Isikiyɛli 38:9 - ALLALA KUMƐ

⁹ Anubɛ ala kɛlɛ-dannu anubɛ sibolo-siyamɛ minnu bi a fɛ, wonu si tonkore sɔ nyɔ la iko fɔnyɔ wa tonkore sɔ soe la.”

Isikiyɛli 38:9 Iomraidhean Croise

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 5:28

Anuna bɛɛnnu nasulennɛ boliboli! Anuna kalɛnu tabɛnnɛ. Anuna soeenu kiannu gbɛlɛyanɛ iko fara-kole. Anuna kirindi kiannu bi tintanna anu kɔrɔ iko tɔnkɔlɔn.

Yɛrɛmaya 4:13

Ma yogenu bi nala iko banda-finyɛ. Anuna kɛlɛ-kɛ-kirindinu bi nala anu burila iko tɔnkɔlɔn. Anuna soeenu bi anu burila iko kokɛ. A si gbɛlɛya ma kuma bawo wo ye nala kasarala le kɛ la.

Isikiyɛli 13:11

Ile hadama-dan, a fɔ foninya-wɔlɔyiya-kuma-fɔlɛ wonu ye ko anuna tara-mabɛnnɛ wo si bui. A fɔ anu ye ko n si banda-belebele-wɛ lana tarɛ wo ma. Banda-kole si a yoro. N si fɔnyɔ latugu a ma.

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Lankɛnimayɛ 20:9

Anu ta si nyɛnsɛn dugu-kole kan tinɛ bɛɛ kuma ka Allata mɔgɛnu daga tinɛ lamini anubɛ soe min keninɛ a bolo. Kɔnɔ tɛ si bɔ Arinyɛni tɔ ka anu halaki.