Isikiyɛli 30:3 - ALLALA KUMƐ

³ ado nde, Mari ye anu tɔrɔla tele min ma, wo ara gbɛrɛn. Wo si ma tele-finyɛ la sibole bɛɛ ye.

Isikiyɛli 30:3 Iomraidhean Croise

Yaburi 110:6

A si sibolenu kiti ka kɛlɛ-kɛ-tinɛnu nafa furi la pen! A si mansɛnu nɔ dugu-kole bɛɛ kuma.

Yaburi 37:13

Kɔnɔ Mari ye yɛlɛnna karagbɛlɛ wonu ma bawo a ya a lɔn ko wonu sa mɛla halakila.

Bɔ-Koe-Iyipiti 14:20

Banda-fin-gbɛ wo tora Iyipiti kɛnu anubɛ Isirɛla mɔgɛnu tɛma. A tɔnkɔn doi ya pinpi burun Iyipiti kɛnu kuma bɛff! A tɔnkɔn doi ya waan raka Isirɛla mɔgɛnu ma waran! Iyipiti kɛnu anubɛ Isirɛla mɔgɛnu ma ke anu nyɔgɔn yenna suyi wo nyɛrɛ rɔ hali ka gbɛrɛn anu nyɔgɔn ma lefan!

Bɔ-Koe-Iyipiti 14:24

Banda-ka-da-pinpi ma, Mari ya a kolan bɛn Iyipiti kɛlɛ-dannu ma ka bɔ banda-fin-gbɛ anubɛ ta-mɛlan rɔ. A ya Iyipiti kɛlɛ-dannu kɔndɔfili pirikali!

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 13:9

Marita lɔgɔ-latɛgɛnɛ ara gbɛrɛn. Wo wati si a taran, Mari yakɔrɛ sisinɛ dɔgɔma-ma-de! Duninya mumɛ bɛɛ ra si kolonya filili! Hakɛ-tigi bɛɛ si halaki.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Yɛrɛmaya 25:31

Sɔnkɛ wo si duninya mumɛ bɛɛ bira-a-la wuu! Wo ye mala bawo Mari ye nala sibole bɛɛ tɔrɔla le. A si mɔgɛ bɛɛla fɛɛ yira a la kiti-kɛ-tinɛ. A si wunduyoge bɛɛ halaki pɔ!

Isikiyɛli 13:5

Iko fira-wuli wonu, anuna foninya-wɔlɔyiya-kuma-fɔlɛnu sa tara-kerinɛ kandanna. Ni anu sa tarɛ wo sɔla tun alako nde, Mari si anu yogenu natugu anu kan ma tele min ma, soe wo ti kanan.

Isikiyɛli 29:12

N si Iyipiti nyamanɛ ma nyamani-halakinɛ la ka tenbi nyamanɛ bɛɛ la. San bi-nani dɛgɛdɛgɛ, Iyipiti so-kunbɛ bɛɛ ye kasarɛ kɔrɔ pɔ! So-wo-so ti kasara ka ke anu tɔ. N si Iyipiti kɛ bɛɛ ma kɛlɛ-kɔrɔ-maburilɛnu na tɛrr! Anu si anu buri ka ta anu sigi nyamani-gbɛrɛnu tɔ.”

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Isikiyɛli 32:7

N tenbi a halakiyi wo kun na, n si banda-finyɛ anubɛ lolenu yamatogon pinpi la. Banda-finyɛ si sa tele ya ma, ado karɛ ti gbɛ.

Isikiyɛli 7:10

“Halakiyi ye nala wole Isirɛla mɔgɛnu ma. Wo ara karagbɛlɛyɛ dan-natenbi. Wo ara wasɛ dan-natenbi.

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Isikiyɛli 7:19

Anu si anuna sɛnɛ anubɛ anuna wodi-gbɛnu nakɛ a rɔ luyinu ma iko bin-gbalɛ bawo nde, Mari wa wuli anu tɔrɔla, wo fenfen ti ke anu kunyɛ bɔla a rɔ. Fen-kolomɛ wonu ti anu mako nyinya. Anu buyi la ti fa wonu na, ado anuna sɛnɛ anubɛ anuna wodi-gbɛ, wonu denu ya anu nadon hakɛ rɔ.

Isikiyɛli 7:7

Wole min siginɛ Isirɛla nyamanɛ kɛ rɔ, wo lato-wati ara ke. Wo ti ladiya-wo-ladiya kɛ tun wola bɛsi-kɔ-tinɛnu tɔ kɔnkɛnu kuma fɔ halakiyi tun!

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Hɔbadaya 1:15

Sibolenu kiti-sa-koe ara gbɛrɛn ale Mari bolo. Wole Idɔm mɔgɛnu bara min ma, a ko anu si na wo nyɔgɔn sigi wole fanan na, yɔ! Wo ya min nyɔgɔn ma, a ko a ye wo le nyɔgɔn mala wo la.

Sɛfanaya 1:14

Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Matiyu 24:33

A ye wo nya na le, wo wa koe kɛ bɛɛ yen mala tumɛ min. Wo si a lɔn ko n na-wati ara gbɛrɛn. N sɔnɛ dɛ la.

Filipai 4:5

Mɔgɛ bɛɛ ni a lɔn ko wo dinyanɛ, ado Mari na-tumɛ ara gbɛrɛn!

Yemesi 5:9

N na-kelen-nyɔgɛnu, wo kana gbunya wo nyɔgɔn kɔrɔ, ni wo ma, Alla si wo kiti tɛgɛ. Wo ni wo yɛ lata. Kiti-tɛgɛlɛ sɔnɛ dɛ la. A sɔgɛ ye a la, a ni don.

Lankɛnimayɛ 6:17

ado anuna diminya-tele-wɛ ara ke. Yon si to a niyi la wulɔn?”