Isikiyɛli 5:6 - ALLALA KUMƐ

⁶ Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Isikiyɛli 5:6 Iomraidhean Croise

2 Mansɛnu 21:11

“Manasa ara kisimiriya-koenu kɛ. A ya ko-yogomɛnu kɛ ka tenbi Kenan kɛnu na. A ara Yuda mɔgɛnu nabila bɛsi-kɔ-koe la.

2 Mansɛnu 21:9

Kɔnɔ hali wo, anu ma sɔn anu tole masɔla. Mansa Manasa ya a ma, Isirɛla mɔgɛnu ya hakɛ kɛ dɔgɔma-ma-de hali ka tenbi mɔgɛ wonu na Mari ya minnu gben anu yarɔ nun.

Nihɛmaya 9:34

Ma benbanu wo, mala mansa wo, mala kun-tigi wo, mala saraka-masɔla wo, ma fenfen ma ila tɔnnu bira. Anu ma anu tole sigi ila makawandili-kumɛnu kɔrɔ.

Nihɛmaya 9:35

Wati wo rɔ, anu taranta sigini anuna mansɛnu kɔrɔ yisi-kimɛ rɔ nyamani-nyimɛ kɛ rɔ ile ya min di anu ma. Kɔnɔ hali wo, anu ma anu fara hakɛ-kɛ la ka ile sako kɛ.

Yaburi 106:20

Anu ya Allata gbiliyɛ mayɛlɛma ka a di bin-dɔn-sogela muninyɛ kɛ ma.

Yaburi 78:10

Sarama-kan min bi anubɛ Alla tɛma, anu denu ma anutɛ latɔnbagaya. Anu ya anu ban ata tɔn-bira-koe ma.

Bɔ-Koe-Iyipiti 16:28

Mari ya a fɔ Musa ye ko, “Wo si n kan to a gbɛ rɔ wati nyamintan gbɛ?

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 8:5

Nfenna wole, Yuda kɛnu bi samala, wa? Nfenna wole, Yerusalɛm kɛnu sa wo sɛgila kilɛ ma? Wo lanɛ foninyɛnu denu na, wota bɛsɛnu, kɔni. Wo ya wo ban sɛgi-koe ma.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Isikiyɛli 11:12

A ko wo si a lɔn worɔ ko wota Mari le ale la bawo sibolo-gbɛrɛ minnu bi wola foolɛ rɔ, wo ya wonuta tɔnnu bira ka aletɛnu tinya.

Isikiyɛli 16:51

I kɔrɔ-musi Samariyata hakɛ ma ke iletɛ rɔ. Ile kɛ-nya makisimirita atɛ ko pirr! Ni n ya i na-kelen-nyɔgɔ-musi kɛnu sanka ile nyɔgɔn ma, n ti fɛɛ yen wonu na.

Daniyɛli 9:15

“E, ma Tigi Alla, i nara ila mɔgɛnu na ka bɔ Iyipiti nyamanɛ rɔ tumɛ min, i ya ita sɛnbɛ-makawanɛ yira anu na wulɔn. Ha bi, ma ye ma mirila ita kabana-ko-sɛnbɛ wo ma. Kɔnɔ hali wo, ma ara hakɛ kɛ ka karagbɛlɛyɛ sigi i la.

Daniyɛli 9:5

“Kɔnɔ male ara hakɛ kɛ ka ko-yogomɛ anubɛ karagbɛlɛyɛ ladan. I ya min fɔ ma ye, ma ara ma ban wonu na. I ya ko-telennɛ-kilɛ min yira ma la, ma ara ma kan-kɔ sɔ wo la ka bila ma nyɛrɛta kilɛ fɛ.

Daniyɛli 9:8

E, Mari, mala mansɛnu wo, mala mɔgɔ-banu wo, anubɛ ma benbanu, anu damasi ara hakɛ kɛ ile Mari la ka miliya-koenu ma.

Sakaraya 7:11

A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere

1 Kɔrɛnti 5:1

Nba, n ya a lamɔɛn ko yɛlɛnya-su do ye wo tɛma hali Alla-lɔnbɛlɛnu ti sɔn min sifa ma, ado tɛrɛna-ko le wo la n bolo. Anu ko mɔgɛ donubɛ a na-sena-musi ye kila.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.