Isikiyɛli 41:4 - ALLALA KUMƐ

⁴ A ya bon-burɔ-konko wo suman, a kɔnɛ anubɛ a lɔngbɔn, nunkan-nya mogan-mogan. Bon-burɔ-konko kɛ ye konko-wɛ kɔma. Wo kɔma, a ya a fɔ n ye ko, “Sɛnima-Sɛnima-Tinɛ le yan na.”

Isikiyɛli 41:4 Iomraidhean Croise

1 Mansɛnu 6:5

A ya konkonɛnu tugun bon-kinamɛ tɔnkɔn sawɛ ma tala. Konko wonu sɔnɛ ye tala anu nyɔgɔn kuma sawa-sawayɛ ma.

1 Mansɛnu 7:50

Wo kɔma, a ya yi-lafɛnu anubɛ lɛnpu-ladufen-fannu nadan anubɛ yi-bi-mirannu. A ya isɛnti-bi-fannu anubɛ ta-kɔ-mirannu nadan. A ya Sɛnima-Sɛnima-Tinɛ dɛ-bira-fannu anubɛ a da-wɛ-bira-fannu nadan. Wo bɛɛ ladanta sɛnɛ la.

1 Mansɛnu 8:6

Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melika wonuna muninyɛ kɔrɔ Sɛnima-Sɛnima-Tinɛ rɔ.

2 Ko-Kɔrɔta-Karan 3:8

Bon-burɛ-kɔmatɛ min tɔgɛ Sɛnima-Sɛnima-Tinɛ, wo kɔnɛ anubɛ Bon-burɛ-yarɔtɛ rakɛn. A kɔnɛ nunkan-nya mogan, a lɔngbɔn nunkan-nya mogan. A ya sɛnɛ min mumɛ bɛɛsi lawɔli ka Sɛnima-Sɛnima-Tinɛ wo dandan-burɛ yamatogon, wola gbiliyɛ anubɛ fui-fan bɔrɔ kɛmɛ sawɛ rakɛn de!

2 Ko-Kɔrɔta-Karan 5:7

Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melikanuna muninyɛ wonu kɔrɔ Sɛnima-Sɛnima-Tinɛ rɔ.

Isikiyɛli 41:23

Kankan do ye Sɛnima-Tinɛ don-dɛ ma. Do fanan bi Sɛnima-Sɛnima-Tinɛ don-dɛ ma.

Lankɛnimayɛ 21:16

Soe wo tɔnkɔn nanɛ bɛɛ rakɛn. A lɔngbɔn anubɛ a kɔnɛ rakɛn. Melika ya soe suman ala fen-suman-kɔlɔma la. A sɔɛ mɛli waga kelen mɛli kɛmɛ loli (1,500). A kɔnɛ anubɛ a lɔngbɔn anubɛ a sɔɛ bɛɛ rakɛn.