Isikiyɛli 40:7 - ALLALA KUMƐ

⁷ Kilɛ ye tenbi-bolɔn burɔ nyɔ. Konko sawa ye a bolo-maran wara la. Bon-makandan-konko sawa fanan bi a bolo-nyimɛ wara la. Konko wonu kɔnɛ anubɛ anu lɔngbɔn rakɛn de! Wonubɛ kɔlɔma wo rakɛn fanan. Dandan min bi konko wonu tɛma, wonu da-gbengbe bɛnta nunkan-nya wɔrɔ-wɔrɔ ma. Kilɛ wo kunyɛ wara la, konko ye nyɔ min bi a labilala kata-burɛ ma. Konko wo kɔnɛ bɛnta kɔlɔma wo nya kelen de ma.

Isikiyɛli 40:7 Iomraidhean Croise

1 Ko-Kɔrɔta-Karan 23:28

Donu si to Aruna kegeyɛnu dɛnbɛna saraka-masɔ-wɔlɛ la. Anu si Bɔn wonubɛ a fɛ le sɛninya woletɔ ni fan minnu sɛninyanɛ, wonu ti kɔsɔ iko tɔn ya a fɔ nya min.

1 Ko-Kɔrɔta-Karan 9:26

Kun-tigi nanɛ minnu bi makandannɛ kɛnu kuma, Lifayi le wonu na. Wonu denu bi Bato-Bon-konkonu fɛ-birala anubɛ fan minnu namaranɛ nyɔ.

2 Ko-Kɔrɔta-Karan 3:9

Sɛnɛ min mara lɔntumɛnu na, wo kelen-kelan gbiliyɛ anubɛ fui-fan pani-talɛ rakɛn de! Konko minnu bi san-bɔn la a kuma, a ya wonu dandan yamatogon sɛnɛ la.

2 Ko-Kɔrɔta-Karan 31:11

Anu ya dɔn-fen namara tinɛnu nadan Bato-Bɔn burɔ iko mansɛ ya a fɔ anu ye nya min.

Ɛsira 8:29

Wo ni anu fɛ-bira a kilɛ fɛ ha miran wonu ni ke Bato-Bɔn la. Wo wa ke anu na nyɔ, wo si anu suman saraka-masɔ-kun-tiginu yakɔrɔ anubɛ Lifayinu anubɛ Isirɛla bɔnsɔn kebila-kun-tiginu Yerusalɛm soe burɔ. Wo kɔma, wo ni anu don anu bolo.”

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Isikiyɛli 40:10

(Bon-makandan-konko minnu bi kilɛ wo tɔnkɔn filɛ rɔ, wonu takɛn de! Dandan minnu bi konko wonu kelen-kelennamɛ-bɛɛ tɛma, wo bɛɛ da-gbengbe rakɛn de fanan.)

Isikiyɛli 40:21

Kilɛ ye nyɔ fanan tɛma, konko sawa-sawa ye a tɔnkɔn filɛ bɛɛ rɔ. A konko wo, a dandan da-gbengbe wo, a kila-kunna-konko wo, wonubɛ a tele-bɔɛ tenbi-bolɔntɛ rakɛn de! Tenbi-bolɔn wo lɔngbɔn, nunkan-nya bi-loli. A kɔnɛ, nunkan-nya mogan-ni-loli.

Isikiyɛli 40:29

A konkonu wo, a dandan-kɔrɔ wo, a burɔ-da-gbengbe wo, wonubɛ tenbi-bolɔntɛ bɛɛ kelen. Wundannɛ tɛgɛnɛ konko wonu fanan ma. A lɔngbɔn, nunkan-nya bi-loli, a kɔnɛ nunkan-nya mogan-ni-loli.

Isikiyɛli 40:33

A konkonu wo, a dandan-kɔrɔ wo, a burɔ da-gbengbe wo, wonubɛ tenbi-bolɔntɛ bɛɛ rakɛn. Wundannɛ tɛgɛnɛ konko wonubɛ a dandan-kɔrɛ fanan ma. A lɔngbɔn, nunkan-nya bi-loli, a kɔnɛ nunkan-nya mogan-ni-loli.

Isikiyɛli 40:36

Konkonu bi wo fanan ma anubɛ tɛɛnla muninyɛnu anubɛ a dandan-kɔrɛ anubɛ wundannɛnu. A lɔngbɔn, nunkan-nya bi-loli, a kɔnɛ nunkan-nya mogan-ni-loli.

Isikiyɛli 40:8

Kilɛ wo kunyɛ bɛnnɛ konko min ma Bato-Bɔn wara la, konko wo kɔnɛ bɛnta nunkan-nya segin ma. Konko wo dandan da-gbengbe bɛnta nunkan-nya fila ma.

Isikiyɛli 42:5

Bɔn wo kuma-konkonu dɔgɔ a tɛma-konkonu ko bawo a kumatɛ masɛginɛ a kɔma doni. A tɛma-konkonu dɔgɔ a kɔrɔtɛnu ko fanan. Sɛnbɛrɛn-kɔn sa konko wonu yarɔ iko a bɔn toenu bi nya min kata burɔ.