Isikiyɛli 32:7 - ALLALA KUMƐ

⁷ N tenbi a halakiyi wo kun na, n si banda-finyɛ anubɛ lolenu yamatogon pinpi la. Banda-finyɛ si sa tele ya ma, ado karɛ ti gbɛ.

Isikiyɛli 32:7 Iomraidhean Croise

Yobu 9:7

A si a fɔ tele ye ko a kana bɔ. A si a ma fanan, lolenu ti malan.

Hɛnkilimaya-Kumɛnu 13:9

Mɔgɔ-telennɛnu bi malanna le iko kuru-lɛnpu kɔnɔ karagbɛlɛnu manɛ iko lɛnpu min dufennɛ.

Makawandili Kumɛnu 12:2

Lunyɛ do, tele anubɛ karɛ anubɛ lolenu, i ti ban wonu waan ragbɛla, ado tele-wo-tele, a si ma iko bandɛ le finna ile yala.

Aiseya 13:10

Tɔn si sigi lolenuna malan la. Tele si fin banda-ka-dɛ ma. Karɛ si gbɛ.

Aiseya 34:4

San-kole si tunu yen, iko gbolo-kolonɛ la wa mini. Tele wo, karɛ wo, lolenu wo, wo bɛɛ si bunden. Lolenu si to yalanna iko toro-gbɔɛ anubɛ a yanbɛ si a ma nya min.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Isikiyɛli 30:3

ado nde, Mari ye anu tɔrɔla tele min ma, wo ara gbɛrɛn. Wo si ma tele-finyɛ la sibole bɛɛ ye.

Isikiyɛli 31:15

“Nde, wo Tigi Mari ko kɔlɔma wo wa don lakira tele min ma, yi minnu bi dugi ma, n si a ma, wonu ni tugu a kun na. Wo si ma diyi-tamasere la. N si bɛnu gbala anu worɔn la. N ti sɔn yinu ni bon anu daga ma tun. Kɔlɔma wo wa faga, n si pinpi burun Lɛbanan kɔnkɛnu kuma bɛff! N si a ma gbɔngbɔn bɛɛ la ni ta gbalala.

Yowɛli 2:10

Anu kinta-kan ye dugi layɛrɛyɛrɛnna. San-kole fanan bi yɛrɛyɛrɛnna. Tele anubɛ karɛ si fin. Hali lolenu, anu mɛlan ti yen.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Yowɛli 3:15

Tele anubɛ karɛ si fin wulɔn. Hali lolenu, anu mɛlan ti yen.

Emɔsi 8:9

Wo wati ye nala, tele si fin tele-latelen-wati rɔ, wo kɔma, pinpi si burun wo kuma.

Matiyu 24:29

“Tɔrɔyɛ wonu ba tenbi tumɛ min, tele la si fin. Karɛ ti gbɛ. Lolenu si bɔ san-kole rɔ ka bui. San-koletɔ-fannu na si maga ka bɔ anu gbɛ rɔ.

Maraka 13:24

“Tɔrɔya-tele wonu ba tenbi tumɛ min, tele la si fin. Karɛ ti gbɛ tun.

Luka 21:25

“Tamaserenu si sa tele anubɛ karɛ anubɛ lolenu ma. Duninya-mɔgɛ bɛɛ yigi si tɛgɛ ka kilan kɔgɔ-yi wɔyɔ-kan anubɛ a mɔrɔn-wɛla ko la.

Lankɛnimayɛ 8:12

Wo kɔma, melika nani nyɔgɛ ya ata buri fɛ. Tele faranɛ sigi tina sawa la, wo sigi tina kelan tinyara anubɛ karɛ, a sigi tina sawa nyɔgɛ anubɛ lolenu sigi tina sawa nyɔgɛ. Woletɔ anu ma ke malanna. Tele ma bɔ hawa nani nyɔgɛ kɔrɔ. Karɛ fanan ma gbɛ hawa nani nyɔgɛ kɔrɔ.