Isikiyɛli 8:6 - ALLALA KUMƐ

⁶ Alla ya a fɔ n ye ko, “Ile hadama-dan, i wara a yen min bi mala? I wara a yen Isirɛla bɔnsɔn-mɔgɛnu bi ko-kɔsɔni-sufa min nadanna? Ko-sufa kɛnu denu bi a mala, n ni n bɔ nta kan-tina-sɛnimɛ kɛ rɔ feufeu! Nba, i si ko-yogomɛ yen anu bolo kɛ rɔ min tenbira kɛ la.”

Isikiyɛli 8:6 Iomraidhean Croise

2 Ko-Kɔrɔta-Karan 29:5

A kumara anu ye nyɔ rɔ, a ko, “Wole Lifayinu, wo ni wo nyɛrɛ sɛninya, wo kɔma, wo ni wo benbanuta Mari Allata Bato-Bɔn fanan sɛninya. Fan minnu si Bato-Bɔn latinya, wo ni wonu nabɔ luyi ma.

Yaburi 78:60

A ya a ban ata fani-bɔn la Sailo soe burɔ a mayiginɛ mɔgɛnu tɛma kan min nun.

Hɛnkilimaya-Kumɛnu 5:14

A ara to se, n tatinyanɛ ni taran mɔgɛ bɛɛ tɛma.”

Yɛrɛmaya 11:18

Mari ara a yira n na ko n yogenu bara yanfɛ don nde, Yɛrɛmaya ma.

Yɛrɛmaya 23:11

Mari ko nɛbinu anubɛ saraka-masɔlɛnu bara kisimiriya-koe dan-natenbi. A ko hali a nyɛrɛta Bato-Bɔn, a ara anu bira sɔn-yogoyɛ la nyɔ.

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Yɛrɛmaya 32:34

Bato-Bɔn min sɔnɛ a bato-tinayɛ la, a ko anu bara anuna kisimiriya-bɛsɛnu nadon nyɔ ka nyɔ latinya.

Yɛrɛmaya 7:17

A ya n manyinika ni n sa a yenna wo ye min kun na Yerusalɛm luyinu ma anubɛ Yuda soe toenu burɔ.

Yɛrɛmaya 7:30

Mari ko fenfen min yogo, wole Yuda kɛnu diyana-koe le wo la. Ale ya a bato-tinɛ min yabɔ wole, ata mɔgɛnu ye, wo ara ta wola kisimiriya-bɛsɛnu sɔla nyɔ. Wo ara kan-tinɛ wo latinya feu!

Isikiyɛli 10:18

Wo kɔma, Marita wan-takani-belebele bɔra a Bato-Bɔn don-dɛ la. A ya a mayɛlɛ nima-fen nanɛ kɛnu kuma.

Isikiyɛli 10:19

N bi wonu mafɛlan kun na, anu ya anu kanbannu tafulen ka yɛlɛ san ma, ado anubɛ anu kian wonu denu tara. Anu sɔra doni Bato-Bɔn tele-bɔɛ don-dɛ kuma. Isirɛlata Allata wan-takanɛ ye anu kuma.

Isikiyɛli 11:22

Nima-fen-kanbannamɛ wonu gbanta anubɛ anu kian wonu. Isirɛlata Allata wan-takanɛ ye anu kuma.

Isikiyɛli 11:23

Wo kɔma, Marita wan-takanɛ wo ya Yerusalɛm boloka. Kɔnkɛ min bi soe wo tele-bɔɛ wara la, a yɛlɛta nyɔ kuma.

Isikiyɛli 14:6

“Woletɔ nde, wo Tigi Mari ye min fɔla i ye, i ni wo latenbi Isirɛla mɔgɛ wonu ma. Anu ni anu nyɛrɛ yiliki ka anu kan-kɔ sɔ anuna kisimiriya-bɛsɛnu na ka sɛgi n ma.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 43:8

Fɔlɔ nun, mansɛnu bi anuna bolɔn yɛ bɛnnɛ ntɛ le ma, ado anu donnɛ anu nyɔgɔn tɔ le fanan. Dandan dɔrɔn de ma tɛma. Anu taranta ko-latinyanɛ minnu mala, wo mara tɔgɔ-tinya la nde bɛrɛn ye. Woletɔ n ya anu kasara nta yisi-bɔɛ la.

Isikiyɛli 47:6

A ya a fɔ n ye ko, “Ile hadama-dan, i yili to koe kɛnu ko a kila-bɛrɛbɛrɛ fɛ.” Wo kɔma, kei wo ya n bi tun ka sɛgi n na bɛ wo kɔnkɔn dɛ fɛ.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 8:13

Wo kɔma, Alla ya a fɔ n ye tun ko, “Nba, i si anu yen koe do kun na tun min yogo kɛ fanan ko.”

Isikiyɛli 8:14

A tara n na Bato-Bɔn kantɔ-don-dɛ la. A ya musinu yira n na. Wonu bi dila anuna bɛsɛ do la min tɔgɛ Tamusa.

Isikiyɛli 8:7

A tara n sɔ kata-tenbi-bolɔn la. N ya kata burɔtɛ dandan wo punsɔgɔnɛ yen.

Isikiyɛli 8:9

A ko, “Don, i ni a yen anu bi ko-yogoma-su minnu kun na kata burɔ.”

Hoseya 5:6

Wo ye wola sagɛnu anubɛ ninkinu mala sarakɛnu na Mari ye kɔnɔ tɔnɔ-wo-tɔnɔ sa a la wo ye. Wo ti ale Mari yen bawo a ara a masɛgi wo la pon!