Isikiyɛli 5:5 - ALLALA KUMƐ

⁵ “Nde, i Tigi Mari Alla ko, ‘I ma Yerusalɛm soe yen? N ya a sɔ sibolenu tɛma nun. Nyamanɛ bɛɛ tora ala foolɛ rɔ.

Isikiyɛli 5:5 Iomraidhean Croise

Yaburi 87:3

Ile Allata so-kunbɛ, i tole masɔ kabana-ko-kumɛnu na anu bi min fɔla i wara-koe rɔ.

Yɛrɛmaya 6:6

Mari Sɛnbɛ-Bɛɛ-Tigi ya a fɔ Yerusalɛm yogenu ye ko, “Kɔlɔma minnu bi Yerusalɛmna foolɛ rɔ, wo ni wonu tɛgɛ. Wo ni yɛlɛ-tinɛ ladan Yerusalɛm tarɛ ma ha a kun tɛma alako wo ni anu kɛlɛ. Fɔ soe kɛ wa tɔrɔ serr! Fenfen sa soe kɛ rɔ fɔ niyi-ragbɛran.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Isikiyɛli 16:14

I tɔgɛ bɔra sibole bɛɛ tɛma ka a tɛgɛ ila kinya-belebele ma bawo nde, Alla le ya ila kinyɛ labɔ gbɛ rɔ. Nde, i Tigi Mari kan le kɛ la.

Isikiyɛli 4:1

Mari ya a fɔ n ye ko, “Ile hadama-dan, bɔnku-bulɔku bi. I ni a sigi i yakɔrɔ. I ni Yerusalɛm soela muninyɛ ladan a ma.

Isikiyɛli 5:4

Wo kɔma, i ni doni bɔ a la ila duruki wo la ka wonu sa tɛ rɔ. Kɛ si ma tamasere la ko tɛ si bira nyɔ le kibɔ, ha a ni Isirɛla bɔnsɔn-mɔgɛnu mintan.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Matiyu 5:14

“Wo manɛ mɔgɛnu ye iko wan-takanɛ, ado soe min sɔnɛ kɔnkɛ kuma, wo dogon-koe gbɛlɛ.

1 Kɔrɛnti 10:4

Anu dama ya yi kelan min, Alla ya min nabɔ farɛ rɔ, ado Kirasiti nyɛrɛ le farɛ wo la min bilara anu fɛ.

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 8:20

Ni wo ma Marita kumɛ bira, wo ye sibole doi kɛnu fagala nya min, wole fanan bi fagala wo nya na le.”