Isikiyɛli 7:8 - ALLALA KUMƐ

⁸ “A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Isikiyɛli 7:8 Iomraidhean Croise

2 Ko-Kɔrɔta-Karan 34:21

“Wo ta Mari manyinika mabɛ Yuda kɛnu anubɛ Isirɛla kɛnu ye ka a tɛgɛ karan min bi buku kɛ rɔ. Mari ara diminya ma ma bawo ma fanu ma Marita kumɛ bira ka tagama iko a sɛbɛnɛ buku kɛ rɔ nya min.”

Yaburi 79:6

I yandi, ila fondo-bɔɛ wo telen i batobɛlɛnu denu na. I ni diminya i madiyabɛlɛnu ma.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Yɛrɛmaya 36:31

Ale mansɛ wo, a kegeyɛ wo, ala mɔgɔ-ba wo, Mari ko a si anu dama tɔrɔ tɛrr ka a tɛgɛ anu hakɛ ma. Ale mansɛ wo, a Yerusalɛm ka wo, anubɛ a Yuda kɛ toe wo, a ko anu do-wo-do ma anu tole masɔ ata kawandili-kan la. Woletɔ a ara kasarɛ min wara-koe fɔ tɛrr, a ye nala wo sigila anu ma.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Nimisa Koe 2:4

Mari ara ala kalabɛn rasagan ma kan ma iko a yoge le ma la. A ya mala mɔgɔ-hakikɛ bɛɛ faga. A ara ala diminyɛ rawuya Yerusalɛm soe ma iko tɛ.

Nimisa Koe 4:11

Mari ya ata diminyɛ bɛɛ labɔ ma kan ma. A ya tɛ tugu Yerusalɛm soe la ka a mintan gburr!

Isikiyɛli 11:21

Kɔnɔ bɛsi-makɔsɔni-batoe di minnu ye anubɛ ko-yogoma-su bɛɛ, n si wonu dama tɔrɔ. N si anu tɔrɔ ka a tɛgɛ anu bara min ma n na. Nde, wo Tigi Mari kan le kɛ la.”

Isikiyɛli 14:19

“Tumado, n si wuka le latugu anu ma ka mɔgɛnu anubɛ sogenu nato yisi-bɔɛ bolo.

Isikiyɛli 16:43

N ya i bira nya min, wo tumɛ i dɔgɔ, i wara nyina wo la. I ya n yisi-tinya-koe gbansan le ladan. Woletɔ n bara i sara ila ko-yogomɛ bɛɛla ko la. Nfenna i ya yɛlɛnya-koenu sa i sɔn-yogomɛnu kuma? Nde, i Tigi Mari kan le kɛ la.

Isikiyɛli 16:59

“ ‘Nde, i tigi Mari kan le kɛ la. N ko n si i bira iko i sɔn-yogomɛ ye nya min bawo i ma i yili to ma sarama-kan ko.

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Isikiyɛli 20:33

“Nde, wo Tigi Mari ya n keli n nyɛrɛ rɔ, n bi Isirɛla mɔgɛnu makawandila ko n si mansayɛ kɛ anu kuma yisi-bɔɛ anubɛ n sɛnbɛ bɛɛ la.

Isikiyɛli 20:8

Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Isikiyɛli 22:31

Woletɔ n si n yisi labɔ anu ma. N si don anu tɔ iko tɛ ka a tɛgɛ anu kɛ-nya-yogomɛnu ma. Nde, wo Tigi Mari kan le kɛ la.”

Isikiyɛli 24:14

Nde, wo Tigi Mari le wara kɛ fɔ. Nta diminya-lakɛ-wati ara ke a ma. N ti kinikini a ma tun fɔ ka ala so-burɔ-mɔgɛnu bira iko hakɛ-kɛlɛnu. A fɛrɛ sa fɔ a wa tɔrɔ le serr! Nde, a Tigi Mari kan le kɛ la.”

Isikiyɛli 30:15

Iyipiti so-latankani-wɛ, Pɛlusiyam, wo si nta diminya-dan lɔn. N si Tibisi fen-kolomɛ bɛɛ tinya pɔ!

Isikiyɛli 33:20

Kɔnɔ wole Isirɛla mɔgɛnu bi a fɔla ko n sa ko-telenni kun na. N bi wo kitila ka a tɛgɛ wo ara minnu ma gbɛ!”

Isikiyɛli 6:12

Minnu bi wula-yan la, kirayɛ le tala wonu na. Minnu bi i dafɛ, wonu kunyɛ si to kɛlɛ rɔ. Minnu bi tola anu niyi la, kɔnkɛ le wonu natola. Anu dama si a lɔn n yisi-bɔɛ ye nya min.

Isikiyɛli 7:27

Wola mansɛnu si to dila. Anuna dannu kumakɔnɛ si to. Mɔgɛ bɛɛ ra si maga kilan bolo. N si wo tɔrɔ ka a tɛgɛ wo ara minnu ma. N si wo kiti iko wo duruta doinu kitila nya min. Wo si a yira wo la wo rɔ ko Mari le nde la.”

Isikiyɛli 7:9

N ti n yɛ labelen wola hakɛ ma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma alako wo ni a lɔn yati, ko Mari le nde la. Fɔ wo wa a lɔn de ko wo tɔrɔlɛ le nde la.

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Isikiyɛli 9:8

Fagalɛ wo ye kɛla tumɛ min, n kelen pe le sɔnɛ nyɔ nun. N ya n naburun a ma dugi ma. N ya n dɛ sa-a-rɔ nyinikali-kɛ-tinɛ, n ko, “E, n Tigi Mari Alla, i fonde bɔnɛ Yerusalɛm kɛnu kan ma min kɛ, woletɔ i si Isirɛla mɔgɛ toe bɛɛ lato wola ko la, wa?”

Daniyɛli 9:11

Male Isirɛla mɔgɛ bɛɛsi ya ila tɔnnu tinya. Anu ma sɔn ila kumɛ birala mumɛ! Ma ara hakɛ kɛ i la, woletɔ ita wɔli-kɛla Nɛbi Musa ya dankɛ minnu sɛbɛ ata buku rɔ, ile le ya a ma, dankɛ wonu ya ma dama bira.

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Hoseya 12:3

Wo benba Yakoba anubɛ a fɛrɛn-nyɔgɛ Isɔ ya kɛlɛ dabira anu na burɔ le fɔlɔn. Ale Yakoba koloyanɛ, a ya Alla ma a kɛlɛ-nyɔgɛ la

Hoseya 5:10

Mari ko ale ara diminya bawo Yuda mɔgɔ-banu bara do tɛgɛ Isirɛla kɛnuna dugi la ka a sa anutɛ kuma. A ko a si tɔrɔyɛ latugu Yuda kɛnu kun na iko yi.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.