Isikiyɛli 7:16 - ALLALA KUMƐ

¹⁶ Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Isikiyɛli 7:16 Iomraidhean Croise

Ɛsira 9:15

I yandi, Isirɛlata Mari Alla, i ti sɔn ko-radunɛ ma kɔnɔ hali wo, i wara ma to ma niyi la. Ma ara ma sɔ a la ko yo sa ma bolo. A ma bɛn ko ma ni ma sɔ i yakɔrɔ lefan!”

Yaburi 55:2

I ya-lamunun n na ka nta madiyali-kan lamɔɛn. Hɛnkili-lamiri ara a ma, n fɛrɛ ara ban.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 37:31

ko a mɔgɛ toe min tonɛ Yuda nyamanɛ rɔ, wonu si sabati iko ki-fan min bi a suli layigila dugi rɔ pon, ka gbɔ-nyimɛ kɛ.

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Aiseya 59:11

Ma dama ye kurunna iko suluki. Ma kuman-kan makinikininɛ iko purulantɛ. Ma ye ma yɛ lakalanna telenbagayɛ ma kɔnɔ ma sa a yenna. A sɔgɛ ye ma la, ma ni kisi kɔnɔ kisi-koe fɛ-yan ma la pon!

Aiseya 59:12

“Ma ara ko-yogoma-siyaman ma mata Alla la. Ma hakɛ ye a yirala ma la ko ma ye kila-yogomɛ le fɛ. Ma ya a lɔn ko ma ara ma kan-kɔ sɔ Alla la. Male ya a lɔn ma ara karagbɛlɛya-koe minnu ma.

Yɛrɛmaya 3:21

Mɔgɛnu si wo di-kɛ-kan lamɔɛn kɔnkɛnu kun tɛma. Wole Isirɛla mɔgɛnu bi wo dɛ sala-a-rɔ madiyali-kɛ-tinɛ. Wo sɔn ara yogoya ka a dan-natenbi. Wo ara nyina wota Mari Alla ko.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 44:14

Wole Yuda mɔgɛ toe minnu nara sigi Iyipiti yan, wo siyaman ti wo buri ka to wo niyi la. A ko wo fenfen ti wo kɔ-sɛgi wola nyamani-diyamɛ rɔ tun fɔ kɛlɛ-kɔrɔ-burilɛ dori donu.

Yɛrɛmaya 44:28

Wo mɔgɔ-dande si wo buri ka bɔ Iyipiti ka ta Yuda. Wo dande min bi tola, wo si a lɔn ni tonyɛ ye minta kumɛ la, wotɛ wo, Maritɛ wo.

Yɛrɛmaya 9:19

Mɔgɛnu bi worondo-kan lamɔɛnna Yerusalɛm soe burɔ. Anu bi a fɔla ko, “Ma ara halaki pɔ! Ma ara miliya dɔgɔma-ma-de! Fɔ ma ni mala nyamanɛ kɛ boloka le bawo mala bɔnnu bara tii mɛmɛ!”

Isikiyɛli 14:22

Ni minnubɛ anuna dannu kunyɛ ma to kɛ rɔ, ni wonu nara i wara, i ni i yɛ bɛn wonu ma. I si a yen yati ka a fɔ ko mɔgɔ-yoge le wonu denu na. I ye a lɔnna wo le ma ko n ya tɔrɔyɛ min sigi Yerusalɛm kɛnu ma, a bɛnnɛ, n ni a sigi anu ma.

Isikiyɛli 34:6

Woletɔ nta sagɛnu tara anu kun fɛ kɔnkɔ-layan-bɛnu anubɛ gburukulinu ma. Anu ta ara nyɛnsɛn dugi kuma, ado mɔgɔ-wo-mɔgɔ ma anu nyini.

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Nehami 2:7

Anu ya wola mansɛla musi bira ka a makolɔn labɔ luyi ma. A fɛ-biralɛnu bi dila a fɛ iko purulannu. Anu bi anu kɔgɛ magbesila yisi-tinya bolo.

Sɛfanaya 1:14

Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.