Isikiyɛli 9:4 - ALLALA KUMƐ

⁴ “Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Isikiyɛli 9:4 Iomraidhean Croise

Ko-Dabirɛnu 4:15

Mari ya lanyiri kiri Ken ye, a ko, “Ni mɔgɔ-wo-mɔgɔ ya ile faga, n si i tayili sara wo la iko wɔrɔnfila.” Wo le ya a ma, Mari ya tamasere sa Ken ma alako mɔgɛ min ba tamasere wo yen Ken ma, wo kana a faga.

2 Mansɛnu 22:13

“Wo ta Mari manyinika mabɛ nta nyamanita-mɔgɛnu ye ka a tɛgɛ buku kɛ karanla ko ma. Mari ara diminya ma ma bawo ma fanu ma tagama iko a sɛbɛnɛ buku kɛ rɔ nya min.”

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Yaburi 119:53

N ba karagbɛlɛnu yen ila tɔnnu tinyana. Wo si ma n bolo yisi-bɔɛ la.

Bɔ-Koe-Iyipiti 12:13

Yele susanɛ bɔn minnu dɛ ma, yele wonu si ma tamasere la. Ni n ya tamasere wo yen bɔn minnu dɛ ma, n bi nta fitinɛ min nanala Iyipiti kɛnu ma, wo ti ke nyɔ.

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Bɔ-Koe-Iyipiti 12:7

Anu si kolo-fan wonu dɔn bɔn minnu na, anu ni kolo-fan wonu yele do bi ka a susa bonda-dɛ tɔnkɔn filɛ ma anubɛ dɛ kumɛ.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Isikiyɛli 21:6

“Ile hadama-dan, i ni i dɛ sa-a-rɔ iko mɔgɛ yisi wa tinya gbɛlɛyɛ bolo. I ni i dɛ sa-a-rɔ kinikinɛ ma, bɛɛ si i ragbɛ kan min.

Isikiyɛli 6:11

N Tigi Mari Alla ya a fɔ nde, Isikiyɛli ye ko, “I bole sa i kuma ka i kiannu matɛn di-kɛ-tinɛ bawo Isirɛla bɔnsɔn-mɔgɛnu bara kisimiriya-ko-siyaman ma. Kɛlɛ wo, kɔnkɔ wo, kiraya wo, anu kunyɛ si to wo dama rɔ.

Isikiyɛli 9:5

Wo kɔma, n ya a yen Mari ye a fɔla doi wonu ye ko, “Wo ni wo bila a fɛ soe burɔ. Ni a ma tamasere sa min telɛ ma, wo ni wo tigi faga. Wo kana anu do-wo-do to anu niyi la. Anu do-wo-dola hina kana don wo rɔ.

Isikiyɛli 9:6

A kɛmɔgɔ wo, a kemini wo, a sunkurun-mɛsɛ wo, a denba wo, a den wo, wo ni anu bɛɛsi faga tɛrr! Kɔnɔ ni wo ya tamasere yen min telɛ ma, yanba kana yalan wo ma de! Wo ye a dabirala Bato-Bon-luyi ma yan de!” Anu ya a dabira mɔgɔ-ba mogan-ni-lolinu denu ma minnu bi luyi ma.

Emɔsi 6:6

Wo ye wola gbɛɛ-barɛnu sɔla wo kun na ka wola tulu-hakikɛnu susa wo ma tuma-wo-tuma. Wo ye wo diyana-koe wo damasi mala kɔnɔ wola ko sa Isirɛla kasara koe rɔ.

Sɛfanaya 1:12

Mari ko wo wati wa ke, a si lɛnpu bi ka a yɛ lakalan Yerusalɛm soe tonke bɛɛ rɔ. Ni a ya mɔgɔ-wo-mɔgɔ taran min wasinɛ, ado a lanɛ a nyɛrɛ la, Mari ko a si wo tigi tɔrɔ. Wo tigi ye belenna a fɔla a nyɛrɛ ma ko, “Mari ti ko-wo-ko sigi a ma, a mara a nyima la wo, a mara a yogoma la wo.”

Sɛfanaya 3:18

A si nyagalen iko mɔgɛ minnu bi ladɛn-belebele-wɛ rɔ. Mari ko kilan min dunnɛ wo kuma, a ara wo bɔ nyɔ feu! A ko a ara wola miliyɛ bɛɛsi latɛrɛndɛ ka wonu nakɛ a rɔ pon!

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

2 Kɔrɛnti 1:22

A ara ma ma atɛ la ka ata tamasere sigi ma kuma, ata Ni-Sɛnimɛ, kɔni. A ya wo ladon ma yisi rɔ alako min bɛɛ ye a bolo ma ye, ale Allata Ni-Sɛnimɛ le wo kun-fɔlɛ la.

2 Kɔrɛnti 12:21

N kilannɛ fanan ko n ba ta tumɛ min, nta Alla si n nafɛya wolela ko la. Wo siyaman bara hakɛ kɛ fɔlɔn. N kilannɛ, wo ti sɔn tubila ko-kɔsɔnɛ wonuna ko la. Wo ya min kɛ, wola yɛlɛnya-hakɛnu anubɛ nata-kɛwɔlɛnu si a ma, n ni di biribiri wo siyamanna ko la.

Kalesiya 6:17

A laban, bosa-pɛrɛ minnu bi n fɛrɛ ma, wonu bi a yirala ko Yisala yɔɔn le nde la. Woletɔ mɔgɔ-wo-mɔgɔ kana n tɔrɔ tun.

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Lankɛnimayɛ 14:1

Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

Lankɛnimayɛ 9:4

A ya a fɔ anu ye ko bin wo, kɔlɔma wo, ki-fen wo, anu kana wo tɔrɔ fɔ mɔgɛnu dɔrɔn, Allata mandan sa minnu telɛ ma, kɔni.