Isikiyɛli 8:3 - ALLALA KUMƐ

³ A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Isikiyɛli 8:3 Iomraidhean Croise

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

2 Mansɛnu 16:14

A ya Marita saraka-mintan-tinɛ wo sigi saraka-mintan-tina-kurɛ anubɛ Mari Bato-Bɔn tɛma ka a lata kantɔ-wara la.

2 Mansɛnu 2:16

Anu ko, “Mɔgɔ bi-lolɛ kɛndɛ ye ma fɛ yan. Ma ye a fɛ, anu ni ta i karan-mɔgɔ nyini. Tumado, Marita sɛnbɛ ara ta a to kɔnkɛ do kuma, ni wo ma, lɛɛ do rɔ.” Nɛbi Ilaisa ya a fɔ anu ye ko, “Wo kana anu nata.”

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Bɔ-Koe-Iyipiti 20:4

“Fan minnu bi san-kole rɔ wo, fan minnu bi dugu-kole kuma wo, fan minnu bi yi kɔrɔ wo, wo kana wonuna muninya fenfen ladan

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Bɔ-Koe-Iyipiti 34:14

Wo kana alla-dogbɛrɛ kɔ bawo wota Mari Alla le nde la min si wo makeliya. N ti sɔn n senɛ ma.

Yɛrɛmaya 32:34

Bato-Bɔn min sɔnɛ a bato-tinayɛ la, a ko anu bara anuna kisimiriya-bɛsɛnu nadon nyɔ ka nyɔ latinya.

Yɛrɛmaya 7:30

Mari ko fenfen min yogo, wole Yuda kɛnu diyana-koe le wo la. Ale ya a bato-tinɛ min yabɔ wole, ata mɔgɛnu ye, wo ara ta wola kisimiriya-bɛsɛnu sɔla nyɔ. Wo ara kan-tinɛ wo latinya feu!

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Isikiyɛli 10:3

A don Bato-Bɔn la, nima-fan wonu sɔnɛ tora Bato-Bon-kata burɔ dugu la. Banda-fin-gbɛ ya nyɔ lafa pen!

Isikiyɛli 11:1

Allata Sɛnbɛ ya n bi ka ta n na Bato-Bɔn tele-bɔɛ don-dɛ la. N ya kei mɔgɔ mogan-ni-loli yen sɔni don-dɛ wo dafɛ. Esurila den Yeyasanaya anubɛ Bɛnayala den Pɛlataya ye anu tɛma. Anuna kun-tigi le mɔgɔ filɛ kɛnu na.

Isikiyɛli 11:24

Ko-rayirɛ wo rɔ, Marita Sɛnbɛ ya n kɔrɔbi ka n nayɛlɛ san ma. A sɛgira n na mɔgɔ-biranɛ wonu bara Babilɔn nyamanɛ rɔ. N ke nyɔ, nna ko-rayirɛ wo banta.

Isikiyɛli 2:9

N ya bole yen nala n telen tɔ, gbolo-masɛbɛnɛ ye a rɔ.

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Isikiyɛli 37:1

Marita Sɛnbɛ yigira n kuma tumɛ min, wo ya n bi ka ta n sɔ lɛɛ do tɛma min kuma fanɛ hadama-den-kole la.

Isikiyɛli 40:2

Isirɛla nyamanɛ rɔ ko-rayirɛ rɔ. A tara n sigi kɔnkɔ-layan-bɛ do kuma. N ya bɔn donu sɔnɛ yen n yarɔ dugula wara la ko-rayirɛ wo rɔ. Anu nadɛnnɛ iko soe.

Isikiyɛli 43:5

Marita Sɛnbɛ ya n bi ka ta n na Bato-Bon-lu-kole ma. N ya Bato-Bɔn lafanɛ yen Marita gbiliyɛ la.

Isikiyɛli 43:8

Fɔlɔ nun, mansɛnu bi anuna bolɔn yɛ bɛnnɛ ntɛ le ma, ado anu donnɛ anu nyɔgɔn tɔ le fanan. Dandan dɔrɔn de ma tɛma. Anu taranta ko-latinyanɛ minnu mala, wo mara tɔgɔ-tinya la nde bɛrɛn ye. Woletɔ n ya anu kasara nta yisi-bɔɛ la.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 7:20

Wati donu tɔ nun, anu wasinɛ anuna dugu-kɔrɔ-nɔnfulinu tɔ kɔnɔ anu ya wonu denu bi ka wonu ma anuna bɛsi-yogoyanɛnu makiri-fan la. Woletɔ Mari ara a ma, anuna fen-kolomɛnu bara gboya anu ye.”

Isikiyɛli 8:5

Alla ya a fɔ n ye ko, “Ile hadama-dan, i yɛ lata kantɔ-wara la.” N yɛ-latɛ nyɔ, n ya bɛsɛ yen sɔni min gbo Alla ye dɔgɔma-ma-de! A ye saraka-mintan-tinɛ dafɛ don-dɛ wara la.

Isikiyɛli 9:2

Tiriyante wo rɔ, n ya kemini-mɔgɔ wɔrɔ yen nala ka bɔ tenbi-bolɔn kan tɔ, kɛlɛ-miran ye anu bolo tɔ. Min sanɛ wo kuma, mɔgɔ kelen bi anu tɛma linɛn-duruku-ba ye wo kan na. Sɛbɛli-kɛ-fannu bi a bolo tɔ. Anu dama nara anu sɔ saraka-mintan-tinɛ dafɛ min nadannɛ silɛɛ la.

Daniyɛli 10:10

Wo kɔma, mɔgɛ do ya n nawuli a bole la. N burunnɛ tora n bole tɔ. Hali wo, n tora yɛrɛyɛrɛnna kilan bolo.

Daniyɛli 10:18

A ya a bole tugun n na tun. N tagbɛlɛyara.

Daniyɛli 5:5

Tiriyɛ wo rɔ, lɛnpu-waan-takɛ ye dandan kan tinɛ min bara la, anu ya mɔgɔ bole yen sɛbɛli kɛla anu tɛma mansɛla bon-dandan ma. Ale mansɛ ya wo yen a yɛ la tumɛ min,

Kɛwɔlɛnu 8:39

Anu bɔra yi rɔ tumɛ min, Marita Niyi ya Filipi bɔ a fɛ. Kun-tigi wo ma a yen tun. Kɔnɔ a sewanɛ tara a warɛ.

Tɔn-Fɔɛ-Fila-Nyɔgɛ 32:16

Wola bɛsi-kɔ-koenu bi a mala, Mari ye wo makeliyala. Wo ye Mari gboyana-koenu nadanna woletɔ a ara kɔrɔtɔ wo ma.

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.

Tɔn-Fɔɛ-Fila-Nyɔgɛ 4:24

bawo wota Mari Alla mani de iko ta-wɔnkɔrɔmɛ. A sa nyinina a ma ko fenfen ni a senaya.

Tɔn-Fɔɛ-Fila-Nyɔgɛ 5:9

wo si wo nyɛnkin min kɔrɔ ka a bato. Ale le wota Mari Alla la min sa nyinina a senɛ ma. Ni Mari sɔgɔ labɔra bɛsi-kɔlɛ minnu na, a ko a si wonu tɔrɔya, hali anuna dannu anubɛ anu mamanɛnu ha ka ta a sigi anu tolo-birɛnu na anubɛ anu tolo-bira-sɔɛnu. A ko minnu si anu ban a la, a si wonu tɔrɔ.

Tɔn-Fɔɛ-Fila-Nyɔgɛ 6:15

Ni wo ya bɛsi-gbɛrɛkɛnu kɔ Mari kɔma, a si ata diminyɛ layigi wo kuma ka wo halaki pɔɔ! Wota Mari Alla min bi wo fɛ, a sa nyinina a senɛ ma.

Yasowa 24:19

Yasowa ya a fɔ Isirɛla mɔgɛnu ye ko, “Wo ti ke Mari Alla batola bawo a sɛnima, ado a ti sɔn a senɛ ma wo bolo. Ni wo bilara a la, a ti wo hakɛnu makoto.