Isikiyɛli 3:11 - ALLALA KUMƐ

¹¹ I na-kelen-nyɔgɛ minnu bi biralɛ rɔ i fɛ Babilɔn nyamanɛ rɔ, ta wonu bara. Nde, wo Tigi Mari Alla ara kumɛ minnu don i da rɔ, i ni ta wonu fɔ anu ye, a biranɛ anubɛ a birabɛlɛ anu bolo.”

Isikiyɛli 3:11 Iomraidhean Croise

Bɔ-Koe-Iyipiti 32:7

Anu bi wo kun na, Mari ya a fɔ Musa ye kɔnkɛ kuma ko, “I buri yigila kamasɔrɔn i wara na mɔgɛ minnu na ka bɔ Iyipiti nyamanɛ rɔ, wonu bara yɛlɛma ka yogoya.

Yɛrɛmaya 29:20

Woletɔ wole mɔgɔ-biranɛnu, ale Mari ya wole minnu gben Yerusalɛm ka wo lata Babilɔn, wo ni wo tole masɔ a kan la.

Isikiyɛli 2:4

Anu tole gbɛlɛ, ado anu sa n gbiliyala. Woletɔ n bi ile kilayala anu ma ko nde, wo Tigi Mari Alla ye min fɔla, i ni wo latenbi anu ma.

Isikiyɛli 2:5

Anu banta, anu sɔnta, fɔ anu ni a lɔn yati, ko nɛbi ye anu tɛma.

Isikiyɛli 2:7

Nde ye min fɔla i ye, i ye tala wo le fɔla anu ye dɔrɔn, a biranɛ anubɛ a birabɛlɛ anu bolo bawo anu murutiyanɛ le.

Isikiyɛli 20:27

“Woletɔ ile hadama-dan, wo Tigi Mari ye nala min fɔla i ye, i ni wo latenbi Isirɛla mɔgɛnu ma. Anu benbanu ya n nafɛya telenbɛlitayɛ le fanan na.

Isikiyɛli 3:10

“Ile hadama-dan, i tole masɔ a kin na! I ni i hɛnkili to kumɛ kɛ damasi ko.

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Isikiyɛli 3:15

N tara fɔɔ Abibu kɔnkɔ-kuma so-burɔ-mɔgɔ-biranɛnu siginɛ kan min Kiba bɛ fɛ. Ka a tɛgɛ n bara min tayen ko-rayirɛ kɛ rɔ, tele wɔrɔnfila, n mankulan bɔnɛ n ma nyɔ kilan bolo.

Isikiyɛli 3:27

N ba kuma i ye tun, n si a ma, i ni kuma. Nde, wo Tigi Mari Alla ara kumɛ min fɔ ile ye, i si na wo fɔ anu ye. Donu si anu tole masɔ i la, donu si anu ban ila kumɛ la bawo mɔgɔ-murutiyanɛ le anu na.”

Isikiyɛli 33:12

“Nba, ile hadama-dan, a fɔ Isirɛla mɔgɛnu ye ko mɔgɔ-nyimɛ tenbi hakɛ kɛla, a ara ko-nyimɛ min bɛɛ ma, wo ti a kisi. Ni sɔn-yogoma-tigi ya a bɔ ko-yogomɛ da kun tɔ, a ti tɔrɔ. Ni mɔgɔ-nyimɛ ya a bɔ ala ko-nyimɛ da kun tɔ, a ti to a niyi la.

Isikiyɛli 33:17

“Ado nfan, ila mɔgɛnu bi a fɔla ko nde ye min kun na, wo ma telen, nyɛ? Kɔnɔ anu denu denuta kila ma telen.

Isikiyɛli 33:2

“Ile hadama-dan, n ba na kɛlɛ la nyamanɛ do rɔ tumɛ min, min bi mala, wo fɔ ila mɔgɛnu ye. Nyamanita-mɔgɛ wonu si mɔgɛ do yabɔ alako wo ni ma kila-kandannɛ la.

Isikiyɛli 33:30

Mari ya a fɔ n ye ko, “Ile hadama-dan, ila mɔgɛnu bi i wara-koe fɔla tarɛ dafɛ anubɛ anuna bonda-dɛnu na. Anu bi a fɔla anu nyɔgɔn ye ko, ‘Ma ni ta ma tole masɔ Marita sarani-kan la.’

Isikiyɛli 37:18

Ila mɔgɛnu ba i manyinika wo kɔrɛ ma,

Daniyɛli 12:1

Linɛn-kurɛ donnɛ melika min kan na, wo ya a fɔ n ye ko, “Wati wo si a taran, ila nyamanita-mɔgɛnuna kandan-melika min tɔgɛ Maikali, wo si bɔ gbɛ rɔ. Wo wati rɔ, tɔrɔyɛ si koloya duninyama-tɔrɔyɛ bɛɛ ko. Ile Daniyɛlila nyamanita-mɔgɛ minnu tɔgɛ sɛbɛnɛ Allata buku rɔ, wonu si kisi.

Daniyɛli 6:13

Anu ya a fɔ mansɛ ye tun ko, “Kɛlɛ bɔra mɔgɛ minnu na Yuda nyamanɛ rɔ, wo mɔgɔ kelen bi nyɔ, a sa sɔnna ila tɔn birala, ila kandɛ, Daniyɛli, kɔni. A ye matarali-kɛla a nyɛrɛ ma iko sawa tele la.”

Tɔn-Fɔɛ-Fila-Nyɔgɛ 9:12

Wo kɔma, Mari ya a fɔ nde ye ko, ‘I buri yigila kɔnkɛ kɔrɔ tiriya bawo i nara mɔgɛ minnu na ka bɔ Iyipiti nyamanɛ rɔ, wonuna ko-yogoma-ladan ara a ma, anu bara anu nyɛrɛ kɔsɔ. N ma n tade lefan, n ya min fɔ anu ye, anu bara anu kan-kɔ sɔ wo la. Nba, i yɛ lata de! Anu bara bɛsɛ ladan anu nyɛrɛ ye.’