Isikiyɛli 9:1 - ALLALA KUMƐ

¹ N ya Alla seren-seren-kan lamɔɛn, a ye a fɔla ko, “Wole min bi nala Yerusalɛm tɔrɔla, wo na de! Wo na wola kɛlɛ-mirannu na wo bolo.”

Isikiyɛli 9:1 Iomraidhean Croise

2 Mansɛnu 10:24

Wo kɔma, anubɛ Yonadabu donta saraka-mintantɛ anubɛ sarakɛ donu bɔɛ rɔ Beyali ye, kolo-fannu, kɔni. Wo ya a taran, Mansa Yehu ara mɔgɔ bi-segin sɔ kɔ tinɛ wola foolɛ rɔ. A ara a fɔ wonu ye nun ko, “Mɔgɛ min bɛɛsi ye kɔ tinɛ kɛ la, wo ni wonu bɛɛsi faga. Ni mɔgɔ kelen ya a porokɔlɔ min bolo, wo si faga mɔgɔ-porokɔlɔnɛ wo gbɛ rɔ.”

1 Ko-Kɔrɔta-Karan 21:15

Wo kɔma, Alla ya niyi-bɔ-melika lata Yerusalɛm kasara tinɛ. Kɔnɔ yanni niyi-bɔ-melika ni wuli mɔgɛnu fagala Yerusalɛm soe burɔ tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Aiseya 6:8

Wo kɔma, n ya Mari kan lamɔɛn ko, “N si yon sɔ? Yon si ma mala kilayɛ la?” Nde ya a fɔ ko, “Nde sɔ, n si ta le!”

Yɛrɛmaya 4:6

Wo ni tamasere layɛlɛ san ma min si a ma, mɔgɛnu ni Yerusalɛm kilɛ bira. Wo ni wo buri wola kanan-koe la. Wo kana a makɔni bawo a ko a ye kasarɛ lanala ka bɔ kantɔ-wara la. A ko kasarɛ wo si ma kasara-belebele la.

Isikiyɛli 43:3

N ya ko-rayirɛ kɛ le su yen iko n ya min yen wo tumɛ Alla nanɛ Yerusalɛm tinya-tinɛ, ado n ya wo su yen Kiba bɛ dafɛ wulɔn. N ya n naburun a ma dugi ma.

Lankɛnimayɛ 14:7

A ya a fɔ a kulu-mayɛlɛnɛ la ko, “Wo ni kilan Alla la ka a tanto ata gbiliyɛla ko la dɛɛ, ado mɔgɛnu-kiti-wati ara ke a bolo. Nba, wo ni wo nyɛnkin Alla kɔrɔ ka a bato. Wo ni ale Alla tanto, min ya san-kole anubɛ dugu-kole anubɛ kɔgɔ-yi anubɛ tenke bɛɛ dan!”