Isikiyɛli 6:7 - ALLALA KUMƐ

⁷ Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!

Isikiyɛli 6:7 Iomraidhean Croise

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 7:5

N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 18:21

Nba, i ni a ma, anuna dannu ni faga kɔnkɛ bolo. I ni a ma, anu yogenu ni anu nɔ kɛlɛ rɔ. A ma, anuna musinu ni foo anuna dannu na. Anu ni ma kɛɛ-musinu na fanan. A ma, Yuda mɔgɛnu manyimanɛ ni faga. Anuna kemini-mɛsɛnu kunyɛ ni to kɛlɛ rɔ.

Yɛrɛmaya 25:33

Wati wo, Mari ara minnu faga a fondo-bɔnɛ la, wonu furi-bolokanɛ si to belenna duninya-tonko-nanɛ bɛɛ rɔ. Mɔgɔ-wo-mɔgɔ ti anu di. Anu togonna ti taran. Anu bolokanɛ si to belenna iko ninki-nyɛ.

Nimisa Koe 4:9

Minnu kunyɛ tora kɛlɛ rɔ, wonu fisa kɔnkɛla mɔgɔ-faganɛ kɛnu ko. Minnu niyi ma bɔ yona, a gbɛlɛyara wonu kuma.

Isikiyɛli 11:10

ado a ko wo kunyɛ si to kɛlɛ rɔ wota nyamanɛ kɛ rɔ yan. Woletɔ bɛɛ si a lɔn ko ale le wota Mari la.

Isikiyɛli 11:12

A ko wo si a lɔn worɔ ko wota Mari le ale la bawo sibolo-gbɛrɛ minnu bi wola foolɛ rɔ, wo ya wonuta tɔnnu bira ka aletɛnu tinya.

Isikiyɛli 12:15

“N ba anu tanyɛnsɛn sibolo-gbɛrɛnu tɛma nyamani-gbɛrɛkɛnu tɔ, anu si a lɔn worɔ ko Mari le nde la.

Isikiyɛli 12:19

A fɔ Isirɛla mɔgɛ bɛɛ ye ko kilayɛ kɛ ye bɔla wo Tigi Mari le bolo Isirɛla mɔgɛnu denu ye minnu bi anu niyi la Yerusalɛm soe burɔ. Anu si yɛrɛyɛrɛn fen-dɔn-tinɛ. Anu tenbi anu minna, anu kun ma si kɔ kilan bolo. Fenfen ti taran anuna nyamanɛ rɔ ka a tɛgɛ anuna karagbɛlɛyɛ ma.

Isikiyɛli 13:14

Anu ya bɔnku-gbɛ layɛlɛ tarɛ min ma wo la, wola bu-koe latɛgɛni de n bolo. A tii-sɔgɛ ye n na mɛmɛ! A si bui foninya-wɔlɔyiya-kuma-fɔlɛnu tɔ ka anu nato dogbe! Bɛɛ ye a lɔnna wo le ma ko Mari le nde la.

Isikiyɛli 13:21

Anuna bɛsi-fanɛ minnu bi anu kun na, n si wonu fogbɔ anu kunyɛ la alako ka nta mɔgɛnu kisi anu masibɛ ma. Anu ti nɔ-ko sɔrɔn nna mɔgɛnu ma tun. Anu bi a lɔnna wo le ma ko Mari le nde la.

Isikiyɛli 13:23

Nba kaka, anuna ko-rayirɛ anubɛ anuna foninya-wɔlɔyiya-kuma-fɔɛnu bara ban. N bi nna mɔgɛnu denu porokɔlɔ-koe rɔ musi wonu bolo ka anu nakanan. Anu bi a lɔnna wo le ma ko Mari le nde la.”

Isikiyɛli 13:9

Ka a tɛgɛ anuna ko-rayirɛ anubɛ anuna foninya-wɔlɔyiya-kuma-fɔɛ wo ma, a ara to sɛ, n ni bila anu tɔ. Nna mɔgɛnu ba anu kundɛn ka koe latɛgɛ anu nyɛrɛ ma, foninya-nɛbi wonu ti bɛn wo rɔ. Isirɛla dugurannu tɔgɛ sɛbɛnɛ kan min, anu denu tɔgɔ ti taran nyɔ hali! Anu ti sɛgi anuna nyamanɛ wo rɔ tun. Wo wa ma tumɛ min, anu si a lɔn ko wo Tigi Mari le nde la.

Isikiyɛli 14:8

N si taran wo tigi kan ma. N si a ma misalɛ la mɔgɛnu yala. N si a wurun nta mɔgɛnu tɛma. Wo ye a lɔnna wo le ma ko nde le Mari la.

Isikiyɛli 15:7

tɔrɔla wo nya na le. Anu bara anu buri tɛ do kɔrɔ nun kɔnɔ tɛ kɛ, wo ye anu mintanna le. N ba anu tɔrɔ, wo ye a lɔnna wo le ma ko nde le Mari la.

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 20:42

N ba na anu na Isirɛla nyamanɛ rɔ, n ya anu benbanu yili-madiya minnu na, anu si a lɔn wo le ma ko Mari le nde la.

Isikiyɛli 20:44

N ti anu bira iko anu kɛ-nya-yogomɛ ye nya min kɔnɔ n si anu bira hakikɛ min kɛ, wo si a ma, n tɔgɔ ni gbiliya mɔgɛnu bolo. Isirɛla mɔgɛnu si a lɔn wo le ma ko anuta Mari le nde la. Wo Tigi Mari kan le kɛ la.”

Isikiyɛli 22:16

Wo le si a ma, sibolo-gbɛrɛnu ni anu nafɛya. Anu bi a lɔnna wo le ma ko Mari le nde la.”

Isikiyɛli 23:49

N si anu tɔrɔ anu sɔn-yogomɛ anubɛ anuna bɛsi-kɔ-koela ko la. Anu si a lɔn wo le ma ko anu Tigi Mari le nde la.”

Isikiyɛli 24:24

A ko wo si a ma iko nde fanan bara a ma nya min kɛ la. Kɛ si ma tamasere la wo ye. A ko kɛ dama wa ma wati min, wo si a lɔn worɔ ko wo Tigi Mari le ale la.”

Isikiyɛli 24:27

Wo tele nyɛrɛ ma, ile, Isikiyɛli dɛ si fulen tun ka kuma ale ye. Wo tele nyɛrɛ ma, ile si ma tamasere la mɔgɛnu ye. Anu bi a lɔnna wo le ma ko Mari le nde la.”

Isikiyɛli 25:17

N si anu tɔrɔ kosɛbɛ ka n tayili sara anu na. Anu si nna yisi-bɔɛ lɔn. Wo kɔma, anu si n lɔn Mari la, yɔ!”

Isikiyɛli 26:6

Anu si belenna anu fagala soenu tɔ hali minnu sa yi dafɛ. Wo kɔma, Taya kɛnu si na a lɔn ko nde le Mari la.

Isikiyɛli 28:23

N si kirayɛ latugu anu kun na ka dugu-kole ban anu yele la yɛgbɛ! Anu yogenu si kɛ anu ma kan-tinɛ bɛɛ rɔ. A mɔgɛnu si to fagala. Wo kɔma, anu si a lɔn wo le ma ko Mari le nde la.”

Isikiyɛli 30:26

N si Iyipiti kɛnu tanyɛnsɛn duninya rɔ. Wo kɔma, anu si n lɔn ko Mari le nde la.”

Isikiyɛli 32:15

N ba Iyipiti ma tonbɔn la tumɛ min ka a mɔgɛ bɛɛ kasara tɛrr, anu si a lɔn wo rɔ ko Mari le nde la.

Isikiyɛli 35:15

iko anu sewara Isirɛlala buiyila ko la nya min, n halala-nyamanɛ, kɔni. Idɔm kɔnkɔ-nyamanɛ bɛɛ si ma nyamani-kasaranɛ la. Wo kɔma, bɛɛ si to a lɔnna ko Mari le nde la.”

Isikiyɛli 38:23

Wo wa ma tumɛ min, ale Mari si a yira sibole bɛɛ la ko a makawara, ado a sɛnima. Anu si a lɔn ko Mari le ale la.

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.

Isikiyɛli 6:6

Isirɛla soe bɛɛ si halaki pɔ! Wo si a ma, saraka-mintan-tinɛnu anubɛ bɛsɛnu si tinya pɔ! Anuna isɛnti mintan tinɛnu si tii mɛmɛ! Anu bara min bɛɛsi ladan, wonu si tunu yen!

Isikiyɛli 6:8

“N si a ma, donu ni bɔ muri kɔrɔ ka anu tanyɛnsɛn sibolo-gbɛrɛnu tɛma.

Isikiyɛli 7:4

N ti n yɛ labelen wola hakɛnu kuma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma woletɔ wo si a lɔn ko Mari le nde la.

Isikiyɛli 7:9

N ti n yɛ labelen wola hakɛ ma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma alako wo ni a lɔn yati, ko Mari le nde la. Fɔ wo wa a lɔn de ko wo tɔrɔlɛ le nde la.

Isikiyɛli 9:7

Alla ya a fɔ anu ye ko, “Wo ni Bato-Bɔn latinya. Wo ni kata-burɛ lafa hadama-den-suyi la. Wo ta gbɛ!” Woletɔ anu ya mɔgɛnu fagɛ dabira soe burɔ.