Isikiyɛli 7:11 - ALLALA KUMƐ

¹¹ Wola karagbɛlɛyɛ ara sɛgi wo ma iko gbeleka-kundi. Wola fen-kolomɛ wo, wola kinyɛ wo, wola gbiliyɛ wo, wo bɛɛ si tunu yen!

Isikiyɛli 7:11 Iomraidhean Croise

Yaburi 125:3

Karagbɛlɛnu ti to mansayɛ la mɔgɔ-telennɛnuna nyamanɛ kun na tolon! Ni wo mara, tumado telenbagɛnu si na ko-yogomɛ do ma.

Yaburi 73:8

Fenfen sa anu da rɔ fɔ manyinɛ anubɛ darɔ-gboyɛ. Anu wasira dɔgɔma-ma-de! Anu si yanfɛ kiri mɔgɛ doinu ma ka anu takilan-kumɛnu fɔ.

Yaburi 78:64

Saraka-masɔlɛnu faga boloko-yogomɛ-kɛra, ado anuna musinu ma ke anu dila.

Aiseya 14:29

A ko, “Wole Filisitinu, hali wo gbesinɛ gbeleka-kundi min na, wo ra ara keri, wo kana ma wo sewa-kunya la. Ni duguma-fen-yogomɛ do fagara, do si bɔ a gbɛ rɔ min yogo ale ko. Mansa-kurɛ min bi sigila, wo marɛ si tenbi doi kɛtɛ la.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Yɛrɛmaya 22:18

Mari le ya kɛ fɔ Yuda Mansa Yosayala den Yahoyakim ma, a ko, “Yuda mɔgɛnu ti anu dɛ sa-a-rɔ i san-koe kuma. Ila kinikini ti taran anu tɔ. Hali ka a fɔ i kebilɛ ma, ‘Sɛkɔrɔ,’ anu ti wo ma.

Yɛrɛmaya 25:33

Wati wo, Mari ara minnu faga a fondo-bɔnɛ la, wonu furi-bolokanɛ si to belenna duninya-tonko-nanɛ bɛɛ rɔ. Mɔgɔ-wo-mɔgɔ ti anu di. Anu togonna ti taran. Anu bolokanɛ si to belenna iko ninki-nyɛ.

Yɛrɛmaya 6:7

Iko yi si bɔ tenke rɔ nya min, karagbɛlɛnuna wunduyogoyɛ si bɔ Yerusalɛm soe burɔ wo nya na le.” Mari ko a ye karagbɛlɛyɛ anubɛ kasara-kan lamɔɛnna soe kɛ rɔ. A ko a sa fenfen yenna kirayɛ anubɛ dumɛ kɔma soe kɛ burɔ.

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 5:4

Wo kɔma, i ni doni bɔ a la ila duruki wo la ka wonu sa tɛ rɔ. Kɛ si ma tamasere la ko tɛ si bira nyɔ le kibɔ, ha a ni Isirɛla bɔnsɔn-mɔgɛnu mintan.

Isikiyɛli 6:11

N Tigi Mari Alla ya a fɔ nde, Isikiyɛli ye ko, “I bole sa i kuma ka i kiannu matɛn di-kɛ-tinɛ bawo Isirɛla bɔnsɔn-mɔgɛnu bara kisimiriya-ko-siyaman ma. Kɛlɛ wo, kɔnkɔ wo, kiraya wo, anu kunyɛ si to wo dama rɔ.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Isikiyɛli 7:2

“Ile hadama-dan, nde, wo Tigi Mari Alla ye nala min fɔla Isirɛla mɔgɛnu ye, wo le kɛ la. Isirɛla nyamanɛ mumɛ lato-wati ara ke.

Isikiyɛli 7:23

“Kɔndɔfili ye kan-tinɛ bɛɛ rɔ. Fagalɛ dɔrɔn, wo le nyamanɛ rɔ. Soenu nafanɛ karagbɛlɛyɛnu denu na.

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Emɔsi 6:3

Wo miriya ko wo kɛ-nya ara wo tɔrɔya-tele wo masɛgi wo la pon kɔnɔ wo kɛ-nya ye wo yogenu kelela wo kan ma ka wo kasara.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Maika 3:3

Wo ye Marita mɔgɛnu birala boloko-yogomɛ-kɛ iko donso-keminɛ tenbi sogo-gbole bɔla a ma. Wo ye Marita mɔgɛnu birala iko donso-keminɛ wa sogo-ratɛgɛtɛgɛnɛ sa dagɛ rɔ ka a dɔn sa!

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.