɛnimɛ ye n sɔndɔmɛ marala. Nna mɔgɛnuna kinikininɛ ye n tɔ. Male Yahudiyanu, ma bɛɛsi, yele kelen de ma la. Alamɛ n donta Allala dankɛ kɔrɔ, ado Kirasiti ni a ban n na, ni wo si a ma, anu ni kisi.

Romu 9:5

Anu bɔra anu benbanu benba-tɔgɔlamɛnu denu tɔ, ado Allata-Mɔgɔ-Yabɔnɛ bɔra sibole kɛ le tɔ hadama-danta kilɛ fɛ. Alla min bi mansayɛ kɛla bɛɛ kuma, alamɛ wo ya tantolɛ sɔrɔn habadan, amina!

Kalesiya 4:4

Kɔnɔ Allata wati-latɛgɛnɛ kera tumɛ min, Alla ya ala dan sɔ. A sɔrɔnta musi le bolo. A makolota Nɛbi Musata tɔn-kitabu kɔrɔ