Isikiyɛli 9:2 - ALLALA KUMƐ

² Tiriyante wo rɔ, n ya kemini-mɔgɔ wɔrɔ yen nala ka bɔ tenbi-bolɔn kan tɔ, kɛlɛ-miran ye anu bolo tɔ. Min sanɛ wo kuma, mɔgɔ kelen bi anu tɛma linɛn-duruku-ba ye wo kan na. Sɛbɛli-kɛ-fannu bi a bolo tɔ. Anu dama nara anu sɔ saraka-mintan-tinɛ dafɛ min nadannɛ silɛɛ la.

Isikiyɛli 9:2 Iomraidhean Croise

2 Mansɛnu 15:35

Kɔnɔ hali wo, a ma ban Alla-batobɛlɛnuna bɛsi-kɔ-tinɛnu tinyana. Alla-batobɛlɛ wonu tora sarakɛnu bɔla ka isɛnti mintan kan-tina-mayɛlɛnɛ wonu tɔ. Mansa Yotam le ya Mari Bato-Bɔn kantɔ-waralɛ tenbi-bolɔn ladan.

2 Ko-Kɔrɔta-Karan 27:3

Ale Mansa Yotam le ya Alla Bato-Bɔn kantɔ-waralɛ-don-dɛ ladan. Wo kɔma, Yerusalɛm soe tɔnkɔn min tɔgɛ ko, “Ofɛli,” a ya nyɔ-waralɛ-tarɛ ladan.

2 Ko-Kɔrɔta-Karan 4:1

Ale Mansa Silamɛni ya saraka-mintan-tinɛ ladan silɛɛ la. Wo kɔnɛ nunkan-nya mogan, a lɔngbɔn nunkan-nya mogan, a sɔɛ nunkan-nya tan.

Yɛrɛmaya 1:15

Wati-kundu-nɛ wa tenbi, nyamanɛ minnu bi kantɔ-wara la, n si wo mɔgɛnu natugu wo ma. Nyɔ-mansɛnu si na Yerusalɛm soe tarɛ bira-a-la ka soe damasi bira-a-la Yuda nyamanɛ rɔ. Anu si na anuna mansaya-waganɛnu sigi Yerusalɛm tarɛ don-dɛnu na.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 26:10

Kɛ lamɔɛn wole, Yuda mɔgɔ-banu bolo, wo burumatoe bɔra bolɔn la ka ta Bato-Bɔn la. Wo dama tara wo sigi tinɛ rɔ don-dɛ wo dafɛ min tɔgɛ Don-Da-Kurɛ.

Yɛrɛmaya 4:6

Wo ni tamasere layɛlɛ san ma min si a ma, mɔgɛnu ni Yerusalɛm kilɛ bira. Wo ni wo buri wola kanan-koe la. Wo kana a makɔni bawo a ko a ye kasarɛ lanala ka bɔ kantɔ-wara la. A ko kasarɛ wo si ma kasara-belebele la.

Isikiyɛli 10:2

Linɛn-kurɛ donnɛ kei min kan na, Alla ya a fɔ wo ye ko, “A kian minnu bi nima-fan kɛnu kɔrɔ, ta wonu tɛma. Ta-wɔlɔn minnu bi nyɔ rɔ, i ni i bole lafa wonu na ka anu fui soe burɔ.” N yɛ gbalanɛ tora kei wo la ha a kera.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Isikiyɛli 9:11

Wo kɔma, sɛbɛli-kɛ-fannu bi linɛn-duruku-tigi min bolo, wo nara a dantɛgɛ Mari ye ko, “N bara a ma iko i ya a fɔ n ye nya min.”

Isikiyɛli 9:3

Wo wati rɔ, Isirɛlata Allata wan-takanɛ bɔra melikala muninyɛnu kuma, a ye kan min nun. A tara Bato-Bɔn don-dɛ la. Sɛbɛli-kɛ-fannu bi linɛn duruku-tigi min bolo, Mari ya a fɔ wo ye ko,

Daniyɛli 10:5

N ya n yɛ lata ka melika sɔnɛ yen iko hadama-dan, linɛn-kurɛ bilanɛ a kan na, a buta kirinɛ sɛnɛ-hakikɛ la.

Daniyɛli 12:6

Mɔgɔ filɛ wo mɔgɔ kelen ya melika linɛn-kura-gbɛ-tigi wo manyinika min bi yi wo kuma. A ko, “Kabana-koe kɛ damasi ye nala mala wati nyamintan?”

Saraka-Masɔlɛnuta Tɔnnu 16:4

Mari ya tɔn kɛnu fanan di Musa ma ko, “Yanni Aruna ni ta Sɛnima-Sɛnima-Tinɛ rɔ, a si a ku ka ala saraka-masɔ-kurɛnu don a kan na, wo le kurusi-kundi anubɛ duruku-ba-wɛ anubɛ a butɛ-kiri-fan anubɛ duruki wo fulɛ.

Emɔsi 9:1

N ya Mari yen, a ya a lakɔɛnma saraka-bɔ-tinɛ dafɛ. A ko, “I ni Bato-Bɔn sɛnbɛrɛn-kɔn-kumɛnu gbesi alako dandan-kɔrɛ ra ni maga. Anu kumɛ ni bui mɔgɛnu kunyɛ ma.” A ko a mɔgɛ toe si faga kɛlɛ rɔ. Mɔgɔ-wo-mɔgɔ ti ke a burila. Bɛɛ si faga tɛrr!

Lankɛnimayɛ 15:6

Fitina-laban wɔrɔnfilɛ ye melika wɔrɔnfilɛ minnu bolo, wonu bɔra Alla-Bato-Bɔn wo la. Anu fɛrɛya bɔnɛ linɛn-kura-gbɛmɛ-sɛninyanɛ la. Butɛ-kiri-fan min nadannɛ sɛnɛ la, wo kirinɛ anu kɔgɔ-dɛ ma.