Isikiyɛli 8:12 - ALLALA KUMƐ

¹² Alla ya a fɔ n ye ko, “Ile hadama-dan, i wara Isirɛla bɔnsɔn-kun-tiginu yen anu bi min kɛla dogon rɔ? Anu dama ye bɛsɛnu kɔla. Anu bi a fɔla ko, ‘Alla ya sa ma la. A ara a ban mala nyamanɛ la.’ ”

Isikiyɛli 8:12 Iomraidhean Croise

2 Mansɛnu 17:9

Isirɛla mɔgɛnu tora anuta Mari Alla tanama-ko-yogoma-siyaman mala. Anuna so-kunbɛnu wo, anuna so-mɛsɛnu wo, anu ya bɛsi-kɔ-tinɛnu sɔ nyɔnu tɔ.

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 73:11

Anu kɛnɛna a fɔla ko, “Alla ti kɛ lɔn. Alla ti kɛ fɛ gbɛ!”

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Aiseya 47:10

Mari ko ile Babilɔn min bara la i nyɛrɛta karagbɛlɛyɛ la, i miri ko mɔgɔ-wo-mɔgɔ ya sa i la. Ila hɛnkilimayɛ anubɛ ila ko-lɔn ara i lasama kilɛ ma. I ye a fɔla ko Alla le ile la. I ko i nyɔgɔn sa.

Isikiyɛli 14:1

Isirɛla mɔgɔ-ba donu nara sigi nde, Isikiyɛli dafɛ alako anu ni Mari sako lɔn.

Isikiyɛli 20:1

Mala biralɛ san wɔrɔnfila nyɔgɛ, wo karɛ loli nyɔgɛ, tele tan ma, Isirɛla mɔgɔ-ba donu nara n bara Mari sako-lɔn-koe rɔ. Anu sigira n yarɔ kilɛ la.

Isikiyɛli 8:11

Isirɛla bɔnsɔn-mɔgɔ-ba bi-wɔrɔnfila ye nyɔ. Safanla den Yeyasanaya ye anu tɛma. Isɛnti-mintan-fannu bi anu kelen-kelennamɛ bolo. Ta-sisi ye bɔla isɛnti wonu tɔ min sumɛ diyanɛ.

Isikiyɛli 8:13

Wo kɔma, Alla ya a fɔ n ye tun ko, “Nba, i si anu yen koe do kun na tun min yogo kɛ fanan ko.”

Isikiyɛli 8:15

Wo kɔma, a ya n manyinika ko, “Ile hadama-dan, i wara wo yen? N bi nala fan do yirala i la min yogo wo fanan ko.”

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

Sɛfanaya 1:12

Mari ko wo wati wa ke, a si lɛnpu bi ka a yɛ lakalan Yerusalɛm soe tonke bɛɛ rɔ. Ni a ya mɔgɔ-wo-mɔgɔ taran min wasinɛ, ado a lanɛ a nyɛrɛ la, Mari ko a si wo tigi tɔrɔ. Wo tigi ye belenna a fɔla a nyɛrɛ ma ko, “Mari ti ko-wo-ko sigi a ma, a mara a nyima la wo, a mara a yogoma la wo.”

Ɛfɛsa 5:12

Wonu bi min mala pinpi rɔ, miliya-koe le wonu na. Hali ka wonu takaran mɔgɛnu tɛma, miliya-koe le wonu na.

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’