Isikiyɛli 9:8 - ALLALA KUMƐ

⁸ Fagalɛ wo ye kɛla tumɛ min, n kelen pe le sɔnɛ nyɔ nun. N ya n naburun a ma dugi ma. N ya n dɛ sa-a-rɔ nyinikali-kɛ-tinɛ, n ko, “E, n Tigi Mari Alla, i fonde bɔnɛ Yerusalɛm kɛnu kan ma min kɛ, woletɔ i si Isirɛla mɔgɛ toe bɛɛ lato wola ko la, wa?”

Isikiyɛli 9:8 Iomraidhean Croise

Ko-Dabirɛnu 18:23

Iburayima ya a madon Mari la doni ka a manyinika ko, “I si mɔgɔ-telennɛnu fanan halaki mɔgɔ-yogomɛnu fɛ, wa?

1 Ko-Kɔrɔta-Karan 21:16

Mansa Dawuda ya ale niyi-bɔ-melika yen sɔnɛ san anubɛ dugu tɛma. Faan ye a bole la. A ye Yerusalɛm kasara-koe rɔ. Mansɛ anubɛ ala mɔgɔ-banu ya kasa-duruki don anu kan na. Anu damasi ya anu madu ka anu kunyɛ gbangban dugu ma.

Ɛsira 9:5

Wurala-saraka-bɔ-wati kenɛ, n ya n nasɔ n gbɛ rɔ, n bi dila kan min nun, ado wati wo bɛɛ ya a taran, nna duruki rafaranɛ n kan na. N ya n kunbelan gbangban dugi ma ka n bolo filɛ rasagan nta Mari Alla ye san ma.

Yɛrɛmaya 14:13

Kɔnɔ nde, Yɛrɛmaya ko, “E, ma Tigi Mari, foninya-nɛbinu bi kuma-gbɛrɛkɛ fɔla ila mɔgɛnu ye ko anu ti tɔrɔya-wo-tɔrɔya sɔrɔn anu yogenu bolo. Nɛbi wonu ko kɔnkɔ ti sa anu ma. Anu ko ile ko ila mɔgɛnu si yisi-kimɛ sɔrɔn nyamanɛ rɔ tolon!”

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 4:10

Wo kɔma, nde, Yɛrɛmaya ya a fɔ ko, “E, n Tigi Mari, i wara Yuda kɛnu anubɛ Yerusalɛm kɛnu bolo labira. I ya a fɔ nun ko anu si yisi-kimɛ sɔrɔn kɔnɔ yaga, faan-sungban le bɛnnɛ anu kan-kɔrɛ ma.”

Isikiyɛli 11:13

N bi wɔlɔyiya-kumɛ kɛ kun na, Bɛnayala den Pɛlataya fagara kuren! N ya n naburun a ma dugi ma ka n dɛ sa-a-rɔ. N ko, “E, n Tigi Mari! Isirɛla mɔgɛ toenu nato-sɔgɛ ye i la, wa?”

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Yilan-Yilan Koe 14:5

Musa anubɛ Aruna ya anu maburun dugi ma mɔgɛ bɛɛ yakɔrɔ.

Yilan-Yilan Koe 16:4

Musa ya kumɛ wo lamɔɛn tumɛ min, a ya a maburun Mari kɔrɔ dugu ma.

Yilan-Yilan Koe 16:45

“Wo ni wo masɛgi mɔgɛ kɛnu na. N si anu halaki tiriya!” Musa anubɛ Aruna ya anu maburun dugi ma Mari kɔrɔ.

Tɔn-Fɔɛ-Fila-Nyɔgɛ 9:18

“Yisi-tinyɛ le ya a ma, n ya n maburun dugi ma ka Mari madiya su bi-nani tele bi-nani kɔrɔ. N ma fen dɔn hali ka n min bawo wola hakɛ ya a ma, Mari fonde bɔra wo kuma.

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!