Isikiyɛli 40:5 - ALLALA KUMƐ

⁵ N ya Bato-Bɔn le yen kata mininɛ a ma. Kei wo ya ala fen-suman-kɔlɔma wo bi minna yanyɛ bɛnnɛ nunkan-nya wɔrɔnfila ma. A ya kata wo suman. Kata wola yanyɛ anubɛ a kɔnɛ wonubɛ kɔlɔma wo rakɛn de gbetu!

Isikiyɛli 40:5 Iomraidhean Croise

Yaburi 125:2

Iko Yerusalɛm lafoonɛ kɔnkɛnu na nya min, Mari fanan si ala mɔgɛnu nafoo wo nya le ka a bi bi ma ha habadan!

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Isikiyɛli 41:8

Bato-Bon-konko-nɛ dandan min bi luyi wara la, wo da-gbengbe, nunkan-nya loli. Da-wa kelen pe le kantɔ-konko-nɛ kɛnu ma. Da-wa kelen fanan bi dugula konko-nɛ kɛnu ma. Bato-Bɔn kuru-kɛ-tinɛ ya Bato-Bɔn lafoo tala, wo kɔnɛ, nunkan-nya loli. Ka a bi dugi ma ka ke kuru-kɛ-tinɛ, wola yanyɛ bɛnta nunkan-nya wɔrɔnfila ma. Ka a bi kuru-kɛ-tinɛ wo ma ka ke saraka-masɔlɛnuna konko-nɛnu ma Bato-Bɔn yarɔ, nunkan-nya mogan de anu tɛma gbɛkole wo rɔ.

Isikiyɛli 42:15

Kei wo ban Bato-Bon-burɛ sumanna, a tara n na tele-bɔɛ don-dɛ kɔmatɛ wara la ka ta Bato-Bɔn fɛ-lɛ suman-tinɛ.

Isikiyɛli 42:20

Kata wo tɔnkɔn nanɛ bɛɛ nunkan-nya kɛmɛ loli-loli. Allatɛ ye min na anubɛ mɔgɛnutɛ ye min na, kata wo ye wonu dan le la.

Isikiyɛli 43:13

Saraka mintan tinɛ suman-nya le kɛ la. Bato-Bɔn sumanta kɔlɔma min na, saraka-mintan-tinɛ fanan sumanta wo le la. Saraka mintan tinɛ wo lafoonɛ denkɛ la. A rayanyɛ, nunkan-nya kelen. A kɔnɛ, nunkan-nya kelen. Bɔnkɛ min nadɛnnɛ a da-gbole la tala, wola yanyɛ, nunkan-nya tala.

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Tɔn-Fɔɛ-Fila-Nyɔgɛ 3:11

(Mansa Ɔku kelen pe le tonɛ a niyi la nun Rɛfɛnnu tɔ. Kɔnɔ tɔ-a-la, anu ya a faga. A ya ala nɛgɛ-sofa min nadan, wola yanyɛ, nunkan-nya kɔnɔntɔ. A kɔnɛ, nunkan-nya nani. Ha kaka, ala nɛgɛ-sofa ye Raba soe burɔ Amonnuna nyamanɛ rɔ.)

Lankɛnimayɛ 21:12

A tarɛ yanyanɛ bɛrɛkɛ! Da tan-ni-fila le ye a ma. Melika tan-ni-fila ye kun-tigiyɛ kɛla dɛ wonu na, da kelen, melika kelen. Isirɛla bɔnsɔn tan-ni-filɛ, wonu tɔgɔ kelen-kelen sɛbɛnɛ a kelen-kelan wo bɛɛ ma.