Isikiyɛli 3:18 - ALLALA KUMƐ

¹⁸ Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni bɔ a sɔn-yogomɛ wo da la ka kisi, ni wo fagara ko-yogomɛ wo kun na, ile hadama-dan gbɛ le wo la, ado n si i bira wo yili la, yɔ!

Isikiyɛli 3:18 Iomraidhean Croise

Ko-Dabirɛnu 2:17

Kɔnɔ fɔ ‘Ko-Nyimɛ-anubɛ-Ko-Yoge-Lɔn-Kɔlɔma’ gbɔɛ, i kana wo dɔn kamasɔrɔn ni i ya wo dɔn, i si faga serr!”

Ko-Dabirɛnu 42:22

Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.”

2 Samuwɛli 4:11

Wole min bara kɛ faga, a ma ko tinya, kumana sa wole ma. A ye kinɔgɛ le tɔ a halala bɔn la, wo tara a kunyɛ tɛgɛ a la. Wo ye wo gbɛ min tɔ wo la, n si a tayili sara wo la ka wo ban dugu-kole kɛ kuma.”

2 Mansɛnu 1:4

Wo ta Mari kuman-kan kɛ latenbi ko a kunyɛ ti bɔ kirayɛ kɛ rɔ muk, ado a ye fagala le.” Nɛbi Ilaya tara ka kilayɛ wonu taran ka Mari kuman-kan latenbi anu ma.

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Isikiyɛli 18:20

Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Isikiyɛli 18:4

Nde leta ye mɔgɛ bɛɛ niyi la, a denba wo, a den wo. Min bi hakɛ kɛla, wo le ye fagala.

Isikiyɛli 3:20

“Mɔgɔ-telennɛ wa don ko-yogoma-kɛ rɔ, n si gbɛrɛ lasigi a ye, a ni faga. Ni i ma wo tigi makawandi, a si faga a sɔn-yogomɛ wola ko la. N ti n miri a sɔn-nyimɛ wo ma tun muk, ado n si i bira wo yili la.

Isikiyɛli 33:12

“Nba, ile hadama-dan, a fɔ Isirɛla mɔgɛnu ye ko mɔgɔ-nyimɛ tenbi hakɛ kɛla, a ara ko-nyimɛ min bɛɛ ma, wo ti a kisi. Ni sɔn-yogoma-tigi ya a bɔ ko-yogomɛ da kun tɔ, a ti tɔrɔ. Ni mɔgɔ-nyimɛ ya a bɔ ala ko-nyimɛ da kun tɔ, a ti to a niyi la.

Isikiyɛli 33:6

Kɔnɔ ni kila-kandannɛ wo ya anu yogenu yen nala, a ma sɔn buri fɛla, ni anu yoge nara mɔgɛ do faga, ala mɔgɛnu si a bira ka a tɛgɛ a hakɛ wola ko ma. N fanan si a bira wo yili la.

Isikiyɛli 34:10

Nde, anu Tigi Mari ara ban a latɛgɛla ko anu yogo-fin-bɛ le nde la. N si nna sagɛnu bɔ anu bolo. N ti sɔn tun anu denu fanan ni ma nna sagɛnu fɛ-biralɛnu na. N ti sɔn anu ni to anu nyɛrɛ fɛ-birala wo nya na tun. N si nna sagɛnu kumafunfan anu bolo, ado n ti sɔn anu ni anu dɔn tun!

Yilan-Yilan Koe 26:65

Mɔgɔ filɛ wo tɔgɛ le kɛnu na, Yɛfunɛla dan Kelabu anubɛ Nunna den-kei Yasowa. Mari ya a fɔ fɔlɔ nun ko a mɔgɛ toe kɛ bɛɛ si faga wula-da-rakolɔn rɔ. Wo bɛɛ mara iko Mari ya a fɔ nya min.

Luka 13:3

Ade! N ni a fɔ wo ye, ni wole ma tubi ka yɛlɛma, wo dama si faga iko wonu!

Luka 13:5

Ade! N ni a fɔ wo ye, ni wo ma tubi ka yɛlɛma, wo dama si faga iko wonu.”

Yɔni 8:21

Yisa ya a fɔ Farisinu ye tun ko, “N ba ta, wo si n nyini kɔnɔ wole si faga wola hakɛnu tɔ. N bi tala kan min, wo ti ke tala nyɔ.”

Yɔni 8:24

Woletɔ n ya a fɔ ko wo si faga wola hakɛnu tɔ. Nba, ni wo ma la a la ko ale le nde la, wo si faga wola hakɛnu tɔ serr!”

Kɛwɔlɛnu 2:40

Pita ya anu kawandi ka kuma-siyaman fɔ anu ye. A ko, “Wo ni wo nyɛrɛ kisi ka bɔ tɔrɔyɛ wo rɔ min bi nala mɔgɔ-yogomɛnu kan ma wola foolɛ rɔ!”

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

1 Timoti 5:22

I kana gbaran i nyɛrɛ la ka i bole sa mɔgɔ kuma tiriya Marita wɔlɛla ko la. Ni i ya wo ma, wo wa bui, wo filɛ ara don hakɛ rɔ. I ni i nyɛrɛ mara sɛninyɛ rɔ wati bɛɛ.

1 Samuwɛli 8:9

Woletɔ ile ni i yɛ bɛn anu ma kɔnɔ i ni anu kawandi i sɛbɛ la. I ni a rakaran anu ye a kila-bɛrɛbɛrɛ-wɛ fɛ ni anu ya mansɛ sɔrɔn, wo ye a mala anu na nya min.”