Isikiyɛli 5:8 - ALLALA KUMƐ

⁸ Woletɔ nde, wo Tigi Mari Alla ye a fɔla wo ye ko wo yoge le nde la gbɛ! N bi wo kitila duninya tɛma le.

Isikiyɛli 5:8 Iomraidhean Croise

Yɛrɛmaya 21:13

A ko ale Yerusalɛm soe siginɛ san ma iko fara-layan-bɛ min bi lɛɛ rɔ. A ko a si wole, Yerusalɛm kɛnu kɛlɛ, ado wo ye mankan tugula ko mɔgɔ-wo-mɔgɔ ti ke wo nɔla.

Yɛrɛmaya 21:5

Mari ko a si wole, Yerusalɛm kɛnu kɛlɛ a sɛbɛ-kuna-wɛ anubɛ ata fondo-bɔ-wɛ la.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 50:7

Min ba ale Marita mɔgɛ kɛnu yen, wonu si anu mawulen. Anu yoge wonu kɛnɛna a fɔla ko, “Male ma ko-yogoma ma. Isirɛla mɔgɛ kɛnu bara bila Mari la min kɛ, woletɔ ma ara anu mawulen. Anu benbanu ya anu yigi sa Mari rɔ, ado a bɛnta, anu fanani ni Mari gbiliya nun.”

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Nimisa Koe 3:3

Telen-gbɛn, a ya n matɔntɔn. A ma kinikini n ma.

Isikiyɛli 11:9

A ko a si wo labɔ soe kɛ burɔ ka wo don sibolo-gbɛrɛnu bolo. A ara wo faga-koe latɛgɛ,

Isikiyɛli 13:8

“Woletɔ nde, wo Tigi Mari ko anu bi ko-rayirɛ anubɛ wɔlɔyiya-kumɛ minnu fɔla mɔgɛnu ye, foninyɛ le wonu na. N si taran anu kan ma.

Isikiyɛli 15:7

tɔrɔla wo nya na le. Anu bara anu buri tɛ do kɔrɔ nun kɔnɔ tɛ kɛ, wo ye anu mintanna le. N ba anu tɔrɔ, wo ye a lɔnna wo le ma ko nde le Mari la.

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Isikiyɛli 21:3

ko anu yoge le nde, Mari la. N si nna faan sagan a lɛɛ rɔ ka anu damasi faga, a mɔgɔ-nyima wo, a mɔgɔ-yogoma wo.

Isikiyɛli 28:22

Nde, i Tigi Marita kumɛ latenbi Saidon kɛnu ma. Saidon yoge le nde la. N bi nala min sigila Saidon soe ma, mɔgɛnu si n matɔgɔ wola ko la. N ba ban Saidon kɛnu tɔrɔla ka nta sɛninyɛ yira mɔgɛ bɛɛ la, mɔgɛnu bi a lɔnna wo le ma ko Mari le nde la.

Isikiyɛli 30:19

N ba Iyipiti nyamanɛ tɔrɔ ka tumɛ min, anu bi a lɔnna wo le ma ko Mari le nde la.”

Isikiyɛli 34:10

Nde, anu Tigi Mari ara ban a latɛgɛla ko anu yogo-fin-bɛ le nde la. N si nna sagɛnu bɔ anu bolo. N ti sɔn tun anu denu fanan ni ma nna sagɛnu fɛ-biralɛnu na. N ti sɔn anu ni to anu nyɛrɛ fɛ-birala wo nya na tun. N si nna sagɛnu kumafunfan anu bolo, ado n ti sɔn anu ni anu dɔn tun!

Isikiyɛli 35:3

Nde, i Tigi Marita kumɛ latenbi anu ma ko Idɔm mɔgɛnu yogo-fin-bɛ le nde, Mari la. N si anuna nyamanɛ ma nyamani-halakinɛ la pɔ!

Isikiyɛli 39:1

N Tigi Mari ko, “Ile hadama-dan, i ni kuma Mansa Kɔgi ma min bi Tubali anubɛ Misɛki sigisɔnnu kun na. A fɔ a ye ko a yogo-fin-bɛ le nde, Mari la.

Isikiyɛli 5:15

“Nde, Mari wa diminya wo ma ka wo tɔrɔ, sibolo-gbɛrɛ minnu bi wola foolɛ rɔ, wonu kun ma si kɔ. Anu si nyima wo rɔ ka wo rasɛ.

Nehami 2:13

Mari Sɛnbɛ-Bɛɛ-Tigi ko wole Ninɛfa kɛnu ni wo tole masɔ. Wo yogo-bɛrɛbɛrɛ le ale la. Wo si wola kɛlɛ-kɛ-kirindinu mintan gburr! Wola kɛlɛ-nyana dama kunyɛ si to kɛlɛ rɔ. Wo ara min bɛɛsi bi kɛlɛ rɔ, ale fanan si wonu bi wo bolo. Wola kilayɛnu ti ta tun ka gbɛsɛ-gbɛsɛnu makele nyamanita-mɔgɛ doinu na.

Matiyu 22:7

Mansɛ diminyara bɛrɛkɛ! A ya ala kɛlɛ-dannu nata mɔgɔ-fagalɛ wonu faga tinɛ ka anuna soe mintan.

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!