Isikiyɛli 6:9 - ALLALA KUMƐ

⁹ Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Isikiyɛli 6:9 Iomraidhean Croise

2 Mansɛnu 16:10

Wo kɔma, Mansa Ehasi tara Asiriya Mansa Pulu kɔndɔn tinɛ Damasika soe burɔ. A ye nyɔ tumɛ min, a ya Damasika kɛnuna saraka-mintan-tinɛ do yen. A ya wola muninyɛ ladan-mɔlɔnɛ bɛɛ sɛbɛ ka wo lata ala Saraka-Masɔla Yuraya ma alako wo ni wo nyɔgɔn nadan.

Yobu 42:6

N darɔ-kannu bara a ma, n bara miliya. Wola ko la, n bara tubi ka n sa sundu-kunyɛ ma i kɔrɔ.

Yaburi 137:1

Ma sigira Babilɔn bɛnu dafɛ tumɛ min, ma hɛnkili wa tugu Yerusalɛm na tuma-wo-tuma, ma si diyi tɛgɛ a rɔ.

Yaburi 78:40

Anu murutiyara a ma wula-da-rakolɔn rɔ iko yili! Anu ya a ma, a fonde bɔra iko siyaman.

Aiseya 43:24

woletɔ ma sa isɛnti sanna a ye tun. Ma sa a wasa-koenu kɛla ka to sogo-kɛɛn dila a ma. Kɔnɔ ma ara to ma hakɛ-dunɛnu sala a kuma. A ko ma ara to ko-yogomɛnu sigila a kuma min kɛ, wo ara a labandan.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Yɛrɛmaya 51:50

Mari ya a fɔ ala mɔgɛnu ye Babilɔn nyamanɛ rɔ ko, “Wo ara sayɛ masangba min kɛ, wo kana fenfen makɔni. Wo ta! Hali wo fɛ-yan wo warɛnu na, wo kana nyina nde, Mari ko anubɛ Yerusalɛm soe.

Isikiyɛli 12:16

Kɔnɔ n ti sɔn kɛlɛ anubɛ kɔnkɛ anubɛ kirayɛ ni anu damasi faga. Donu si to anu kɛndɛ la. Wo le si a ma, anu ni a lɔn worɔ anu bara ko-yogoma-sufa minnu ma. Wo kɔma, anu si a fɔ worɔ ko Mari le nde la.”

Isikiyɛli 16:43

N ya i bira nya min, wo tumɛ i dɔgɔ, i wara nyina wo la. I ya n yisi-tinya-koe gbansan le ladan. Woletɔ n bara i sara ila ko-yogomɛ bɛɛla ko la. Nfenna i ya yɛlɛnya-koenu sa i sɔn-yogomɛnu kuma? Nde, i Tigi Mari kan le kɛ la.

Isikiyɛli 16:61

N ba wobɛ i dɔgɔ-musi anubɛ i kɔrɔ-musi to kan kelan rɔ, ni i ya i miri i sɔn-kɔrɛnu ma tumɛ min, i si miliya anu ye. N si a ma, anu ni ma iko ila den-sunkurɔnnu. Kɔnɔ ma mɔgɔ filɛ ma ma sara wo ma nun.

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 20:24

N ya wo ma bawo anu ya anu ban nna tɔnnu ma ka Sulen-Tele lafɛya pɔ! Anu benbanuna bɛsi-kɔ-koe di anu ye.

Isikiyɛli 20:28

N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 20:7

N ya a fɔ anu ye ko anu ni anuna kisimiriya-bɛsɛnu nakɛ a rɔ. N ya a fɔ anu ye fanan ko anu kana anu nyɛrɛ latinya Iyipiti bɛsi-fuyinu kɔ-koe la bawo anuta Mari Alla le nde la.

Isikiyɛli 23:30

wo le wara kɛ bɛɛ lana i ma. I mara yɛlan la sibole bɛɛ ye. I wara i nyɛrɛ latinya anuna bɛsi-kɔ-koe fɛ.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Isikiyɛli 6:10

Anu si a lɔn yati, ko Mari le nde la, ado tolon-ko ma nna kawandilɛnu na.”

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Emɔsi 2:13

Mari ko a si wo digin dugu la ha wo ni kurun iko dunu-bilɛ wa dunɛ bi, a ti min nɔ.

Maika 5:13

Wo ye bɛsɛ minnu kɔla, a si wonu kasara. Woletɔ wo si fan minnu nadan wo nyɛrɛ bole la, wo ti wonu kɔ tun!

Sakaraya 10:9

A ko hali ale ara a ma, anu ta ara nyɛnsɛn sibolo-gbɛrɛnu tɛma, hali anu bi wula-yan wonu na, anu si anu miri ale ma. A ko anubɛ anuna dannu si to anu niyi la ha anu ni anu kɔ sɛgi anu nyɔgɔn fɛ.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

2 Pita 2:14

Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!