Isikiyɛli 5:12 - ALLALA KUMƐ

¹² Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Isikiyɛli 5:12 Iomraidhean Croise

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Yɛrɛmaya 13:24

Mari ko a si wole, Yerusalɛm kɛnu tanyɛnsɛn iko fɔnyɔ ye tala fɔrɔn min na.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 15:2

Ni wo ko, “Mintɔ,” a ko ka a fɔ wo ye ko ni kirayɛ la ara tɛgɛ min ma, wo ni faga kirayɛ bolo. Ni min kunyɛ ye tola kɛlɛ rɔ, wo kunyɛ ni to kɛlɛ rɔ. Ni kɔnkɔ-fitinɛ ye tala min na, kɔnkɛ ni ta wo la. Ni min kunyɛ ye tola biralɛ rɔ nyamani-gbɛrɛ rɔ, wo kunyɛ ni to birɛ rɔ.

Yɛrɛmaya 15:9

Wo yogenu ba na wo kɛlɛ-tinɛ, ni wole, Yuda kɛ minnu tora wo niyi la, a ko a si wo kunyɛ don fagali-kɛlɛnu bolo. Hali den-kei mɔgɔ wɔrɔnfila le ye musu kelan bolo, a bɛɛ si ta sala a ma nɛnɛrɛ! Anu na wo si to yɛlɛla a ma diyi-kɛ bolo fekufeku! A kɔndɔ si fili yisi-tinya bolo pirikali! Mari ko tele-mansa-di-kɔlibilɛ si yɛlɛma pinpi-mansa-di-kɔlibilɛ la. Nde Mari kan le kɛ la.

Yɛrɛmaya 21:9

Mɔgɔ-wo-mɔgɔ tora soe burɔ, ni anu tɔgɔ ma to kɛlɛ la, anu tɔgɔ si to kɔnkɔ-fitinɛ la. Ni min tɔgɔ ma to kɔnkɔ-fitinɛ la, anu tɔgɔ si to kiraya-fitinɛ la. Kɔnɔ ni min tara Babilɔn kɛlɛ-dannu bara ka dɛgɛ min wonu ye, wo tigi ti faga. Minnu bi tala dɛgɛ min tinɛ, wo ye tala a niyi le dɔrɔn na a bolo.

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 44:27

A ko a si a ma, wo ti ma-a-la tun! Wo si to kasarɛ rɔ. A ko wo dama si faga. Ni minnu kunyɛ ma to kɛlɛ rɔ, wonu tɔgɛ si to kɔnkɔ-fitinɛ la. Anu dama la si to.

Yɛrɛmaya 9:15

Nba, Mari Sɛnbɛ-Bɛɛ-Tigi, Isirɛlata Alla ko a ti mɛ tun, wole Yuda kɛnu ni dɔn-fen-kunanɛ dɔn ka wo min dawara-yi la.

Yɛrɛmaya 9:16

A ko a si wo ranyɛnsɛn ka wo basan sibolo-gbɛrɛnu na pirikali! Wo si taran sibolo-gbɛrɛnu tɛma, hali wo benbanu ma minnu lɔn. A ko a si wo yogenu natugu wo kan ma ha wo damasi ni ban fagala.

Isikiyɛli 12:14

N si anubɛ ala mɔgɛnu tanyɛnsɛn duninya-tonko-nanɛ bɛɛ rɔ, ala mɔgɔ-ba wo, a makandanna wo. Mɔgɛnu si anu nyini anu faga-koe la.

Isikiyɛli 14:17

“Tumado, n si kɛlɛ lana anu ma. N si kɛlɛ-kɛ-fen-yogomɛnu nana minnu si mɔgɛnu anubɛ sogenu wara-koe ka-a-la.

Isikiyɛli 14:19

“Tumado, n si wuka le latugu anu ma ka mɔgɛnu anubɛ sogenu nato yisi-bɔɛ bolo.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 16:42

Wo wa ma tumɛ min, nta diminyɛ si ban. N yisi si kimɛ worɔ poi! N yisi ti bɔ tun. N ti i makeliya tun.

Isikiyɛli 21:22

Nba! Kalabɛn min bi a bolo-nyimɛ rɔ, wo ya Yerusalɛm kilɛ yira a la. Wo ye a fɔla a ye ko a ni tarɛ da-keri-fan sɔ Yerusalɛm soe kan ma. Wo kɔma, ale mansɛ si to worondola ka kɛlɛ-matɔgɔ-kumɛnu fɔ. A si bɔnkɛ layɛlɛ soe wo tarɛ ma alako mɔgɔ-siyaman ni yɛlɛ tarɛ ma kɛlɛ-kɛ-tinɛ soe wo burɔ.

Isikiyɛli 24:13

Yerusalɛm soela sɔn-yogomɛ ara a kɔsɔ feu! Hali n ya n karan ka a sɛninya, a kɔsɔnɛ si to. A ti ban sɛninyala fɔ n ba nna diminya-wɛ bɛɛ labɔ a ma.

Isikiyɛli 33:27

“I ni anu makawandi ko nde, i Tigi Mari min bi n niyi la, n bara n keli n nyɛrɛ rɔ ko minnu siginɛ so kasaranɛ wonu tɔ, fɔ anu ba faga. Minnu bi binyɛ rɔ, sogenu si wonu dɔn. Minnu bɛɛ dogonnɛ kɔnkɛnu anubɛ farɛnu na, wonu si faga kirayɛ bolo.

Isikiyɛli 36:19

N ya anutɛ bɔ tɔn rɔ ka a tɛgɛ anu kɛ-nya-yogomɛnu ma woletɔ n ya anu tanyɛnsɛn nyamani-gbɛrɛnu tɔ.

Isikiyɛli 43:8

Fɔlɔ nun, mansɛnu bi anuna bolɔn yɛ bɛnnɛ ntɛ le ma, ado anu donnɛ anu nyɔgɔn tɔ le fanan. Dandan dɔrɔn de ma tɛma. Anu taranta ko-latinyanɛ minnu mala, wo mara tɔgɔ-tinya la nde bɛrɛn ye. Woletɔ n ya anu kasara nta yisi-bɔɛ la.

Isikiyɛli 5:10

Ka a tɛgɛ tɔrɔyɛ wo ma, denbɛnu si anuna dannu dɔn Yerusalɛm soe burɔ. Dannu fanan si anu sɔrɔnnɛnu dɔn. N si wo tɔrɔya ha ni minnu tora anu niyi la, wonu ta si nyɛnsɛn.

Isikiyɛli 5:17

N si kɔnkɛ anubɛ sogo-feremɛnu natuntun wola dannu ma. N si kɛlɛ anubɛ kiraya-fitinɛ lana wo kuma. Nde, Mari kan le kɛ la, yɔ!”

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Isikiyɛli 6:8

“N si a ma, donu ni bɔ muri kɔrɔ ka anu tanyɛnsɛn sibolo-gbɛrɛnu tɛma.

Isikiyɛli 7:15

Mari ya a fɔ nde, Isikiyɛli ye ko, “Kɛlɛ ye belenna soe kɔma. Kirayɛ anubɛ kɔnkɛ ye soe burɔ. Minnu bi binyɛ rɔ, wonu kunyɛ ye tola kɛlɛ rɔ. Minnu bi soe tɛma, kirayɛ anubɛ kɔnkɛ ye wonu maforongbanna.

Isikiyɛli 7:3

“Wole Isirɛla mɔgɛnu laban-wati ara ke. Wo si nna yisi-bɔɛ lɔn ka a tɛgɛ wo ara min ma. Wo ara kisimiriya-koe minnu nadan, n bi wo sarala wonuna ko la.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Emɔsi 9:4

Wo yogenu ba ta wo la biralɛ rɔ, a ko a si a ma, wo yogenu ni wo faga. A ko a ye wo kasara-koe le tɔ, wo kisi-ko ma de!

Emɔsi 9:9

A ko a wa a fɔ tumɛ min, Isirɛla mɔgɛnu ta si maga iko nyɔɛ wa kɛ fɛrɛ rɔ nya min. A ko a si anubɛ sibolo doinu funfan anu nyɔgɔn fɛ alako a yogenu si bɔ a kɛndɛnu ya la nya min.

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Tɔn-Fɔɛ-Fila-Nyɔgɛ 28:65

Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.