Isikiyɛli 41:1 - ALLALA KUMƐ

^1-2 Wo kɔma, ko-rayirɛ wo rɔ, kei wo tara n na Bato-Bɔn bon-bɛ konko-wɛ la, Sɛnima-Tinɛ, kɔni. A ya nyɔ-don-dɛ wo suman, a kɔnɛ, nunkan-nya tan, a da-gbengbela-birɛ, nunkan-nya wɔrɔ-wɔrɔ, ka bɔ a don-dɛ da-gbengbe wo ma, ka ta dandan doi ma nunkan-nya loli le a fan filɛ la. A ya Sɛnima-Tinɛ nyɛrɛ fanan suman. A lɔngbɔn bɛnta nunkan-nya bi-nani ma, a kɔnɛ bɛnta nunkan-nya mogan ma.

Isikiyɛli 41:1 Iomraidhean Croise

1 Mansɛnu 6:1

San kɛmɛ nani san bi-segin (480) ara tenbi kebi Isirɛla mɔgɛnu bɔra Iyipiti. A san kɛmɛ nani, san bi-segin nyɔgɛ wo karɛ fila nyɔgɛ ma, Mansa Silamɛni ya Bato-Bɔn sɔɛ dabira. Wo ya a taran, Silamɛnina mansayɛ ara san nani bɔ Isirɛla nyamanɛ kun na.

1 Mansɛnu 6:2

Mansa Silamɛni ye Mari Bato-Bɔn min sɔ tinɛ, wo lɔngbɔn ya nunkan-nya bi-wɔrɔ bɔ. A kɔnɛ ya nunkan-nya mogan bɔ. A sɔɛ ya nunkan-nya bi-sawa bɔ.

Isikiyɛli 40:17

Kei wo ya n nabɔ tele-bɔɛ tenbi-bolɔn wara la ka ta n na kata burɔ. Konko bi-sawa ye kata wo burɔ. Kurinu sanɛ konko bi-sawɛ wonu yarɔ kilɛ ma tala.

Isikiyɛli 41:21

Sɛnima-Tinɛ wo don-dɛ da-gbengbe anubɛ a da-lasɛ rakɛn de! Sɛnima-Sɛnima-Tinɛ wo don-dɛ yarɔ, tebulu do ye nyɔ min manɛ iko

Isikiyɛli 41:23

Kankan do ye Sɛnima-Tinɛ don-dɛ ma. Do fanan bi Sɛnima-Sɛnima-Tinɛ don-dɛ ma.

Isikiyɛli 41:3

Wo kɔma, a tara bon-burɔ-konko wo la. A ya wo don-dɛ suman, a kɔnɛ, nunkan-nya wɔrɔ, a da-gbengbe nunkan-nya fila-fila. Ka bɔ a don-dɛ da-gbengbe wo ma, ka ta dandan doi ma nunkan-nya wɔrɔnfila a fan filɛ ma.

Isikiyɛli 42:1

Wo kɔma, ko-rayira kelan wo rɔ, kei wo tara n na tun bon-dogbɛrɛ la konko-siyaman bi min tɔ kata burɔ. Bɔn wo tugunnɛ luyima-kata la kantɔ-wara la, ado nyɔ ma fɛ-yan tele-yigi wara la bɔn la.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

Lankɛnimayɛ 21:15

Melika min kumara n ye, sɛnɛ fen-suman-kɔlɔma ye wo bolo alako a si soe wo suman nya min, a dɛnu anubɛ a tarɛ.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.