Isikiyɛli 32:2 - ALLALA KUMƐ

² A ko, “Ile hadama-dan, n sɛbɛna-kumɛ kɛ latenbi Iyipiti mansɛ ma. A fɔ a ye ko a ara a nyɛrɛ lɔn yarɛ la sibole doinu tɛma. Kɔnɔ a mani de dɔrɔn iko banbɛ min si yi ragbesi bɛ rɔ ka dundi tugu a kian la.

Isikiyɛli 32:2 Iomraidhean Croise

Ko-Dabirɛnu 49:9

Yuda, i bɔnsɔn si ma iko yara-bulan min si mansayɛ kɛ soge bɛɛ kuma. A wa ta soge bira, a ni na a la faran la ka a dɔn saa! A wa ban a dɔnna tumɛ min, a si a nyɛrɛ rasagan nyaratata ka a sa. Sogo-wo-sogo ti sisi a la.

Yobu 41:23

A gbole gbɛlɛ a ma gbon! A gbole kankannɛ a ma kagbi! A gbɛlɛ iko nɛgɛ.

Yobu 7:12

I ya n lɔn ninkinankɛ la mɔgɛ si kilan min na. Nfenna i ye n tagbɛrɛnna?

Hɛnkilimaya-Kumɛnu 25:26

Ni mɔgɔ-nyimɛ kofura mɔgɔ-yoge ma ko-yogoma-kɛ tinɛ, wo mani de iko tenke min dundunɛ, ni wo ma, kɔlɔntɔ-yi min nɔgɔnɛ.

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Hɛnkilimaya-Kumɛnu 30:30

A fɔlɔtɛ le yarɛ la. Sɛnbɛ ye a la sogenu tɛma ado a ti kilan fenfen na.

Aiseya 27:1

Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 46:7

Yonnu tɔkɔkɛ ye nala wo la iko Nayɛli bɛ? A beyabeyɛ iko bɛ tenbi yanbɛ gbesila.

Yɛrɛmaya 46:8

Iyipiti kɛlɛ-dan denu tɔkɔkɛ ye nala wo la iko Nayɛli bɛ. Wonu denu beyabeyɛ iko bɛ tenbi yanbɛ gbesila. Anu ko, “Ma si yɛlɛ ka duninya bɛɛ yamatogon. Wo si a ma, soenu ni halaki anubɛ nyɔ-burɔ-mɔgɛnu.

Yɛrɛmaya 9:18

Wonu burumatoe ni na tiriya ka diyi-kɛ dabira anu sɛbɛ-kuna-wɛ la. Wo si a ma, wo ya-yi ni wo ya-denkɛ lafa. Wo ya-yi si yigi iko bɛ.

Isikiyɛli 26:17

Anu si saya-sigi kɛ sa Taya kɛnu ye ko, So-makawanɛ kɛ ara kasara. Ala yi-kuma-kulɔnnu bara firan yi kuma. So-burɔ-mɔgɛ kɛnu ya kɔgɔ-yi don anuna marɛ kɔrɔ nun gbede-gbede! Kɔgɔ-yi-dafɛ-sigilɛnu ya wo bɛɛ kumakɔ.

Isikiyɛli 27:2

“Ile hadama-dan, i ni saya-sigi sa Taya kɛnu ye.

Isikiyɛli 27:32

Anu bi saya-sigi sala kulɔn wo ye ko, ‘Yon si sanka Taya soe ma, min bara-koe ara ka-a-la kɔgɔ-yi rɔ, kɔni?

Isikiyɛli 28:12

“Ile hadama-dan, ile fanan ni saya-sigi sa i sɛbɛ-kuna-wɛ la ka a tɛgɛ Taya mansɛ kɛ laban-bole ma. Nde, wo Tigi Marita kumɛ kɛ latenbi ko ale Taya mansɛ, ko-latelenni-misalɛ le ale la nun. A hɛnkili ye nun, ado a mafɛlɛn di.

Isikiyɛli 29:15

ka tenbi nyamanɛ bɛɛ la. Anu ti ke sibolo-wo-sibolo marala tun. N si anu nafɛya. Anu ti ke nɔ-ko sɔrɔnna sibolo-wo-sibolo ma tun.

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Isikiyɛli 32:16

Sɛbɛna-kumɛ kɛ si ma kalama la. Sibolo-gbɛrɛ-musinu tenbi dila Iyipiti anubɛ ala mɔgɛnu kasara-nyala ko la, anu bi kalama kɛ bɔla. Nde, i Tigi Mari kan le kɛ la.”

Isikiyɛli 32:18

A ko, “Ile hadama-dan, di Iyipiti mɔgɛnuna ko la. Anu natuntun sibolo-tagbɛlɛmɛ doinu ma lakira.

Isikiyɛli 34:18

Sagɛ donu bi anu tɔ, wonu ti wasa bin-nɔrɔnni-dɔn la fɔ ka binyɛ toe wo tinya anu kian la. Anu ba ban yi minna, anu si yi wo dundunɛ to.

Isikiyɛli 38:13

A ko Siba kɛnu anubɛ Didan kɛnu anubɛ Sipeni nyamani-yilanu si to ale mansɛ manyinikala ko, “I wara ban ila kɛlɛ-dannu kundɛnna alako anu ni ta bui mɔgɛnu ma, wa? I wara ban anu bolo-fannu torondela anu na, wa? A wodi-gbɛ wo, a sɛnɛ wo, a kolo-fen wo, a bolo-fen wo, a sɔgɛ ye i la, i ni ta wo bɛɛ la i bolo, wa?”

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

Matiyu 7:24

“Nba, mɔgɛ min bɛɛ ye nna kumɛ kɛ lamɔɛnna ka a bira, wo si ma iko kei-hɛnkilimɛ min ya ala bɔn sɔ fara-kole kuma.